الريم ( إليها)

الكاتب : محمد علي   المشاهدات : 333   الردود : 3    ‏2007-09-01
      مشاركة رقم : 1    ‏2007-09-01
  1. محمد علي

    محمد علي قلم ماسي

    التسجيل :
    ‏2006-07-14
    المشاركات:
    21,727
    الإعجاب :
    0
    واعيني اللي كل ماذعـذع مـن الغربـي هبـوب
    ..........يحلا لهـا لـون الغـروب اللـي يـذوب قبالهـا


    ويا ويل حالي كل ما يحـلا لهـا لـون الغـروب
    ..........تطـري لـي الريـم اللعـوب وسالفـة ترحالهـا


    وياجرّ قلبـي كـل مـل تطـري الريـم اللعـوب
    ..........حرّمت أمد يدي على حاجة وأنا مـا اقـوى لهـا


    من سافرت ريم الغلا صدّيت عـن كـل الـدروب
    ..........ماهـو قصـور بالعـذارى, بـس ذيـك لحالهـا


    من فارقتني ما خطف قلبي مـن الحـور محبـوب
    ............ولا لقيـت الجـادل اللـي تستحـق أحيـا لـهـا


    لان القلوب إن ما وفت لأحبابهـا ماهـي قلـوب
    ..........والعشرة اللـي ماتـرد الـروح مـا نسعـى لهـا


    أما الوفاء الل يستر الرجّـال مـن كـل العيـوب
    ..........والا الجفاء اللي يستر عيوب العـرب ف رجالهـا


    مـا أقسـى مــن فــراق أهــل الجـنـوب
    ..........ويلي على اللي كـل مـا تزعـل تشـد رحالهـا


    اللي مذيّرها العتب.. لا شبّـت بصـدري شبـوب
    ...........عيّيـت أراضيهـا وهـي عيّـت تطـول بالـهـا


    كانت معي مثل النصيب يحدّني مـن كـل صـوب
    ...........كانت دروبـي مـن متاهـات الضلـل.. لظلالهـا


    كانت هروبي لا شعـرت إنـي بحاجـة للهـروب
    ...........كانت سماي اللي ليا ضاقـت علـيّ ألجـا.. لهـا


    ليه اتحداني وأنـا فـي كـل الأحـوال مغلـوب ؟
    ...........ليـه حرمتنـي مـن قهـر عـذالـي وعذالـهـا


    ليـه اتجاهلنـي وأنـا مانـي جبـان ولا كـذوب
    ...........ليه ارخصـت دمعـي وأنـا مـا بكيـت إلا لهـا


    ما ترحم اللي له سنه كنّه علـى النـار محطـوب
    ...........مـا هزهـا دمـع الفقيـد اللـي بكتـه أطلالهـا


    ما خافت تهدْم السنين اللي بنتنـا طـوب طـوب
    ...........ما فكـرت تشفـق علـى حالـي وترحـم حالهـا


    قولوا لها لـو مـا تـذوب أنـا بخليهـا تـذوب
    ...........قولوا لها لو ما عنـت لـي مستعـد اعنـا لهـا


    اليا اسمحت لي هالخطا بسمـح لهـا كـل الذنـوب
    ...........وإن جابت الحسنة معـي تبشـر بعشـر أمثالهـا


    افرش لها صدري وطن واجمع من ضلوعي شعوب
    ..............وارقـى لهـا مكانـة محـد قـدر يرقـى لـهـا


    إن كانّي مخطي فأنـا مانـي خلـيّ مـن العيـوب
    ...........الذنـب يغفـر والبشـر تجزىبقـدر أعمالهـا


    البعد قاسي والفـراق يضيّـق الصـدر الرحـوب
    ...........وأنــا تعـبـت أدور الحيـلـه وارد احتالـهـا


    قولوا لها ترجع ترى ماني على البعـد مغصـوب
    ...........وإلا تـرى نـذرٍ علـيّ أنـه مهـوب أشوالهـا


    أمـا تجنّـب الهبـال وتتـرك البعـد وتـتـوب
    ..........والا بتبشـر بالهبـال اللـي مـا هـوب هبالهـا


    كافي زعل ترى الظروف مقفّلة مـن كـل صـوب
    ..........وأنا حملـت مـن الهمـوم أنواعهـا وأشكالهـا


    يكفيني أني كل ما هبـت علـى صـدري هبـوب
    ...........تحـنّ عينـي للجـنـوب وتلتـفـت بلحالـهـا


    والمشكلة أني كـل مـا حنّـت عيونـي للجنـوب
    ...........تطـري لـي الريـم اللعـوب وسالفـة ترحالهـا


    وعز الله إني كل ما تطـري لـي الريـم اللعـوب
    ............حرمت أمد ايدي علـى حاجـة مـا أقـوى لهـا
     
  2.   مشاركة رقم : 2    ‏2007-09-02
  3. GreenDay

    GreenDay عضو نشيط

    التسجيل :
    ‏2007-07-23
    المشاركات:
    298
    الإعجاب :
    0
    آآآآآآآآخ آآآآآآآآخ
    لو يعرف محمد عبده طريق هذا الشعر لا يغنيه​
     
  4.   مشاركة رقم : 3    ‏2007-09-02
  5. الأمـيـرة

    الأمـيـرة قلم ذهبي

    التسجيل :
    ‏2005-08-15
    المشاركات:
    5,220
    الإعجاب :
    0
    وعز الله إني كلما تطـري الريـم اللعـوب
    ..........حرّمت أمد يدي على حاجة وأنا مـا اقـوى لهـا

    من سافرت ريم الفلا صدّيت عـن كـل الـدروب
    ..........ماهـو قصـور بالعـذارى, بـس ذيـك لحالهـا


    أهل الجنوب أحدى روائع الشاعر المبدع حامد زيد.............نقل موفق سلمت وبارك الله فيك والحمدلله على السلامه وعوده محموده
     
  6.   مشاركة رقم : 4    ‏2007-09-02
  7. أيــــمــــــن

    أيــــمــــــن قلم ماسي

    التسجيل :
    ‏2006-10-17
    المشاركات:
    28,504
    الإعجاب :
    6
    يامدوفر هذا انت ولا الحاشدي ؟؟؟؟؟؟؟
     

مشاركة هذه الصفحة