من عيون الشعر الحضرمي (ابوراضي)

الكاتب : بن قطمان   المشاهدات : 639   الردود : 0    ‏2007-08-28
      مشاركة رقم : 1    ‏2007-08-28
  1. بن قطمان

    بن قطمان عضو فعّال

    التسجيل :
    ‏2007-05-16
    المشاركات:
    679
    الإعجاب :
    0


    من عيون الشعر الحضرمي ،بوراضي الأول،

    --------------------------------------------------------------------------------

    هذه القصيدة هي من أروع الشعر الحضرمي قالها الشاعر الراحل / سالم بن محمد باتيس بوراضي
    وهو جد الشاعر / طالب بن حسن باتيس بوراضي الثاني​









    [poem=font="Arabic Transparent,5,#0000ff,bold,normal" bkcolor="" bkimage="backgrounds/19.gif" border="none,1," type=2 line=1 align=center use=ex num="0,"]

    قـال المعنـى فـي الداجـي فقـد رشـده=قاسى شدايـد وغيظـه بالحمـق مكظـوم
    لاعتـم الليـل بوراضـي يـجـر قـهـده=ساعه تقلب علـى جنبـي وساعـه قـوم
    يالله عسا اللطف لـي مـن واسـع المـده=ضنـي ومشكـاي لـك ياحـي ياقـيـوم
    ذبتني اشـواق مـن ذي قـد فـرق خـده=وفـي جبينـه كتـاب الفارسـي مرسـوم
    اهيف ترف لـه شـرف مايختلـف وعـده=والغـره الباهـي مثـل القمـر مقـسـوم
    وتقول كفلـت شبـك لاقـد نسـع جعـده=يغذاه بلمسك والعطـر الشـذي المشمـوم
    واعيان حـور الحـدق تقتـل بـلا هـده=كل من نظر لمحت اعيانه ضـوى مغـروم
    والخشم منصوب كأنه سيـف فـي غمـده=والعـذب بيـن الثنايـا يشفـي المسقـوم
    وكعوب حفّـل كمـا الرمـان فـي وهـده=والصـدر ميـدان للظمّـر تجـي زمـزوم
    والبطن طاقه حريـر اخضـر مـن الكـده=اصلي من العال جاء من مصر وارض الروم
    والخصر كأنه لبـو يـدرج علـى الجـده=وتقول ثعبان ذي هو بـل حمـه مسمـوم
    والعجـز مركـب منـول لاقــدا جــده=خـاض القـلازم وبحـر الهنـد والفيـوم
    في خنه الخمـر يسكـر مـن بلـغ عنـده=افيـون مفنـون فيـه الطـب للمحـمـوم
    سيقان فيهـا الهلـب شـده قفـاء شـده=واقـدام لاديعـوا وداي ضـوى مـرحـوم
    ياهركلـي يارضـي ياخيـل فـي قـنـده=يافايـق الغيـد ياخرعـوب يامهـضـوم
    سالك بخير الـوراء عبـدك يصـل قصـده=عالباب واقف ولا هو فـي الهـوى مليـوم
    القصـد قصـده ولا بايختـلـف وعــده=مازال عاد النسـم يجـري فـي الحلقـوم
    انـه يـبـاء مــال بالعطـيـه لايــده=بعطيه جاوه ومسقـط والحبـش والـروم
    وارض الاروبـه وباريـس الـذي ســده=واراض مدراس ذي فيهـا خزيـن القـوم
    والصيـن والشيـن والبصـره مـع جـده=والهند والسند هـو والشحـر ذي محكـوم
    والفيـن مهـره تربـت بـلـد صـعـده=والفين بكـره عنـدي فـي العـدد ملـزوم
    والفيـن ميـزر جـرامـل ذي لـهـا رده=والفين ميزر جرامـل عالمقـص محكـوك
    هـذا فـي المـهـر والتـقـدوم بـامـده=الاف واكرور مـن جنـه الذهـب مختـوم
    وقهـوة الخـال يوخـذ عطفـة الجـعـده=وارض الكثيري ويوخـذ صـاط باكرشـوم
    هـذه ملاكـه وبلـقـي فوقـهـا بـنـده=والناس في خدمته راضـي وحـد محتـوم
    وانه يباء السيـد بوراضـي يقـع عبـده=باسير في الامر من تحت الطلـب محكـوم
    والختم صلـوا علـى مـن لانبـي بعـده=صلاه تغشى ضريح الهاشمـي المعصـوم
    والال والصحـب والنوريـن مـن بـعـده=وعمر وبوبكر عنـدي فـي العـدد ملـزوم
    والرابـع الشهـم لـي سيفـه روى حـده=واهل المدينه ومن هاجر معه فـي القـوم
     

مشاركة هذه الصفحة