ˆ~*¤®§(مكياج سهل وبسيط بالخطوات المصورة)§®¤*~ˆ°

الكاتب : الغجريه   المشاهدات : 1,564   الردود : 3    ‏2007-07-05
      مشاركة رقم : 1    ‏2007-07-05
  1. الغجريه

    الغجريه عضو

    التسجيل :
    ‏2007-06-26
    المشاركات:
    213
    الإعجاب :
    0
    مرحبــــا بنـــات ..
    هذي اول مشاركة لــي وحبيت اقدم طريقة لوضع مكياج العين تحديدا مصورة واحسن من الكلام بدون صور لان بالذات تطبيق المكياج محتاج صور ..
    وتمنيت يكون عندي عارضه امكيجها واوريكم مكياجها كامل بس قلت اقلها ارسم الخطوات على ورقه واصور اللي اقدر افيدكم به .. واتمنى تكون خطواتي سهلة للتطبيق..
    هذا المكياج يعتمد على لون واحد فقط من الآي شادو والكحل .. وممكن تغلظين او تخففين كمية الكحل والآي شادو المستخدمة على حسب المناسبة اللي رايحتلها والوقت .. فممكن تستخدمينه الصبح بخط رفيع من الكحل وكمية اخف من الآي شادو أو يكون لحفلة بسيطة أو زيارة مع رسم خط اعرض من الكحل- بس انتبهي انه مايكون عريض وايد- وتكثيف الآي شادو ..



    نبتــــدي بالتــطــبــيــــق :



    1- أول شي ابتدي وزعي كريم الأساس على الوجه بأطراف الاصابع وتأكدي انه يغطي الوجه كامل وحاولي توزعينه بشكل جيد بأنج تدمجينه اكثر مع البشره كأنج تحطين كريم عادي .. وخصوصا على المنطقه اللي بجانب الشفاه لان البعض يلاحظون بعد فتره ان في طبقه من كريم الاساس تتجمع في هالمنطقه وتحتاج الى مسح .. ولاتزيدين الكميه إذا احتجتي ممكن تزيدين بس لاتزيدين من أول مره..اتركيه لمده دقيقه لين ماتحسين انه شوي جف عالبشرة.
    انا استخدم كريم اساس ماكس فاكتور لانه خفيف وفي نفس الوقت يغطي العيوب وهو رائـــــــــــــــــــــــــــــع..



    بعده.. حطي نقط من الكونسيلر حول العين وادمجيه بلطف ( الكونسيلر السائل من MAYBELLINE حلو وانا استخدمه لانه خفيف ومضاف له واقي من الشمس) بعد الكونسيلر لانه سائل محتاج ينشف شوي.



    اخر خطوه وزعي البودرة المضغوطة على الوجه ( انا استخدم بودرتين: الاولى من LANCOME وهي درجة اغمق من لون بشرتي واحطها على ويهي كامل واخلي المنطقه اللي حول العين ، والبودرة الثانيه من Kanebo وهي درجة افتح من لون بشرتي واحطها حول العين بخفه مع محاولة دمجها بالكونسيلر عشان لايسيح ، ومرريها بخفه على عظمة الانف وباقي البودرة اللي متوافره عالاسفنجه ادمجيها مع البودره الاغمق بطبطبات فقط و بخفه وبتمرير سريــــع بــس .. يعني عالماشي)
    [​IMG]
    هذا كريم الأساس MAX FACTOR - العلبة الزرقا هي بودرة LANCOME - العلبة الذهبية هي بودرة
    KANEBO
    [​IMG]
    هذا الكونسيلر من MAYBELLINE - والبلاش من Guerlain ورقمه 525
    [​IMG]
    اسنخدمي محدد للشفاه بلون الشفايف الطبيعي - وأحمر الشفاه اللي لونه روعه وطبيعي وانصحكم تجربونه هو من NIVEA واسمه 05 Rosy Satin - وممكن تدمجينه بالفرشاه بشووية روج بيج يكونلج طبيعي أكثر أو ممكن تستخدمينه لحاله
    [​IMG]
    الآي شادو اللي بنشتغل عليه اليوم لون جدا رائــــــع وطبيعي فيه لمعه خفيفــة وهو من RIMMEL - 030 SMOKEY QUARTZ
    [​IMG]
    اول شي بعد الانتهاء من توزيع البودرة هو رسم العين بالكحل وممكن تستخدمين كحل LANCOME اوRIMMEL -او اي نوع تحبينه و ترسمين خط فوق الجفن المتحرك مع خط الرمش وعلى جوانب المدمع من الخارج مثل الرسمه وعلى حسب العين ممكن تنزلين خط المدمع باتجاه الانف .. وكذلك تمدين الكحل الى زاويه العين الخارجيه مع رسم خط صغير تحت ويكون مكمل لخط الجفن المتحرك

    [​IMG]
    بهذي الاسفنجة وهي لتمديد الكحل تمشين على الخط الاساسي وتحاولين تسيحينه للأعلى شوووي ابتداء من زاوية العين الداخلية وانتي طالعة عالزاوية الخارجية ونازلة عالخط اللي تحت .. ومدي الرسم الى جوانب العين الخارجية قليلا . في اسفنجات تجي مع الكحل من الناحية الثانية مثل كحل شانيل .. وممكن انتي تستخدمين الاسفنجة اللي لحالها مثل اللي استخدمها في الصورة وهي من The Body Shop
    [​IMG]
    ابتدي وضع الآي شادو بواسطة اسفنجة الشادو الصغيرة على الجفن المتحرك كامل من الزاوية الداخلية وحتى الخارجية وخليه قريب لخط الكحل وادمجي اقرب خط من الكحل مع الآي شادو لكن لاتتعمقين في الكحل وخليه يكون واضح
    [​IMG]
    بالاصبع او بالاسفنجة قومي بتدريج الظل قليلا على الجفن الثابت .. وتلاحظين ان التدريج يزداد كل ما اتجهنا إلى زاوية العين الخارجية .. وطبعا كل ماكانت هناك مساحة بين العين والحاجب يزداد التدريج.. وهذا اللون سهل جدا في التدريج بمجرد مسحات بسيطه إلى الزاوية الخارجية بتحسين كأنج حاطه لونين .. وترى الدرجة افتح من اللي تشوفونه على الورقة لأن الورقة بيضا وايد والبشرة تكون عالبيج سواء كانت بيج فاتح او حنطي .. بس مهم تتأكدين إن مايكون في جزء من الظل متجمع عالجفن المتحرك ومو متدرج عالجفن الثابث .. بلمسة خفيفه صعديه لأعلى
    [​IMG]
    الحين زيدي كمية من الظل عالجفن الثــــــــابت فقـــط بلمسات من الاسفجنة لتكون اكثر دقة
    وحطي آي شادو بيج او بنفس لون البشرة أو استخدمي البودرة المضغوطه وبواسطة اسفنجة لرسم خط دقيق تحت الحاجبين ليبرزهما وحاولي بعدها انج تمررين صبعج على تحت الحاجبين فوق الظل الفانح اللي حطيتيه عشان يصيرون كانهم طبيعيين
    [​IMG]
    سيحي الآي شادو مره ثانية بالاصبع في الخط اللي بين الجفنين الثابت والمتحرك من الزاوية الخارجية واعيدي رسم العين بالكحل بالضبط مثل ماسويتي اول مره ولكن هالمره بدون ماتسيحين الكحل
    [​IMG]
    وفي هالخطوة ممكن تزيدين كمية الكحل على حسب المناسبة وإذا تحبين تحطين كحل داخل العين ممكن واذا عينج صغيره لا تحطين داخلها .. وممكن اذا حواجبج تحتاج تضبيط تضبطينها بكحل الحاجب باللون البني او الاسود وتمشطينهم
    [​IMG]
    واخر شي الماسكارا وانا استخدم Double Extension من L'OREAL وهي رائعــة بعد استخدام الطبقة البيضاء ضعي طبقتين او ثلاث من الطبقة السوداء من بداية الرمش وانتي طالعه الى الزاوية الخارجية للعين.. ولمسات قليلة على الرموش السفلى ويطلع كأنج حاطة رموش صناعية
    آخر شي امسحي مسحة خفيفة من البودرة المضغوطة تحت العين لإبرازها اكثر وثم البلاش والمحدد واحمر الشفاه




    اتمنى انكم فهمتوا الطريقة اللي انا استخدمها لاني اعلم ناس كثير يسألوني عليها وقلت افيدكم وان شاء الله تجربونها وماتواجهون اي صعوبة لان مره بعد مره راح تاخذ ايدكم عليها ..
    واسمحولـــــــــــي عالإطاله
    :p
     
  2.   مشاركة رقم : 2    ‏2007-07-05
  3. دانه قطر

    دانه قطر قلم ذهبي

    التسجيل :
    ‏2006-10-01
    المشاركات:
    9,594
    الإعجاب :
    0
    حلوه الطريقه وسهله

    ثاااااااااااااااااانكيو :D
     
  4.   مشاركة رقم : 3    ‏2007-07-05
  5. اميرة الاحلام

    اميرة الاحلام عضو نشيط

    التسجيل :
    ‏2005-06-29
    المشاركات:
    483
    الإعجاب :
    0
    واااااااااااااااااااااااااااااااو ماشاءاللة عليك ياغجرية درس اكثر من رائع
    كذا المشاركات ولا بلاش
    اتمنى يكون عندي وقت فراغ عشان اعمل لكم دروس مكياج بالصور
    بحاول انشاءاللة
    الى الامام عزيزتي ونتمنى المزيد من المواضيع الجميلة اللي زي كذا
     
  6.   مشاركة رقم : 4    ‏2007-09-07
  7. الرمش الظليل

    الرمش الظليل قلم ذهبي

    التسجيل :
    ‏2005-04-12
    المشاركات:
    9,160
    الإعجاب :
    0

    رهيييييييييييييييييييييييييييييييييييييييييييييييييبه الطريقة
    انا يعجيني هالاستايل فالمكياج
    ماحب الدفاااااااااااشه:eek:
    يسلمووووووووووووو
     

مشاركة هذه الصفحة