زواج المتعة قره صاحب شان

الكاتب : ربيع سعداوي   المشاهدات : 411   الردود : 0    ‏2007-07-03
      مشاركة رقم : 1    ‏2007-07-03
  1. ربيع سعداوي

    ربيع سعداوي عضو نشيط

    التسجيل :
    ‏2007-06-22
    المشاركات:
    323
    الإعجاب :
    0
    يا رب يا كر يم تعلم مــــــــا بـــــــــــــــــيا
    نشكي ضري ليك عـــــــارف انت رحمان

    عمري ولا حبيت في هــــــــذي الدنيــــــــا
    وكي حبيت حصـــــــدت لرماد ودخـــــان

    شفت السما نقطـــــــة وريتها يعينــــيا
    وضاقت الارض اعيات عن همي واحزان

    وين حمامتي اللي ربيت بيـــــــــــــــديا?
    غير نبتت للريش قالت:فـــــــــي الامان

    يا درى تتفكر الايام بهيـــــــــــــــــــه ?
    للورد واليــاسميـــــــــن يفرش كل مكان?

    يا درى راهي بخير صدت علـــــــــيا?
    مـــن يدي لها سلامي?انا خوكم غلبان

    ما تعرفش اصلاحها معذورة هـــــــــــي
    هــــــــــذا الزمان يغر لرجال ونسوان

    كي كثرت الاحزاب واضحة لقصيــــــه
    ويكفـــــــي ما بنيناه هاهو راب الآن

    جدي الريم ينباع بسةمة دونيـــــــــه
    والراجــــل ما بقاش يسوى من زمان

    واش غادي نعمل يــــــــا سامع ليا?
    واش تبغيني نقـــــــــــول?والله حيران

    كان تحــــــــــب تعيش حاجتك مقضيه
    صفق ..صفق..زيد ارقص في الميـدان

    خلط وجلط ..وكعبر شويــــــــــــه
    وامش على كرشك هكذا رايح تبان

    هف وسف وقول : ديمقراطيــــــه
    واحلـــــــــف باش تموت وانتاي تخمان

    لا تحسب للعـــــــــار وازرب يا خويا
    قبل يوت الحال وما تصيبش لتــــران

    قدامك فرصة وساعة مواتيــــــــــه
    افتح عينك شوف وين عاد الجيران?

    هذي حضارة وموضة عصريــــــة
    هذا زهو كبير ينسي في الامـــحان

    هذا تقدم وهذي حريـــــــــــــــــــه
    مفروشـــــة البيوت مفتوحة البيبان

    A votre sante الكبدة مشويه
    I love you today…I love you egain

    حمسة الاف وحدة وغير المصريه
    زواج المتعة قره صاحب شــــان

    ازمة الخليج الاولى تشهد عن من قرر زواج المتعة
     

مشاركة هذه الصفحة