النحس

الكاتب : السندريلا   المشاهدات : 328   الردود : 1    ‏2007-06-28
      مشاركة رقم : 1    ‏2007-06-28
  1. السندريلا

    السندريلا عضو متميّز

    التسجيل :
    ‏2007-02-09
    المشاركات:
    1,260
    الإعجاب :
    0
    يوم الاثنين اغتنى .. وصار بين الاغنيا ترتيبه الثالث
    يوم الثلاثاء الفجر .. مات في حادث
    فريق كورة .. دائما ترتيبه في الدوري الاخير
    واذا لعبوا واستبسلوا .. قبل الاخير
    وبعد السنين الممحلة .. جاهم رئيس ثروته كثر التراب
    عيّن مدير .. عنده من الخبرة كثير
    شال الكبار ولعّب شباب
    وجاب المدرب اللي له اسمٍ مهاب
    واتقدموا .. وصلوا للدور النهائي
    ويوم النهائي .. قبل المباراة بدقايق
    في البلد حصل انقلاب
    مسكين .. شين وفقير
    وفي الدراسة حاول انه يستمر .. ومااستطاع
    وضعه صعب ..ابوه مات وهو صغير
    وماترك له الا الفقر .. وامه واخته .. والهم من فوقه وتحته
    ومالقى لجل الهروب من الضياع .. الا انه يدور وظيفة .. أي وظيفة
    ولقى من ضيقته مخرج .. وظيفة دخلها معقول .. يمشي الحال لو اعرج
    ومرت سنة وسنين ..
    والمسكين .. صارت كل آماله زواج
    واتزاحمت في داخله الاسئلة ..
    منهي اللي بتقبله ؟ .. وليه ؟
    وفي يوم مامثله ابد .. شافها .. اجمل من اجمل مارأى
    واضحكتله ... مستحيل !! ...اضحكتله
    ومشت من اول الحارة .. ولحقها
    وادخلت في بيت جاره ..
    سأل عنها وعرف ... قنوعة واسمها سارة
    تصير اخت لمرة جاره
    ارسل لها اخته .. تجس النبض
    جت البشاير
    راح لمه .. وفرحته كبر السما والارض
    وافقت !! .. ابشرك يمه .. لقيتها يمه
    سارة اخت حصة مرت منصور ..
    ابيها وهي تبيني .. وابغى منك الشور
    خلاص يا يمه خلاص .. بقول لهمومي الوداع .. بقول لهمومي الوداع
    قالتله امه :
    يا ولدي .. بس هذي اختك في الرضاع


    قصيدة من اجمل القصائد لعبد الرحمن بن مساعد

    http://www.music.7cc.com/download.php?action=lsn&id=359
     
  2.   مشاركة رقم : 2    ‏2007-06-28
  3. سالم بن سميدع

    سالم بن سميدع قلم ماسي

    التسجيل :
    ‏2005-03-20
    المشاركات:
    27,619
    الإعجاب :
    2
    هذي من القصص الواقعيه في مجتمعنا العربي

    سلمت اختي السندريلا

    و حذائك كم مقاسه بالضبط

    و القصيد للامير / عبدالرحمن بن مساعد رائعه


    وهذا موقع سمو الامير على الشبكه العنكبوتيه

    http://www.bin-msaad.com

    [​IMG]

    سلمت
     

مشاركة هذه الصفحة