يمه

الكاتب : عذب الحروف   المشاهدات : 422   الردود : 2    ‏2002-10-16
      مشاركة رقم : 1    ‏2002-10-16
  1. عذب الحروف

    عذب الحروف عضو

    التسجيل :
    ‏2002-08-07
    المشاركات:
    45
    الإعجاب :
    0
    المقدمه : جروح كثيره ولا هناك من ملجأ غير الام



    اعذريني يمه

    أذا انكسرت بيوم

    واذا شفتي صورتي

    تهتز قدامك وطعون الغدر بظهري سهوم

    وأذا بكيت من حرقه

    وجرح بيدوم طول العمر دوم

    يمه اذا جيتك

    وجروحي تراكم

    ودموعي جفت وحرقت خدي سموم

    يمه أحظنيني

    وعنهم أبعديني

    يمه أخاف الاوان يفوت

    وأتصارع مع الموت

    يمه

    لاتخليني شجعني

    ماأبي أمانيج فيني تنصدم

    واللي بنيتيه ينهدم

    يمه يمه مالي غيرك

    لا يغرك دموعي

    ولا طعوني وجروحي

    تراني مثل ماتبين

    يمه انا بنتك وكل اللي تحلمين

    مهما يسوي الزمن فيني

    ومهما الجروح فعلت فيني

    ترى عند وعدي

    لأرفع بأسمي

    وأرفع بصوتي لحقي ولنفسي

    خلاص زمن الصمت راح وجاء دوري وحسي

    يمه

    لأشيلك فوق رأسي

    وأدور العالم وأقول أمي أمي

    لو يغطى الكون كله ظلام

    بلقى في ظلالج عيشتي ودربي

    يمه لو يشوفوني

    الناس حطام

    أبي أكون بعيونك سهام

    توجهيها للي يشكك بفعلي

    ويقول اللي يقول

    يمه لو بين أيدك أموت

    لاتدمعين

    ولا تذرفين

    دموعك ماتهون

    أنا أهون ألف مره ولا تهون

    ولو يقولون ان شعري ظلام وسوالف ليل وأوهام

    قولي لهم يمه

    يمه ترى مانظمت القصايد

    ولا سويت الحكي في كلامي قلايد

    خلهم يقولوا وماعليك المهم انتي

    يمه انا ما أدري شقول

    انا يمه يمه يمه

    ماعندي حكي أقوله

    انا الحين يمه أدور لنفسي مكان

    أشفي نفسي من علتي ومن هذا الزمان

    يمه دنيتي خانتني

    وانت نصحتيني وقلتي

    وانا مشيت بطريقك

    وماسلمت زماني يخون

    والقدر ضدي دايم يكون

    يمه قلتي لي وقلتي

    مو ذنبي اني أكون وافي وقلبي حنون

    الذنب اني اخون وأخون وأخون

    يمه أرفعي رأسك فيني

    وقولي كلامك قولي

    خلي العذول يموت

    وبحرقته يزود

    خليني في عيونك أكون واكون

    يمه

    مهما يكون أنكساري

    ترى هو أنتصاري

    يمه طعوني مهما تزيد

    المهم أعيش بعيونك أعيش

    لايغرك انهياري

    ترى في داخلي بركان بعده ماأنطفى بيكون فيه أنتصاري

    ماهمني العالم

    ولا حكي الناس وسوالف هالهوانم

    المهم انتي

    وش تقولين

    لو شفتي بيوم أنكساري

    وكان فيه حطامي

    ويمكن بلحظه يختفي حسي

    وتنقتل أنفاسي

    ويكون موتي

    ونهايه حياتي

    بس يمه ماعليك

    لايغرك مماتي

    ترى أفعالي

    تحكي عني وعن سواتي

    ترى الناس تحكي

    ولو يطول الزمن تحكي

    بتقول عني

    ماتبين وما تتمنين وتحلمين

    بكره العالم بيسمعني

    والكل ينطرني

    وشفتي اللي كان بيوم يقول

    بيجي لحد عندي

    ويعتذر ويتوسل وعن سواته يتوب

    بس انا عندي وعدي

    وبكون بطيب قلبي وبأسمي وبتربيتي وعقلي

    يمه

    رب الكون يغفر وأحنا البشر نطغي

    لا ولا نغفر ندور الزله لناس

    ونحرش بين ناس وناس

    يمه بكون مثل ماقلتي لي

    بسامح انا بسامح

    يمه بسامح

    لو يجرحوني العالم كله

    بسامح

    _______________

    تحياتي

    عذب الحروف
     
  2.   مشاركة رقم : 2    ‏2002-10-20
  3. رباع

    رباع عضو

    التسجيل :
    ‏2000-12-05
    المشاركات:
    94
    الإعجاب :
    0
    ((( قصيدة جميله ومعا نيها أجمل )))

    عذب الحروف
    =======
    تحية وتقدير على المجهود الكبير والمعبر عن اشياء كثرة
    ===================================
    والذي شد انتباهي اكثر ؟؟؟


    ترى في داخلي بركان بعده ماأنطفى بيكون فيه أنتصاري
    ======================================
    ونريد المزيد ويعطيك الف عافيه ::: رباع اليمن :::
     
  4.   مشاركة رقم : 3    ‏2002-10-20
  5. عذب الحروف

    عذب الحروف عضو

    التسجيل :
    ‏2002-08-07
    المشاركات:
    45
    الإعجاب :
    0
    شكرا يا رباع

    الحمدلله أن كلماتي البسيطه حازت على رضاك

    ومعانيها كانت أكثر من الذي رأيته

    ولكن حاولت أقلل حتى لا أكثر

    ولكن الحمدلله حازت على رضاك

    شكرا لك أخي الكريم


    عذب الحروف
     

مشاركة هذه الصفحة