لعبه غبيه ايه لعبه غبيه

الكاتب : رايح يوصل   المشاهدات : 397   الردود : 1    ‏2007-05-31
      مشاركة رقم : 1    ‏2007-05-31
  1. رايح يوصل

    رايح يوصل عضو

    التسجيل :
    ‏2004-10-09
    المشاركات:
    37
    الإعجاب :
    0
    لعبه غبيه ايه لعبه غبيه
    ابطالها عندي حثاله حثاله

    نياتهم باين عليها دنيه
    مافيهم اللي يُعتمد قول قاله

    مافيهم اللي له مواقف جليه
    ولا فيهم اللي ترتقي به فعاله

    ولا فيهم اللي رحبو في مجيه
    تحصله منبوذ وحده لحاله

    منبوذ من امه وخيه وبيه
    منبوذ من جده وعمه وخاله

    مسكين من يحمل وراهم هويه
    مافيهم اللي تفتخر به عياله

    ولا فيهم اللي ما يوصل وشيه
    ولا فيهم اللي مايبيع الزماله

    الجيد منهم بين ربعه بليه
    ويعتبر نفسه ملك في خياله

    مايدري انه ضمن اكبر خليه
    مصنفه في قائمات النذاله

    ولا يدري انه مادرى به خويه
    ولايدري انه ما طرى له بباله

    ياناس هذي ناس ماهي ذكيه
    متمتعين بأعلى درج بالخباله

    تحصل الواحد مع ذا وذيه
    ينقل يوشوش ايه هذا مجاله

    بتات مايعمل لصالح وليه
    يكذب ينافق لجل يظهر جماله

    ويحسب افعاله علينا خفيه
    مايدري ان الفعل ذي هو عناله

    يضر نفسه بس عينه غشيه
    يلوي على نفسه بنفسه حباله

    حياتهم بالخزي تبقى غنيه
    ولا تغرك غترته او عقاله

    وعقولهم بالجهل تبقى مليه
    مهما تعلم زاد نفسه جهاله

    اصبر عليهم بس صبرك شويه
    تشوف منهم من يحظن رماله

    واللي يشوف اكثير باقي بقيه
    يشوف من عنه تُكرم نعاله

    وذمتي ياالله منهم بريه
    مافيهم اللي قد قوله قتاله

    الجيد منهم يعتني للأذيه
    لكن ولايطري ببالي ولاله

    في حيز التفكير عندي وصيه
    حتى رفض فكري يواصل سجاله

    مع شخص مايسوى بنظري وقيه
    مع شخص مايسوى حذا في بقاله

    لا عيشته فخمه ولا هي مريه
    ولا نفع نفسه بصف العماله

    وما دام لي نيه ونيه ونيه
    نيه وذا تعريفها في عجاله

    من الخبائث كل ابوها نقيه
    لاحسد لاغيبه ولا استماله

    ولا اعتبر حالي بصوره بهيه
    ولاني بذاك اللي يعدد خصاله

    لكن لي نيه وعندي حميه
    لكل البشر مآحب غير العداله

    ولا تأثر بالجبال الشظيه
    الجيد مهما غاب يطلع هلاله
     
  2.   مشاركة رقم : 2    ‏2007-05-31
  3. إبراهيم ناصر

    إبراهيم ناصر مشرف سابق

    التسجيل :
    ‏2006-04-14
    المشاركات:
    15,151
    الإعجاب :
    0
    الجيد منهم بين ربعه بليه
    ويعتبر نفسه ملك في خياله

    مايدري انه ضمن اكبر خليه
    مصنفه في قائمات النذاله


    والجيد مهما غاب يطلع هلاله......صح الله لسانك يا الغالي.....قصيده جميله وكلها حكم وعبر.....تسجيل اعجاب بما خطته اناملك.....ولك تحيات ابو محمــــــــــــد
     

مشاركة هذه الصفحة