حلفتك بالله .. تعطيني رأيك.

الكاتب : همس   المشاهدات : 692   الردود : 2    ‏2002-09-29
      مشاركة رقم : 1    ‏2002-09-29
  1. همس

    همس عضو

    التسجيل :
    ‏2002-09-24
    المشاركات:
    41
    الإعجاب :
    0
    السلام عليكم


    دخلت بكيفك …… أرجو انك ما تخرج الا بكيفنا…

    وهذي ورده تعبت عليها .. جبتها من الطايف مخصوص لك ..

    حتى الزوار …… هذا رجاء خاص … لا تكسفوني……

    تبي تصيعون … خذوا راحتكم !!!!... بس فيه شغله مهمه .. إلا الصلاه..

    تكفون إلا الصلاة …… وفي وقتها بعد …

    بس لي رجاء … أمانه أحمّلها كل من فتح هذا الموضوع وقرأه … يسوي اللي بقول عليه مره وحده على الأقل… نبي نصلي ركعتين … ركعتين بس ...!!!

    من هنا تنط .. تتوضاء وضوء تمام … وتذكر الله وانت تتوضاء .. لا خرجت وقبل ما تتنشف .. تقول "أشهد ان لا إله الا الله وأشهد أن محمداً رسول الله .. اللهم اجعلني من التوابين واجعلني من المتطهرين" .. صدقني راح تنفتح لك ابواب الجنه الثمانيه تختار منها أياً شئت…

    البس … إكشخ وتعطر.. وانتي البسي ملابس جديده وتعطري والبسي شرشف الصلاه …

    الله الله على منظرك انت … والله كأنك من الولدان المخلدون…

    وانتي والله كأنك .. من الحور العين … شكلك كذا ملائكي.. تسوين وزنك ذهب...

    حسوها في أنفسكم … وحسوا انكم رايحين تقابلون الله .. لازم تكونون رزه …… اش هدؤ .. اش سكينه … اش لطف.

    كل واحد يجيب سجاده ويستقبل القبله … ويقول : اللهم اقبلني فيمن عندك يا كريم…

    يغمض عيونه .. ويستنشق نفس عميق … ويزفره .. (حاس إني ببكي)

    قول الله أكبر .. تكبيرة الإحرام طبعاً …

    إقراء الفاتحه بهدوء … بترتيل جميل .. وسوره بعدها وتأمل معانيها وإركع وقول سبحان ربي العظيم ثلاث مرات بهدوء وبين كل وحده والثانيه سكته.

    اسجد وإنسى نفسك … إلغي عقارب الزمن … أبغى كل واحد يحس في روعة القرب من الله … يقول سبحان ربي الأعلى ثلاث مرات وهو يعنيها … وبعدين يدعي بدعوات من قلبه .. كل شئ تبيه قله في تودد.

    خلصتوا الركعتين بنفس الروح … ما استعجلتوا … ربي يجعلها في موازين حسناتكم ويجعلها سبب دخولكم الجنه بغير حساب.

    الحين نبيكم تدعون لأنفسكم ولوالديكم وللمسلمين وانتوا عادكم على سجاداتكم وصلوا على النبي .. عشان يصعد دعاكم للسماء …

    كل شي تمام …

    تأمل سعادتك في ذيك اللحظه وانت قايم من على السجاده .. حسيتها … شفت الفرق بين قبل الصلاه وبعده … شئ جميل .. رائع..

    الله عليك … كم سنه أحرمت نفسك من هيك لذه … ومن هيك سعاده.

    ما عليش …

    لا تقنط … نبداء من اليوم نصلي كل الصلاوات .. بنفس الطريقه.

    اش بقي لنا … بقي يا أروع ناس .. تروح للجهاز وتكتب رد على هذا الموضوع حرفين بس … تم ... او هذا الرمز ..

    لا تقول لي رياء … !!! لا انت في نظر كثيرين قدوه منهم ناس انت ما تعرفهم … ويمكن ربي يهديهم بتصرفك هذا … صدقني كلهم قريبين من الله بس محتاجين قدوه طيبه وكلمه طيبه.

    أرجوكم لا تكسفوني … وبالله عليكم … بالله عليكم … لا حد يرد هنا قبل ما يصلي… منتظرينكم … حتى لو بعد سنه ‍‍‍‍‍…‍‍‍‍ بس لا تطولون.

    صدقوني : لو صليتوا كذا … عادات كثير راح تتركونها… وتطلعون أفضل من أول.

    الزوار : أرجوكم نفذوا … سجل في منتدانا ورد .. وتبي تروح انت حر .. حنا الخسرانين مو انت.

    ربي يحفظكم جميعاَ من كل سؤ…

    أتمنى عدم نقل الموضوع للركن الديني … ولا تفهمونا غلط يا اللي هناك……

    أعذروني في الرد ... ردودكم بتكون أحلى رد .. وما أقدر أجاريها.




    منقووول .. (جزى الله كاتبه وناقله خير الجزاء)
     
  2.   مشاركة رقم : 2    ‏2002-09-29
  3. rayan31

    rayan31 قلم ذهبي

    التسجيل :
    ‏2002-07-21
    المشاركات:
    5,471
    الإعجاب :
    0
    اكثر الله من امثالك يا همس
     
  4.   مشاركة رقم : 3    ‏2002-09-30
  5. الصـراري

    الصـراري مشرف سابق

    التسجيل :
    ‏2001-09-01
    المشاركات:
    12,833
    الإعجاب :
    3
    مشاركة رائعة ..
    جزاك الله خيراً ومن ابدعها ..

    كل التقدير والتحية ..
     

مشاركة هذه الصفحة