:::: مفقود :::: الجزء الأحدث والأخيـــر ..

الكاتب : iser   المشاهدات : 1,472   الردود : 32    ‏2007-04-11
      مشاركة رقم : 1    ‏2007-04-11
  1. iser

    iser قلم ذهبي

    التسجيل :
    ‏2005-06-25
    المشاركات:
    8,100
    الإعجاب :
    1
    ما يميز هذه القصة وموقف الضياع فيها انه كان قبل حوالي سنة من اليوم..
    يعني وانا 21 سنه..قصة حلوه مررره وما بنسيها..

    القصة طويلة ؟؟
    عادي.. ممكن تقرأ كل يوم مقطع مقطع..
    اهم شي تقراها..بتعجبِك مررره..


    ------------------------
    سافرتوا لصنعاء دورة لهناك..بس المره هذي كان لي من صنعاء حوالي خمس سنين..
    يعني قبل مسافر السنة الاوله .. كان لي فتره ما أشوف صنعاء..
    فلما زرتها المره الأخيره شفت كيف صلحوها وأنتكوا شوارعها الرئيسية ..
    حتى وانا فوق باص الرويشان ما دريت أي شارع هذا..
    رغم اننا كنت زمان اعرف صنعاء على حاره حاره..

    وصلت صنعاء..في تمام الساعة السابعة والنصف..أو الثامنه..ليلاً..
    نزلتوا عند باب اليمن..شفتوا انو الدنيا تغيرت .. اضطريت اتصل باصحابي..يجيؤا لي.
    انتظرتوا قليل .. شويه وهم عندي سلمت عليهم وحمد لله على السلامة وكيف السفر ومتى خرجت من تعز و..و..
    هذا ونحنا ماشيين بالطريق.
    انا قلت لهم نمشي رجل احسن..قادنا شفطس من الجلسة بالباص خمس ساعات..
    وحنا نمشي اقولهم ايش من شارع هذ...قالوا كذا..
    اقولهم لاااااااااااااااااااااا .. اعرفه ليش كذا تغير..
    قالوا سووا له عملية تجميل..
    وشارع ورا شارع..
    قلت لهم وايش من شارع هذا..؟
    قالوا هذا هنا بيت خالك ياسين .. أو قد نسيت..
    قلتوا لهم .. لااا مش معقول ..قد زفلتوا حارتهم..

    المهم..
    قالوا خلاص اليوم نجلس سوا وتنام عندنا..
    بس..

    بس ايش؟؟
    معانا اليوم عرس بنزف واحد..
    قلنا لهم على طوووووووول وليش لأ..

    قالوا خلاص بعد العرس بنتعشى..
    قلت..إذا اتفقنا..
    رغم اننا جاوع . وكمان ما أخزنش .. وداخل الباص مافي غير بساكت وبيبسي..
    لكن عادي نصبر ساعه .. أو ساعة ونص..

    رحنا للصالة تبع العريس..جلسنا..
    خرجنا ... بس الساعة كانت 11 ونص.. ليلاً..

    انا قادنا جااااااااااااااااااااااااااوع...وزيد كمان بعد سفر
    وكمان ورانا زفة سيارات..يعني بندور حول صنعاء بالسيارات
    خرجنا من الصالة والسيارات جاهزة وجزعنا على الطريق للعروسه..
    بدانا مشوار السير بالسيارات..
    كنتوا انا واصحابي الاثنين اللي عزمونا بسياره ..
    انا اعرفهم هم بس.. والسياره مليانة رجال وشباب معرفهمش..
    مشينا..
    وصلنا لجولة مذبح على حسب ما تناقلته الانباء من حولي..

    قدمنا قليل جنب مستشفى جامعة العلوم..
    هناك السيارت يزمطين والناس يصيحوا ( والبنات يزعقين يصفقين ).
    وكذا مدري كيف يعملين بلقوفهن.. لولولولولولولولولللوييييييييياااااا


    وقفت السياره اللي كنتوا فيها نزلوا اصحابي قالوا لي بنلتقي هناك..
    لا وييييين..؟
    قالوا بنرجع بنروح نطفّش ( نرش ) العريس بالبخاخات..
    قلت لهم نلتقفي جنب البيت حقه.

    ومن هنا البداية..
    مشينا بالسيارات .. بس وانا اتفرج من الطاقة بس..
    وطارح يدي على خدي سع اللي ضيعتوا مليون
    اللي جنبي يضحكوا وانا الا اشوف البيوت يتباعدين .
    والتريكات ( الأنوار ) ينطفئين..
    وماشاء الله اشوف ورائي والسيارات ينقصين..
    بدأ حلقي يوجعنا .. وبديت اشعر بشحب ..
    قلتوا شتعامس شخلي نفسي فاهم..
    واجلس اسألهم أقولهم واحنا نمشي بالسيارات..: هذي المنطقة مكانهم ولا صلحوها..
    وهم قالوا ياخي فيها مشاكل و..و..
    وانا ولا اعرف لا منطقة ولا جدتي..
    بس أغالط..
    وكل قليل اتلفت لوراء احتمال اشوف اصحابي..
    بس للاسف..انا داخل حارة..واسمع إلا صوت كلاب ينبحوا....
    بس مو قدرهم يعملوا شي.. انا فوق سياره ..ولا شجروا بعدي حتى..
    قليل وقفت السياره..جنب بيت العريس.
    الساعة الواحده والنصف..
    نزلوا الناس واللي بقى منهم..
    انا جالس بالسيارة ولا شنزل ..
    شفتوا الرجال قال لي هيا انزل نزلتوا..
    رحتوا لجهت الناس..
    ورجعتوا على طول...
    أجي اطلب على السياره...
    وين هي؟؟
    مهلهااااش..
    ارجع ليما كنتوا واجي مرة ثاني جهة السياره احتمال غلطتوا بالطريق..ما فييش فائده السيارة اتهرولت ومشيت..
    افتهم لي الان انو صاحب السياره نزلنا علشان يقل لي انا ماشي يالله مع السلامه..


    انا التفتوا لوراء.. شفتوا ولا باااقي احد..
    بس الانوار حق البيوت تطفي..على نور نور..
    وعيوني بدأين ينطفأين..وقلبي بدا يشتغل ..
    انا بمكان..أول مره اوصل له....

    طيب..
    أنا قويت قلبي وبديت امشي كذا لهناك لهناك..
    واي فرصة الاقي فيها شارع رئيسي بيكون افضل وأريح على الأقل..
    انا أمشي .. وأمشي... وأمشي..
    ويياااااسلااام على المشي..

    شوية واسمع كلااااب ينبحوا...وانا اقوووول اين سمعتوا هذا الصوت..
    أيييين..؟؟
    ايييين..؟
    هاااااااااااااااااا صح صح صح ..وانا فوق السياره..
    بس الان اسمعه كأنه جنبي..
    الفت يمين وشمال ووراء..
    مابو الا كلااااااااب.. من حق صنعاااااء..
    كلاب ميقولش...هو هو هو... سع كلاب تعز..
    لا لا ..
    هذي كلاب تقول... نييااااااااهو هو هااااو.....
    طبعا مينفعش تجري لو في كلاب جنبك..
    بيقولوا انك مسؤول..

    انا الحمد لله اتخارجتوا منهم بالهداوه..
    اتفهمنا معاهم..بدون صياح.. والديّه النص بالنص..


    انا واصلتوا المشي.. الدنيا هاااااديء..
    اشوف قدامي لوحه " محلات ........ للتجارة العامه"
    وما وقفتوش كمان.. مشيت..
    وانا أمشي .. اشوف نفس اللوحه " محلات ........ للتجارة العامه"
    انا ما بحسيش شي.. بس يالله اتخارج ..
    الساعه تكون ثنتين ونص..لأننا مشيت بالفعل كثير..
    وواصلتوا المشي..وقادنا هاااااااالك. وضمآآآآآآن..
    شوية واشوف نفس اللوحه.. " محلات ........ للتجارة العامه"
    أيش القصة.. ماشاء الله هذا التاجر معه محلات..
    طيب ليش يسويها بمكان واحد.. غبي هذا التاجر..
    ابتعدتوا قليل من هذي المنطقة.
    أحصلكم إلا واحد صنعاني جالس بالركن معبي البجمتين حقه قاااااات..
    وعيونه تقولوا إلا كشافات صالون ملصّي الفاااص..
    انا هنا اتشجعت وتجرأت وتقدمت إليه وانا رافع صدري<< زعم قوي..
    مش داري اننا لما شفتوه قلبي فلت..
    قلت له.باحترام..: يا أخ وين الشارع الرئيسي..
    ماشاء الله عليه ماقصر محترم احيان الشكل يخدعنحنا..وقال..:
    إمشي من هانا ولف هكذا . وبتبصر فتحه لف من عندها..
    انا قلت له شكرا ومشيت وانا فرحاااان شاطير قد حفظتوا كلامه حرف حرف..
    مش كذا بس . أرجلي يتسابقين كل وحده تشتي تسبق الثاني..
    انا مشيت حسب الخريطة..
    إلا واوصلكم لويييييين...؟؟

    للشارع..؟

    لأ... لعند صاحبنا المحترم..صاحب الخريطه..
    انا استغربتوا .. قلتوا لأ احتمال غلطوا..
    وارجع امشي من جديد..
    وبنفس القصة وصلتوا لعند صاحبنا..الغريم..
    ماشاء الله معه ثلاثه توأم..

    على فكره..انا نسيتوا انو اصحاب صنعاء ننتبه انحنا نسالهم عن مكان أو وُجهه..
    ماهم مايقصروش..يلف بك صنعاء كلها والمكان يكون اصلاً جنبك..

    المهم .. انا واصلت المشي بس عكس تماما على ماقال.. وهذي هي الاستراتيجية الصحيحه..
    لو تشتي تعرف مكان اسال أي صنعاني..مافي مشكله لهنا..
    فإن قلك لف يمين وامشي يسار واطلع فوق..
    لأ.. انت لف شمال وامشي يمين وانزل تحت..

    وبالفعل نجحت الخطة الأمنية اللي اتبعتوها..

    وصلتوا الى شارع طوييييييييل ومليييييح وفيه انوار كثيييييره..
    بس بمجرد ما ان وضعت قدمي على الشارع..
    إلا وصوت الأذان يدوي في جميع انحاء صنعاء وضواحيها بتوقيت مكة المكرمة
    يأتيكم في الأوقات التالية..
    هههههههههههههههه

    المهم..
    دخلتوا صليتوا الفجر بمسجد كان قريب مني..
    ومادريتوش مو قرأ الامام..
    وكم ركعات صليتوا..وهل اتوضيتوا أو لا..
    هل هي صلاة عصر او مغرب او جمعه..
    بس اظن انها صلاة الضحى..
    قادنا مدوخ..
    ومن الله انو الامام ما يطول بالسجود..
    أو كنتوا بروووووح بستييييين نومه..... وأحلام سعيده..

    خرجنا من المسجد..لبستوا الصنادل قلَـب..
    هههههههههههههههه
    مع الفتوووووور..

    المهم خرجتوا من المسجد..
    بس واوصل لجنب اتصالات..
    اتصل بواحد من اصحابي .. مقفل جهازه..
    اتصلت بالثاني ماجاوبنا إلا بعد ما شحب التلفون حقه..

    أنا : السلام عليكم..
    هو : وعليـــ اااااااااه ( تثاؤب ) ــــكم السلاااااااام... من معي.؟
    أنا : معك واحد من تعز ممكن اقدم تهنئه.؟ هههههههه
    بعد المحادثة الرجال ماقفل تلفونه وما خلاه ينشط إلا الضحك عليا . لما كلمتوه..
    انا كنت اكلمه وانا فوق الكرسي اللي داخل الكبينه لأن ارجلي معدشعرش بهن..

    أجا لي بعد وقت طويل من الإنتظار..
    اتصلنا بالثاني وقلنا له تعال نصطبح..
    أجا هو كمان الثاني..
    ايش سويتم..وين رحتم .. مالكم سيبتونا..
    قالوا ولا واحد رضي يوقف لنا من السيارات حق امس..
    وذكرنا ان بيت العريس بعيده قليل..
    رجعنا روحنا..ونسيناك..مع التعب.
    قلتوا لهم حياااااكم الله..مشكورين وماقصرتكم..تفنضلوا تفنضلوا..


    الان وانا ماشي انا وهم يعني عادحنا مشينا شويه بنفس الشارع..
    قلت لهم ايش من شارع هذا.؟
    قالوا شارع الستين..
    ؟؟؟؟؟؟؟؟
    هيييييييييييييييي ليش كذا رجع طويييييل مررره..؟؟
    وبعدين شفتوا قدامي مباشره داخل حاره من بعيد...مكتوب.." محلات ........ للتجارة العامه"
    سألتهم قلت لهم ايش اسمها الحارة ذيك..
    قالوا ماندري بس المنطقه ذي اسمها " حي السُّنينه "

    اكتشفتو بالأخير اننا كنت ادووور حول هذيك العماره..
    اروح وارجع اروح وارجع اروح وارجع.. لنفس المكان..
    واننا لو شفتوا من اولها تمام وركزتوا..
    ماكنتوا بطوووف حول عمارة " محلات ........ للتجارة العامه"
    ولا بسوي سبع اشواط سارح راجع لعند صاحبنا المحترم..اللي شكله طلع محشش..






    وتوته توته...خلصت الحتوته..






    تحياتي..​
     
  2.   مشاركة رقم : 2    ‏2007-04-11
  3. دانه قطر

    دانه قطر قلم ذهبي

    التسجيل :
    ‏2006-10-01
    المشاركات:
    9,594
    الإعجاب :
    0
    موقف يموت من الضحك وكيف ما عرفت انك تدور حول العمارة ؟؟؟؟


    لكن اصحابك باين عليهم مايحبوك >>>>>>>>>>>تحارش


    قصه روعه الحمد لله اني ما اشترغت من الضحك لما مشيت من عند الكلاب

    حتى انا لما كنت في صنعاء كان جنب بيتنا كلاب وتخوف الواحد واااااااااو

    ولما نكون راكبين السياره اخوي الصغير يكون قاعد عند الدريشه ولما يشوف الكلاب يشرد للوسط وهو مرعوب
     
  4.   مشاركة رقم : 3    ‏2007-04-11
  5. الجوكر

    الجوكر مشرف الكمبيوتر والجوال مشرف سابق

    التسجيل :
    ‏2003-01-26
    المشاركات:
    54,688
    الإعجاب :
    8
    الخساره انه الجزء الأخير


    الجوكر
     
  6.   مشاركة رقم : 4    ‏2007-04-11
  7. البحار

    البحار قلم ماسي

    التسجيل :
    ‏2002-12-22
    المشاركات:
    19,341
    الإعجاب :
    17
    الماوس علق وانا استعرض الموضوع :)

    حسبي الله ونعم الوكيل
     
  8.   مشاركة رقم : 5    ‏2007-04-11
  9. الجوكر

    الجوكر مشرف الكمبيوتر والجوال مشرف سابق

    التسجيل :
    ‏2003-01-26
    المشاركات:
    54,688
    الإعجاب :
    8
    بس اهم شي الماوس بعده عايش ولا في الانعاش:D


    الجوكر
     
  10.   مشاركة رقم : 6    ‏2007-04-12
  11. amer alsalam

    amer alsalam قلم فضي

    التسجيل :
    ‏2005-07-26
    المشاركات:
    3,934
    الإعجاب :
    0
    نفسي وانت ضعت في صنعاء القديمة



    كيف كانوا عيلعبوبك الصناعنه


    ما يخرجوك منها الا عند اكتمال البدر :mad:


    اسف انه اخر ضياع يا ايسر , عقبال ما تضيع وتجي تخبرنا ايش حصل :D
     
  12.   مشاركة رقم : 7    ‏2007-04-12
  13. zhraltef

    zhraltef قلم ماسي

    التسجيل :
    ‏2005-11-08
    المشاركات:
    23,396
    الإعجاب :
    58
    اللقب الاضافي:
    نجم التعارف والتسلية 2007
    هههههههههههههههههههههههههههههههههه



    الله يرحم مقاتيلك



    طلعت تخاف من الكلاب حق السنين ولو اجيت مذبح مو اشتقول



    هههههههههههههههههههه



    اسمع زيد سويلك لفه عندك يمكن تضيع وتجيب موقف ضياع دولي


    هههههههههههههه
     
  14.   مشاركة رقم : 8    ‏2007-04-12
  15. عبدالله جسار

    عبدالله جسار أسير الشوق مشرف سابق

    التسجيل :
    ‏2006-02-09
    المشاركات:
    33,818
    الإعجاب :
    202
    اللقب الاضافي:
    نجم المجلس اليمني 2006
    طيب ضعت مرة داخل المجلس .. :D

    لي مواقف ضياع ببلاد غربتي :(

    أسلوب ائع وممتع كما تعودنا من الأيسر :)

    محبتي
     
  16.   مشاركة رقم : 9    ‏2007-04-12
  17. أنـــــــور

    أنـــــــور مشرف سابق

    التسجيل :
    ‏2006-05-30
    المشاركات:
    14,547
    الإعجاب :
    0
    قصه طريفه فعلا

    بس لو أنا بك باجيب لأصحابي زبط

    أيش من ينسوك

    والله و لا عاد في قبيله

    ينعل أبو الصحوبيه هذه

    المفروض عادك أجيت من السفر يعني ما يشغلهم احد غيرك

    بس ما عليك يا رجال المره الثانيه لوما تضيع إتصل بي و انا اجي لك

    مشكور على القصه
     
  18.   مشاركة رقم : 10    ‏2007-04-12
  19. بنت الحمداني

    بنت الحمداني مشرف سابق

    التسجيل :
    ‏2006-10-11
    المشاركات:
    31,719
    الإعجاب :
    4
    هههههههههههههههههههههههههههههههههههههههههههههههههههه
    ههههههههههههههههههههههههههههههههههههههههههههههههههههههه
    ههههههههههههههههههههههههههههههههههههههههههههههههههههههههههههههه
    هههههههههههههههههههههههههههههههههههههههههههههههههههههههههههههههههههههه

    وربي مت من الضحك والله انك طيييييييييييييييييييب الله يحفظك اخي ايش من ضياع وما لقيتش ال ابصنعاء تضيع :d :d :d

    لا وكله كوم والمحشش كوم تاني ووصفه لك للشارع وانت على طول ما صدقت :d :d :d


    والله انك متميز بنكتك ومواقف

    تسلم اخي :)
     

مشاركة هذه الصفحة