جواب من ابو فؤاد المجربي على ابو ظفار وابو فيصل الحميقاني

الكاتب : ابو فؤاد المجربي   المشاهدات : 477   الردود : 1    ‏2007-04-09
      مشاركة رقم : 1    ‏2007-04-09
  1. ابو فؤاد المجربي

    ابو فؤاد المجربي شاعر شعبي مشرف سابق

    التسجيل :
    ‏2005-04-10
    المشاركات:
    4,507
    الإعجاب :
    9
    كاتب النص الأصلي : ابو ظفار





    قال الظفاري هم شعبي صار يتضاعف همـــوم
    ============== ايش السبب يا مجربي جوب عليا بختصـــــــار
    الارض تشكي والسماء يبكي قمرها والنجـــوم
    ============== من وضع متردي حصان الفقررمزه والشـعار
    يا بو فؤاد اصحى وهت لي من ربا صنعاء علوم
    ============== اين اتجاه القافله يا صاحبي هــي والقطــــــار
    ارجوك قول الحق لا تبقى مع الشــــــله كتوم
    ============== ولا مع الفاسد مناصر كن مع احلام الصــغار



    وهذا جواب من الاخ ابو فيصل الحميقاني



    يابواضفارالارض غبراء والسما كله غيوم
    --------------والشعب عيــنه لسما كم بايكون الانتضار
    والكوره الان اصبحت بين المدافع والهجوم
    -------------والخيل كان اول وذ لحينه رجع مثل الحمار
    ربض حصان المؤتمرماضن عاده بايقوم
    -------------الوه مـاحد يسمعك يـــــــاصاحبي كلم جدار
    حتاولوا شفت العساكرفي الشوارع والطقوم
    -------------لا تفزعك رعها العوافي عند نا يابوضفار

    اخي ابوضفار الحاج احمد تاخر
    وانت تريد اجابه ومعلومات عن مايدورهاذه الايام
    وقلت في نفسي طالما وانا موجودفي اليمن باعطيك الجواب الشافي
    اخوك//ابوفيصل

    وهذا جواب ابو فؤاد المجربي

    الاخ ابو ظفار المحترم

    العفو منك اذا جوابي تأخر عليك حيث ونحن كنا مشغولين بتشكيل الحكومه الجديده
    اعني حكومة مجور الله يجعلها خفيفه على قلوب الجميع وبخصوص زواجت الحاج
    فالله يسامحك يابو فيصل قد كنت با تعمل لي انقلاب داخل البيت ولا قنعوا الا بحدعشر حلاف
    ان هذا الكلام لا اساس له من الصحه وعاد الخوف كاين
    وهذا جوابي

    يامرحبا ملزوم يتحــــــــتم عليّا بالـلـــــــزوم
    ---------------بابن الظفاري ذي معه عندي مزيه واعتبار
    والعفو منك زاملك جالي في اوقات العزوم
    ----------------- كان عندنا مشوار قاطع يستحق الاعتذار
    أعلام صنعاء أصدر القايد قرارات الحسوم
    ----------------من بعد با جمّال غــــــيرنا مجــــوّر بالقرار
    هذه حكومه تعتبر إنقاذ في وجه الخصوم
    --------- نرجوا من المولى نراهم ينجحوا في الاختـــــبار
    والاخ فيصل له تحياتي من اصحابي عموم
    --------- الصاحب المشهور ذي يحضر معي وقت الحصار

    مع تحيات احمد علوي المجربيِ
     
  2.   مشاركة رقم : 2    ‏2007-04-10
  3. الطبيب

    الطبيب شاعر شعبي

    التسجيل :
    ‏2003-11-02
    المشاركات:
    14,902
    الإعجاب :
    0
    اللقب الاضافي:
    نجم الشعر الشعبي 2009



    الشاعر العزيز احمد علوي المجربيِ
    صح لسانك على هذه الكلمات الطيبه

    تقبل مني تقديري وشكري
    اخوك الطبيب
     

مشاركة هذه الصفحة