ياللي جرحتيني!!!

الكاتب : أمير الشعراء   المشاهدات : 549   الردود : 0    ‏2002-09-17
      مشاركة رقم : 1    ‏2002-09-17
  1. أمير الشعراء

    أمير الشعراء عضو نشيط

    التسجيل :
    ‏2002-07-24
    المشاركات:
    257
    الإعجاب :
    0
    ياللي جرحتيني وفي ظهري يا بنية بعد طيبي طعنتيني..
    عقب ما أخذتي اللي تبين للأسف قمتي تجرحين

    عقب ما كنت لك منديل يمسح الدمع الهميل رميتيني
    كنت أنا مركب شراع وكنتي لي عمرٍ وضاع من سنين

    كنت الوفا وكنتي الجفا وكل الجفا يا بنية منه سقيتيني
    دمي لطخ ايدينك شوفي ايدينك قتلتي قلبي المسكين..

    يا بنت هذا بعيد فوق البعيد كان قصدك يا بنية تذليني.
    كلي "شموخ" أنا الشموخ ولشموخي صدقيني ما توصلين

    برد لك بعض الجميل بهديكِ قلبي العليل يومك كسرتيني
    راح أسكن أهدابك بكون أقرب من ثيابك جعلك تندمين..

    بجيلك في منامك كوابيسك وأحلامك مثل ما جيتيني
    راح ألمك وأنثرك وأرجع ألمك وأنثرك مثل ما كنتي تنثرين

    أنتي أدرى الناس فيني والله ما ينحني راسي صدقيني
    راح أجرحك واستسمحك راح أسوي بك مثل ما تسوين

    كان غرك الجاه هذا فرعون الموت جاه ومات من سنيني
    يعلم الله والشاهد الله البنت بدون الأخلاق ما تزين

    بسقيك من دلال القهر اللي شربته من دهر لأنك قهرتيني
    راح أعذبك وحدة وحدة لأن صبري وصل حده ملايين

    يا شايفة حالك لا أنتي ولا عشرة من أشكالك تذليني
    أنا من ملكت الحرف بطيبي وأنتي تدري بي أنا مين..

    أنا من عشقني الحرف أنا من خطبني الوصف وقبل ايديني
    أنا الشموخ نعم يا بنت أنا الشموخ اللي فيه أنتي تدعين

    أنا ولد الجنوب ولد أهل اليمن وأقولها وأرفع جبيني
    كنتي أعز الناس صرتي بلا إحساس روحي ليتك ما تردين
     

مشاركة هذه الصفحة