انا والسائقه المجنونه

الكاتب : فؤاد   المشاهدات : 1,553   الردود : 33    ‏2007-04-03
      مشاركة رقم : 1    ‏2007-04-03
  1. فؤاد

    فؤاد قلم ذهبي

    التسجيل :
    ‏2006-05-17
    المشاركات:
    5,285
    الإعجاب :
    0
    محاوله لمجاراة الاميره النائمه في اللهجه الصنعانيه .......




    من الصبح بحين قمت من النوم وانا جاوع
    سرت اصتبحت برعي وثنتين كدم
    مع واحد بن من حق الكبوس

    ومن كثر الجوع الذي فيني
    كنت ازروط الالجاع واحد بعد واحد
    ومن الهواره نكع علي القلص البن
    للقاع واكتسر واطاير ترشات

    المهم كان يوم جمعه قلت اقوم
    اغسل سيارتي قدلي خيرات ما زد غسلتها
    واخرج دوره بها الى بني حشيش او ضلاع
    اشتري عودي قات ضلاعي قفال ,,, قدوه اليوم
    جمعه خوره ......
    و غسلت السياره ولبست الزنه البيضاء
    والكوت الجديد حق العيد وخرجت,,,,,
    وجالس القلص البن الذي نكع وانا بينصتبح
    في حسي أذكره واقول اللهم اجعله خير
    كما احنا في صنعاء نتشائم شويه من الحاجه
    اذا نكعت من يدنا وتكسرت ,,,,,

    وانا خاطي في امان الله بالسياره
    اتفرج يمين ويسار ........
    او القاء واحد من الخبره يسايرني
    ونسير نشتري قات جمعه ....
    كماانا ارحم في شراى القات ما أعرف
    القات الحالي من الشوعه المهم خداره
    بس مالقيت أدور كلهم عادهم نووووووم


    ومن كثر مانا فارح بروحي لبست مبصره
    سوداء من حق باب السلام تيواني
    المهم قلبت نفسي زنطيشن .......
    علاسب ازنط قبال بنات الحاره .... بيني وبينكم سر مش تحارشوا في المجلس

    وانا في قمه الزنط حقي ... ما أبسرت
    الا سياره مكندحه راجعه وراء ...
    رزعت السياره حقي في الباب
    افتجعت لوما صرطين ؟؟؟؟ من الفجيعه
    كانت الصدمه او الرزعه قويه لعزت الباب
    حق قدام لوما حرمته .....
    قرح قلبي لانني مشني غلطان
    نزلت مهتري فوق السواق الذي
    صدمني وخرجت الصميل الذي تحت
    الكرسي ناوي على مضرابه

    لكن اول ما وصلت لاعند السياره
    ابتلت وبهررين عيوني ,,,,,
    لقيت ان صاحبه السياره بنت .....
    مشهو هذا الذي بلدني .......
    الذي بلدني انها مجنونه وتسوق سياره
    شعرها منتوش ومشعفله ولابسه خمار
    وجنبها واحده الظاهر انها اختها .. قدهي
    مصفره ساع الليمه .... الظاهر مكنتها طول
    الطريق هدايم ,,,,,,
    اول ماابسرت الذي بتسوق....
    افتجعت وفلت الصميل من يدي
    لكن بعدما ابسرتها سوى بلمت وعجمت
    ما عد قدرت اتحاكى مبلود انهيه مجنونه بي
    كانت حاليه قوي ...... مادريت ما اقول لها
    نستني الصدمه حق السياره .....
    اختها ابسرتني وقالت وعيونها مزججه
    هي ماتقدرش ترجع وراء ....
    وانا مطنن لاوجهه المجنونه .....
    اخرتها قالت المجنونه المدلوزه كلام من المجانين
    وفحطت بالسياره المكندحه وهربت ,,,,,


















    الترجمه ممنوعه بالكامل ...... اذا ضروري النائمه لها حقوق الترجمه ,,,,,,,,
     
  2.   مشاركة رقم : 2    ‏2007-04-03
  3. zhraltef

    zhraltef قلم ماسي

    التسجيل :
    ‏2005-11-08
    المشاركات:
    23,396
    الإعجاب :
    58
    اللقب الاضافي:
    نجم التعارف والتسلية 2007
    قصه قمه في الجمال (جعلك فقش مفتهمليش الموضوع)
    ذكرتنا بكتاب المستطرف لكل فن مستظرف (الساق على الساق فيما هو الرياق)



    ههههههههههههههههههههههههههههههههه
    هههههههههههههههههههههههه


    بس حلوه احمد الله مقامتش تضربك
     
  4.   مشاركة رقم : 3    ‏2007-04-03
  5. حبيب قلبي

    حبيب قلبي عضو نشيط

    التسجيل :
    ‏2006-11-26
    المشاركات:
    452
    الإعجاب :
    0
    روعة القصة بصنعاني استمتعت قوي وانا بين اقراها وخورتني ازور سوق الملح انا وابن عمي
     
  6.   مشاركة رقم : 4    ‏2007-04-03
  7. فؤاد

    فؤاد قلم ذهبي

    التسجيل :
    ‏2006-05-17
    المشاركات:
    5,285
    الإعجاب :
    0
    اصلا ولا انا افتهم لي كنت مركز على المفردات في اللهجه
    بس يكفيني مرورك يا ايهاب
    ويا ليت تحولها الى اللهجه التعزيه للاستفاده من المفردات وتباينها ...
    ولك كل مودتي ,,,,
     
  8.   مشاركة رقم : 5    ‏2007-04-03
  9. العندليب

    العندليب مشرف سابق

    التسجيل :
    ‏2006-04-04
    المشاركات:
    39,719
    الإعجاب :
    4
    سلاااااااااام عليكم




    قمة في الإبداع ..
    وبعدين زادت التفاصيل :)

    المشكلة .. أنها مكندحة لو تربط صاحبة السيارة سنة , ما والله أنت في باب .. إلا أنك زي اللي يلابج دمي محاوص (على قول أصحاب خولان) يعني لما تضيق الخناق على قط (عري ) وآخرتها يقفز فوقك هو مفتجع على عمره , وأنت تكفيك الفجعة حق القفزة .

    المهم شرع الناس , ما ينزلوش يهتروا وهم عطل .. :) كما بعض المجانين حق الصميل ..

    وبنفس الوصف للسيارة الصادمة ( مكندحة ) , رجعت (مكندحة )
     
  10.   مشاركة رقم : 6    ‏2007-04-03
  11. zhraltef

    zhraltef قلم ماسي

    التسجيل :
    ‏2005-11-08
    المشاركات:
    23,396
    الإعجاب :
    58
    اللقب الاضافي:
    نجم التعارف والتسلية 2007
    بنا على الطلب









    وصلتو لهنا وقدنا تعبان شكملك هي وقت ثاني
     
  12.   مشاركة رقم : 7    ‏2007-04-03
  13. أنـــــــور

    أنـــــــور مشرف سابق

    التسجيل :
    ‏2006-05-30
    المشاركات:
    14,547
    الإعجاب :
    0
    ههههههه

    جميله

    قصه حلوه و ذكرتني بما نسوي يوم الجمعه و القات الضلاعي و بني حشيش

    شكلك كنت تسايرني

    بس هل قصتك مع البنت حقيقه

    تسلم
     
  14.   مشاركة رقم : 8    ‏2007-04-03
  15. الاميره النائمه

    الاميره النائمه قلم ماسي

    التسجيل :
    ‏2007-02-06
    المشاركات:
    20,948
    الإعجاب :
    0
    ههههههههههههههههههههههههههههههههههههههههههههههههههههه

    هههههههههههههههههههههههههههههههههههههههههههههههههههههههههههههه

    ههههههههههههههههههههههههههههههههههههههههههههه

    الله عليك ياقشم اول مره اسمعك تتحاكى صنعاني قوي

    بس تشتي الصدق الكلام الصنعاني رووووووووووووعه

    لدرجه انه خلى القصه لها حلاوه رائعه

    واعجبني وصفك لاختي هههههههههههههههههههه

    فعلا فواد انسان مبدع
     
  16.   مشاركة رقم : 9    ‏2007-04-03
  17. شموخ أنثى

    شموخ أنثى عضو متميّز

    التسجيل :
    ‏2006-05-23
    المشاركات:
    1,452
    الإعجاب :
    0

    هههههههههههههههههههههههههههههههههههههههههههههههههه

    كمل لو سمحت الترجمة لانه اماااااااااانة بالصنعاني مفهمتوش حاجة.......................:D








































    ولا تخافش بنجيبلك قيمة الترجمة بالتعزي كما اصحاب تعز هنا مليان;)
     
  18.   مشاركة رقم : 10    ‏2007-04-03
  19. بنت الحمداني

    بنت الحمداني مشرف سابق

    التسجيل :
    ‏2006-10-11
    المشاركات:
    31,719
    الإعجاب :
    4
    :d :d :d :d :d

    ليش مافيش الا النايمه تعرف تترجم :d :d :d



























    تسلم اخي :)
     

مشاركة هذه الصفحة