احدى قصائد محمد بن فطيس في شاعر المليون

الكاتب : الشاعر القناص   المشاهدات : 484   الردود : 2    ‏2007-03-20
      مشاركة رقم : 1    ‏2007-03-20
  1. الشاعر القناص

    الشاعر القناص عضو

    التسجيل :
    ‏2006-05-31
    المشاركات:
    97
    الإعجاب :
    0
    ( ماني بمن ياتي ولا يدرَى به )






    ( ماني بمن ياتـي ولا يـدرَى بـه )
    شطـر ٍٍ حفظتـه مـا اعَـرِف كتّابـه

    شطـر ٍ يناسبـنـي لِمـثْـل اللّيـلـه
    واشوفنـي فـي ذالمكـان أولَـى بـه

    ابــا اتّـكِــل بالله ونـعْــمٍ بالله
    اللـي مـا يوصِـد دون خَلْقـه بابـه

    بـاقـول واللّجـنـه تقـيّـم قـولـي
    ومـن كَثْـرة الشّعـار مانـي آبــه

    الحمـدالله واثـق ٍ مــن روحــي
    وان كِنْت ذيبٍ .. في الرّجـال ذْيابـه

    ما اقول انا أشْعَر واحـد ٍ فـي العالـم
    لكن قصيـدي كَفْـو وانـا ادْرى بَـه

    الشّـعْـر جمّعـنـا لــو تْفَـرقّـنـا
    حْـــدود وظـروفـنـا الـغـلاّبـه

    الله يبيّـض وجْـه راعـي الفـكـره
    عِـزّ الله انهـا تِنْحسـب لِحْسـابـه

    والله يبيّـض وجْـه مـن يرعـاهـا
    ( محمـد ) الله يحفـظـه لاحبـابـه

    ( محمّد وَلَد زايـد ) عَريـب المَجْنـى
    وَلِــيّ عَـهْـد الـدّيـره الخـلاّبـه

    الشّـعْـر تـاريـخ ٍ لـنـا مِبْـطـي
    واعْلامنـا يـوم السّنـيـن نْهـابـه

    الشّعْـر بيـت ٍ والــوزن عِمْـدانـه
    معنـاه طَـنْـب وْقافِيـتـه حْجـابـه

    الشّعْـر واد ٍ فيـه صـيـدٍ واجــد
    وكـل ٍ علـى الـوادي يِهِـجّ ركابـه

    والافكار صيـد وكـل شاعِـر قانِـص
    وكـل ً يـدسّـم شـاربـه مخـلابـه

    أحد ٍ خياله ( حر ) وأحد ٍ ( وكـري )
    وأحـد ٍ خيالـه ( كوبـج ٍ) بقطـابـه

    وانــا خيـالـي كلّـمـا هـدّيـتـه
    حَوّل على الوادي وصـاد ( عْقابـه )

    شاركْـت أمثّـل ديرتـي ورْبـوعـي
    وكـلّ ٍ يمـثّـل ديـرتـه واقْـرابَـه

    والله الـــى الله راد والله قـالــه
    إنّـي لا اسلّمْهـا الفَـخَـر وكْتـابـه

    داري ( قطـر ) وانـا هنـا امثّلـهـا
    المجـد مَطلـوبـي وانــا طَـلاّبـه

    حتـى دَمـي مـن حبَـهـا عنّـابـي
    وحماستـي مـن ضـوّهـا شبّـابـه

    عهـد ٍ علـي ّ انّـي لا اجَمّـل داري
    تـرّك صِـبـي ٍ مايِـعـزّ اتـرابـه

    شاعـر خليجـي والعروبـه بيـتـي
    والبيـت مـا ياقَـف بـدون اطْنابـه

    وان عَـوّدت بيـن القبايـل فََـزْعـه
    انا اشهد انْ لـي فـي اللّـوازم لابَـه

    لي فـي القبايـل رَبـع .. وآقدّرهـم
    مانـي بمـن يِجْهـل مقـام اصحابـه

    وان عودّت لاصلي فانا اصْلي ( مرّي )
    من صُلْب ( يام ) أهْل القَنا وِخْضابـه

    قـوم ٍ لنـا فـوق المعالـي بـيـرَق
    والسّيـف قـوّة سَلّـتـه بِنْصـابـه

    الشّعْـر طوّقْـنـي وانــا طوّقْـتَـه
    قمـت آتمشّـى بـه وافـكّ أبـوابـه

    يابنـت ياللّـي تِفْرقـيـن بْـعـودِش
    مـا الومـهـم لاكِـثْـروا الخَطّـابـه

    لا مر بِـشْ دَرْبِـش علـى خَلـقْ الله
    قالـوا كـذا .. بالإصْبَـع السّبـابـه

    زينش يزينـه فِعْـل أبيـش وْجَـدّش
    وانتـي بـدورِشْ للشّـرَفْ كَسّـابـه

    قومـي تباهـي بـي وفلّـي راسِـشْ
    عليـش مـن لِبْـس النّقـا جلبـابـه

    وان ماسِتَرْتِـشْ بالفُعـول وباسْـمـي
    فعّقبْـنـي الفِـنـجـال ياصَـبّـابـه
     
  2.   مشاركة رقم : 2    ‏2007-03-21
  3. الطهيف

    الطهيف شاعر شعبي

    التسجيل :
    ‏2006-03-01
    المشاركات:
    3,806
    الإعجاب :
    1
    عجـــــــــــــــــــــــــــــــــــــــيب
     
  4.   مشاركة رقم : 3    ‏2007-03-21
  5. الطهيف

    الطهيف شاعر شعبي

    التسجيل :
    ‏2006-03-01
    المشاركات:
    3,806
    الإعجاب :
    1
    عجـــــــــــــــــــــــــــــــــــــــيب
     

مشاركة هذه الصفحة