إلى محبي المواقف المحرجه ... موقف زي الزفت !!

الكاتب : al-5ayal   المشاهدات : 563   الردود : 4    ‏2007-03-20
      مشاركة رقم : 1    ‏2007-03-20
  1. al-5ayal

    al-5ayal مشرف سابق

    التسجيل :
    ‏2003-09-23
    المشاركات:
    11,586
    الإعجاب :
    0
    بسم الله الرحمن الرحيم

    السلام عليكم

    كيف حال الكل ؟!

    بس لاني شفت ان عدد محبي المواقف المحرجه كثير
    حبيت اشارككم هذا الموقف الحلو ...

    بعدين لا تقولوا صحاب التلفونات اللي في جامع عدن ولا ايش من موقف ثاني

    اسمع القصه واحكم

    امس كنت في الفصل
    طبعا الطلاب كلهم موجودين
    ومنتظرين الاستاذ ( متأخر :) )

    وطبعا وكل واحد يتكلم مع صاحبه
    ولاني في دوله معلقه فوق السفاره اليمنيه ( الفرنسي الكلب ان الكلب اللي يشتي يدخل هذه السفاره ويطلع فيزاء لليمن ... مالناش دخل منه ) ..... لا تصدقوا !!
    بس يمني من كثرة ما اليمنيين يخطفوا الفرنسيين ( فاعلين تحذر )

    المهم ندخل في الموقف الحلو

    وانا كنت بين اتكلم مع ناس
    اسمع صوت بنت من طرف الفصل ( ما شاء الله صوتها كبير لدرجة اذا تكلمت الكل يسمعها )

    قالت : ياااااااااااا صاحبنا ... ييييييييييييييي
    وانا قلت : خير ما قد حصل ؟!؟!؟ ما تشتي ؟!؟!
    قالت لي : عدد سكان اليمن 22 مليون نسمه ( انا قلت في نفسي ... الله اكبر اخيرا الناس بداوا يهتموا في اليمن ويثقفوا عليها ) .................... و 52 مليون هو عدد الكلاشنكوف في اليمن !!

    حلت لحظه صمت ................................
    الفصل كله يتفرج لعندي وقدهم خايفين
    سكوووووووووووووووووووووووووووووووووووووووووووووووووووووووووووووت
    كلهم مطننين لعندي

    وانا في نفسي قلت ( والفعله !! )

    ايش اقول ؟! اخرط ؟!

    انا ردت : انا مش خبير بهذه الاشياء ... بس ما اعتقد ... حتى انه ما قد عمري شفت واحد يحمل كلاشنكوف الا يمكن العساكر بس !!

    المهم بعد الحصه
    قلت با اخرط شوية

    قلت لها كالاتي :
    اذا كان عدد السكان 22 مليون
    نحذف النساء والاطفال
    يبقي اقل من 10 مليون رجل ( بالكثير )
    قولوا 4 مليون اللي هم عاقلين وما قد عمرهم شافوا ولا مسكوا سلاح ... مثلي ههههههه
    بقي 6 مليون ... قولوا ان هذولا ال6 مليون كل واحد مساك 2 كلاشنكوف ( قد جنان انه ماسك 2 )
    يعني بالكثير عدد الكلاشنكوف 12 مليون !!

    الطلاب صدقوا !!
    والله طيبين ...
    ماهمش دارين انه حتى الاطفال معاهم اسلحه !!!

    طبعا اللي قل لها على هذه المعلومه واحد صاحبها مدري صاحبتها كان في اليمن ورجع فرنسا
    انا بيني وبينك قلت في نفسي ( رجع ؟!؟!؟!؟!؟!؟!؟! الرجال هذا محظوظ ههههههههه )

    معانا سمعه حاليه ... انا بين احاول اخليهم يحبوا اليمن
    واوريهم صور عن اليمن ... اللي نزلهن الاخ البرق اليماني ومدري من فين
    واوريهم افلام
    وصاروا يحبوا اليمن الى درجة انهم يتابعوا البرامج اللي تنزل على اليمن
    المشكله هنا ان البرامج اللي تنزل على اليمنه ... مره يخلوها جنه ... ومره بورة الحرب والارهاب
    ومن هنا الى هنا احاول اصلح الامور وان كانت بالخرط


    تحيّاتي
    الخيال
     
  2.   مشاركة رقم : 2    ‏2007-03-20
  3. القيصر

    القيصر مشرف سابق

    التسجيل :
    ‏2004-11-25
    المشاركات:
    29,170
    الإعجاب :
    0
    ههههههههههههههههههه

    تفسيرك يدخل العقل ومنطقي جداً

    وخاصه انك اجيت على فرنسيين

    يعني لو اجيت على ابو يمن بيقول لك بكل بساطه

    هيا شفتنا اجيت من المزرعه ولا كيف ههههههههههه

    لكن المشكله في البرامج اللي تحسن من صورة اليمن لدى الاوربين

    كم هيا قليله جداً



    شكرا لك على الابتسامه :)
     
  4.   مشاركة رقم : 3    ‏2007-03-20
  5. بن تعز

    بن تعز عضو

    التسجيل :
    ‏2005-02-14
    المشاركات:
    142
    الإعجاب :
    0
    هههههههههههههههههههههههههههههههههههههههههههههههههههههههه
     
  6.   مشاركة رقم : 4    ‏2007-03-20
  7. أنـــــــور

    أنـــــــور مشرف سابق

    التسجيل :
    ‏2006-05-30
    المشاركات:
    14,547
    الإعجاب :
    0
    انا تحصل لي هذا الأشياء و نفس المواقف

    بس لما يسئلوني الصينيين هل أنا إرهابي

    اقلهم إن ارهب عدوي و مش أرهب المسالمين

    و اقلهم أن اكثر اليمنيين يعرفوا يستخدموا السلاح و منهم انا عشان لو حصل غزو ما يكون لنا عذر عن الشهاده أو النصر
     
  8.   مشاركة رقم : 5    ‏2007-03-20
  9. الرهينه

    الرهينه قلم ذهبي

    التسجيل :
    ‏2004-12-30
    المشاركات:
    8,294
    الإعجاب :
    9
    :eek:

    ايش الرد الذي ينم عن نزعات متطرفه وفكر ارهابي مدفون :p

     

مشاركة هذه الصفحة