مختارات الخالدي 2

الكاتب : بجاش صقر يافع   المشاهدات : 674   الردود : 5    ‏2002-08-30
      مشاركة رقم : 1    ‏2002-08-30
  1. بجاش صقر يافع

    بجاش صقر يافع عضو نشيط

    التسجيل :
    ‏2001-08-10
    المشاركات:
    479
    الإعجاب :
    0
    متي با تسلمو يا كفر

    با سم الله اول ثم باسم الشعب شاره وشر
    ذي حق لي قول عنه كل ما اعبرة
    وباسم ثورة مجيده ظافره منتصر
    حليفها النصر ذي لا نصر ان يقهره
    والشعب حقه على القاده بغض النظر
    عما يعاني وماقاسي وما عاصره
    الشعب لازال باقي فوق راس حجر
    صخره وتحته خنادق ايمنه وايسره
    الشعب ما قال ذا يدفع الجزيه وهذا جبر
    اوذه كراسي وذه سلطه وذه سيطره
    وهو الذي له في القاده امل لامفر
    منه وله حق شرعي واجب ان يذكره
    من حقه الا يضيع حق يذهب هدر
    وحق له ان ينفذ كل ما يامره
    لو يعرف ان له وطن غالي وله به اسر
    فا لحق له ان يدافع عن وطن حرره
    ما حرره لاجل يسكن زيد به او عمر
    او قوم من بعد الاستعمار تستعمره
    والشعب هو ذي بني المصنع وهو ذي عمر
    عمل ولازال يعمل والوطن يعمره
    وبا لكفاح المسلح كر من حيث كر
    ناضل وقاتل برشاشه وفي خنجره
    تقهقر الغاصب المحتل غصبا وفر
    من سوط طلقات رشاشه ومن هوزره
    والارض للشعب يجني خيرها والثمر
    ملكه وله كل ما يزرع وماثمره
    والفضل للكادح المضطر مهما صبر
    على التعب عقب صبره خير بابشره
    هذخرج فصل والثاني بعقبه حضر
    من واجبي ما براسي با شهره وظهره
    ماباجلس انهد من الباطل وباحمل اظر
    قد ربما خالتي تنهار وتفجره
    انا موطن ولي حق اشتكى من ضرر
    شفته بعيني وغيري منه اتضرره
    واكبر ضرر با لحكومه بل واكبر خطر
    على اقتصاد البلاد لو كان ما فكره
    فا لاختلاسات والسرقه عمل منتشر
    اصبح بكل الدوائر امر لاتنكره
    خراب ظاهر امامك شى تشوفه نظر
    لن تقدر الان ان تخفي عيب او تستره
    مؤسسا ت الحكومه عام باقي صور
    امامنا والمرافق كلها اتدهوره
    با ئعين البضائع هات خذ مايسر
    ذالي وذا لابني وذا للمره
    ريال مغل الحكومه واعشره للكمر
    ولابها من يحاسب لص او يخبره
    من شل سكين من ظهر الحكومه جزر
    كبش الفداء صلحوها من نحر ينحره
    والسلب والنهب ظاهر مثل ضؤ القمر
    والام محتار من تطلق ومن تزقره
    تقاطبوها لصوص الباديه والحضر
    معظم دماها الغزيره منها اتطيره
    ماحد بهم عاد من يرحم وبالام بتقدره
    واحد بيقطع من القسمه بيده وجر
    بدون ميزان والثاني من العرعره
    تجار الاقسام بعد ايام تصبح تجر
    من راس مال الحكومه صلحت متجره
    وعاصر الزيت ياخذ سهم مما عصر
    شريك بالبيت والعصار والمعصره
    ماهل الرشاوات خذ لك من عبرهم عبر
    من ذي عاد الى الان لاتابه ولا استغفره
    ماهمهم عيب ذا ماسك بيده وجر
    وذا سكين بايقطع به الحنجره
    عينه بجيب المواطن هات حق الحمر
    وهات حق الحوائج نكعه طمره
    خميس بيقول بكره قات نشتي هرر
    يالله بسرعه هات حق القات لااتحيره
    باساعدك وانت ساعدني بوقت الطفر
    ومستعد كل ماتحتاج باحضره
    وفك جيبه بسرعه مثل لمح البصر
    قصده بضاعه وقصده يستلم واشره
    مضطر يدفع مع الحاجه ويقضي وطر
    لوجاء جباشي ويده يابسه اخره
    يقول له وقت اخر عندنا مؤتمر
    اوقال عاد البضاعه ما قد اتسعره
    حتى ولو تذهب الحاجه وراحت هدر
    مابايبيعه شى لاجبر خاطره
    هذا حصل والحكومه فاهمه ذا الخبر
    برغم ما تنذر الخائن وبتحذره
    قلنا انتهي كل هذا وان عاده اكثر
    فساد ظاهر واشياء عادها اتكاثره
    وحول مادار حاليا ويحدث ومر
    يتصور المرء شي ماكان يتصوره
    ساعه الجرد ذا قاصر وهذا قصر
    ذا عجز بيقول مثله طاح ذا وانكسر
    هذ النوع تالف وهذى الحاجه اتكسره
    منين اجا العجز والافلاس هل ذا خبر
    يصدق شخص او يحتاج نستفسره
    منين اجا العجز هل معقول ذا يابور
    وانتو تبيعون لنا حق اريال بعشره
    مافي حكومه تراقبكم تزر الوتر
    تحفر لكم قبر واحد داخل المقبره
    مافي رقابه تتابع شغلكم في حذر
    تراقب الفرد كم خرجه ومن مصدره
    كم لو حسبنا لصرف فرد واحد نفر ؟
    يصرف بيومه وكم راتب بيتشاهره؟
    كم خمر ؟ كم قات ؟ كم ربيان رضوع بقر ؟
    كم صرف البيت ؟ كم رزه ؟ وكم سكره ؟
    كم حق ماء ؟ كم كراء ؟ كم كهرباء للسمر؟
    وكم جلانات ذي يصرف على موتره ؟
    من فين يا تاجر المرفق نزل لك مطر ؟
    تذرا على ريحة القربه وتسعر ذره
    من مال من تشترى جوهر درر؟
    لالك بمال ولا لوله ولا جوهره
    منين حق الجمارك لك ومن صدره ؟
    هل تثبت ان كل هذا ذي كسبته شطر ؟
    من راتبك مابها حيله ولا مشطره
    او في تجاره معك اخرى بسوق الخبر
    او داخل الهند او باريس او اسمره
    او حد لك اخوان في ابوظبي ولا قطر
    من هم وقل لي عن اخوانك متى هاجره
    جالس على كرسي الراحه بتلعب سبر
    كرسى يمانك يسارك حرفه دوره
    منين جت لك ذه الراحه وبطنك كبر
    وطول ظهرك وعرضه وار لو نشبره
    من الاختلاسات والسرقه بظنه جسر
    او قولك انه خصار الفول والصنبره
    قاتلكم الله متى با تسلمو يا كفر
    ظنيتوالامن والثوره قد اتدمره
    كونوا على علم ان عاد الجزاء منتظر
    فالامن لازال والثوره لم اتغيره
    والله با يجازي من كبر او صغر
    جزاء بما قدمه بيده وما اخره
    ولكل شى منتهى طال الزمن او قصر
    وكل خائن سوف ان يبصره
    لن يسمح الشعب يبقى الان تحت المحر
    ويبقى اللص متسيطر على منبره
    فالشعب بيقول والثوره كفى ما عبر
    لاماسبر ثور يعمل سوق المجزره
    واخير ما قول للخائن بما قد صدر
    لك يوم ولكل خائن يوم لن يعذره
    ولاهنا هاجسي وقف ورسى وقر
    با لمصطفى شرف ابن الخالدي مخضره


    وشكران لكم جميع واسف اذ في تقصير في الكتابه

    مع تحيات ابو اصيل بجاش صقر يافع
    ولله يررحم شاعرنا الكبير ابو مخلد
     
  2.   مشاركة رقم : 2    ‏2002-08-31
  3. سرحان

    سرحان مشرف سابق

    التسجيل :
    ‏2001-07-19
    المشاركات:
    18,462
    الإعجاب :
    23
    ساعه الجرد ذا قاصر وهذا قصر
    ذا عجز بيقول مثله طاح ذا وانكسر
    هذ النوع تالف وهذى الحاجه اتكسره
    منين اجا العجز والافلاس هل ذا خبر
    يصدق شخص او يحتاج نستفسره


    رحمة الله عليك يا أبو لوزة لقد كنت وسيلة إعلام يمنية تعادل الـCNN

    شكرا لبجاش على هذه الرائعة
     
  4.   مشاركة رقم : 3    ‏2002-09-01
  5. ابوعاهد

    ابوعاهد عبدالله حسين السوادي مشرف سابق

    التسجيل :
    ‏2000-11-28
    المشاركات:
    10,212
    الإعجاب :
    15

    //////

    تسلم اخي بجاش على هذا الجهد الكبير المتميز واتمنى منك الاستمرار في نقل مثل هذه القصائد الرائعة .


    احسنت اخي الحبيب سرحان في تشبيه جزء من شخصية الخالدي بالسي ان ان وان كان صوته يعتبر ابلغ منها بكثير .

    عموماً تسلموا ورحم الله فقيدنا : عميد الشعر الشعبي ابولوزه الخالدي.

    ولنا لقاء
     
  6.   مشاركة رقم : 4    ‏2002-09-02
  7. صالح اليافعي

    صالح اليافعي شاعر شعبي

    التسجيل :
    ‏2002-02-06
    المشاركات:
    918
    الإعجاب :
    0
    احسنت

    هلا والله ببجاش صقر يافع


    حياك ( وكثر الله من امثالك )




    تحياتي لك
     
  8.   مشاركة رقم : 5    ‏2003-12-31
  9. ابوعاهد

    ابوعاهد عبدالله حسين السوادي مشرف سابق

    التسجيل :
    ‏2000-11-28
    المشاركات:
    10,212
    الإعجاب :
    15
    للرفع بمناسبة ذكرى وفاة الخالدي.....
     
  10.   مشاركة رقم : 6    ‏2003-12-31
  11. الصقر الجارح

    الصقر الجارح قلم فضي

    التسجيل :
    ‏2003-04-18
    المشاركات:
    2,647
    الإعجاب :
    1
    لقد فقد اليمن عملآقاً لآ يضاهية شيء
    انة شائف محمد الخالدي رحمة الله عليه
    تحياتي
     

مشاركة هذه الصفحة