شعر حلمنتيشي جميل !!!!!!! لكل الزعماء العرب الاقزام !!!!

الكاتب : smc   المشاهدات : 2,678   الردود : 3    ‏2007-02-07
      مشاركة رقم : 1    ‏2007-02-07
  1. smc

    smc عضو

    التسجيل :
    ‏2006-01-13
    المشاركات:
    154
    الإعجاب :
    0


    (اتمني عدم الحذف كماتم من قبل .....)



    نظرا لأن النعمة فاقت حدها

    ولإننا مش قدها

    ولأن فعلا إنجازاتك

    فوق طاقتنا نعدها

    ولأننا غرقنا في جمايل

    مستحيل حنردها

    نستحلفك ....... نسترحمك

    نستعطفك .......نستكرمك

    ترحمنا من طلعة جنابك

    حبتين

    عايزين نجرب

    خلقة تانية

    ولو يومين

    أسمع بقى

    إحنا زهقنا من النعيم

    ونفسنا في يومين شقى

    عايزين نجرب الاضطهاد

    ونعوم ونغرق في الفساد

    بينى وبينك حضرتك

    دا شعب فقرى ما يستحقش

    جنتك

    أنا عارفه شعب ما ينفعوش

    إلا شارون وبلير وبوش

    عايز يجرب الإمتهان

    ويعيش عميل

    للأمريكان

    بيمد "غازه" لإسرائيل

    ويومين كمان ويمد نيل

    أهو يعنى نشرب مية واحدة

    ندوب في بعض

    ماء وماء

    وماء

    ونفض سيرة الانتماء

    وبلاها نعرة وطنطنة

    تبقى البلاد "مستوطنة "

    (متسلطنة بالسرطنة)

    إية اللي خدناه م الكرامة

    والإباء

    حبة خطب وكلام...كلام

    إحنا راهنا على النظام

    ورضينا بخيار السلام

    (بخيار)

    حنسد عين الشمس بيه

    علشان مايطلعش النهار

    ويطلع لمين؟

    حبة معارضة مغرضين؟

    وحسب بيان السلطة

    شلة مأجورين؟

    ياعم فضك سيرة

    وارضى بقسمتك

    دا شعب مش فاهم أكيد

    يالا أطرده من رحمتك

    وإن كنت غاوى الحكم

    خليك مطرحك

    هاغطس واقب وأعود

    بشعب يريحك

    راضى وعمره مايجرحك

    أخرس وما بيسمعش

    وأعمي لك عنيه

    مش كل قرش يبص

    فيه

    ما يقولش لأه / وفين / وليه

    يضرب ينفض في السليم

    وعلى الصراط المستقيم

    كل اللي يعرف ينطقه

    عاش الزعيم

    يحيا الزعيم
     
  2.   مشاركة رقم : 2    ‏2007-02-07
  3. Time

    Time مشرف سابق

    التسجيل :
    ‏2003-07-14
    المشاركات:
    18,532
    الإعجاب :
    1
    اللقب الاضافي:
    نجم المجلس اليمني 2004
    أخي الكريم
    مانشرته قبلا تم نقله للشئون العربية فذاك مكانه الصحيح
    وما نشرته الآن مكانه هنا في قاعة الأخبار للمنقولات
    فتأمل!!!
    ولك خالص الود
    والتحية المعطرة بعبق البُن
     
  4.   مشاركة رقم : 3    ‏2007-02-07
  5. smc

    smc عضو

    التسجيل :
    ‏2006-01-13
    المشاركات:
    154
    الإعجاب :
    0

    شكرا اخي تايم .... رغم انه شعر سياسي ومكانه السياسي كما اعتقد ؟؟؟؟؟ فتأمل
     
  6.   مشاركة رقم : 4    ‏2007-02-07
  7. Time

    Time مشرف سابق

    التسجيل :
    ‏2003-07-14
    المشاركات:
    18,532
    الإعجاب :
    1
    اللقب الاضافي:
    نجم المجلس اليمني 2004
    لاشكر على واجب أخي الكريم
    وارجو أن تقرأ التنبيه الهام في قاعة الأخبار
    ليتبين لك سر نقل القصيدة إلى هذه القاعة
    فتأمل!!!
    ولك خالص الود
    والتحية المعطرة بعبق البُن
     

مشاركة هذه الصفحة