شعر حلمنتيشي جميل !!!!!!! لكل الزعماء العرب الاقزام !!!!

الكاتب : smc   المشاهدات : 572   الردود : 1    ‏2007-02-07
      مشاركة رقم : 1    ‏2007-02-07
  1. smc

    smc عضو

    التسجيل :
    ‏2006-01-13
    المشاركات:
    154
    الإعجاب :
    0
    احمد فوأد نجم شعر العامية المصرية في شعر عن خلقة الزعيم ...........



    نظرا لأن النعمة فاقت حدها

    ولإننا مش قدها

    ولأن فعلا إنجازاتك

    فوق طاقتنا نعدها

    ولأننا غرقنا في جمايل

    مستحيل حنردها

    نستحلفك ....... نسترحمك

    نستعطفك .......نستكرمك

    ترحمنا من طلعة جنابك

    حبتين

    عايزين نجرب

    خلقة تانية

    ولو يومين

    أسمع بقى

    إحنا زهقنا من النعيم

    ونفسنا في يومين شقى

    عايزين نجرب الاضطهاد

    ونعوم ونغرق في الفساد

    بينى وبينك حضرتك

    دا شعب فقرى ما يستحقش

    جنتك

    أنا عارفه شعب ما ينفعوش

    إلا شارون وبلير وبوش

    عايز يجرب الإمتهان

    ويعيش عميل

    للأمريكان

    بيمد "غازه" لإسرائيل

    ويومين كمان ويمد نيل

    أهو يعنى نشرب مية واحدة

    ندوب في بعض

    ماء وماء

    وماء

    ونفض سيرة الانتماء

    وبلاها نعرة وطنطنة

    تبقى البلاد "مستوطنة "

    (متسلطنة بالسرطنة)

    إية اللي خدناه م الكرامة

    والإباء

    حبة خطب وكلام...كلام

    إحنا راهنا على النظام

    ورضينا بخيار السلام

    (بخيار)

    حنسد عين الشمس بيه

    علشان مايطلعش النهار

    ويطلع لمين؟

    حبة معارضة مغرضين؟

    وحسب بيان السلطة

    شلة مأجورين؟

    ياعم فضك سيرة

    وارضى بقسمتك

    دا شعب مش فاهم أكيد

    يالا أطرده من رحمتك

    وإن كنت غاوى الحكم

    خليك مطرحك

    هاغطس واقب وأعود

    بشعب يريحك

    راضى وعمره مايجرحك

    أخرس وما بيسمعش

    وأعمي لك عنيه

    مش كل قرش يبص

    فيه

    ما يقولش لأه / وفين / وليه

    يضرب ينفض في السليم

    وعلى الصراط المستقيم

    كل اللي يعرف ينطقه

    عاش الزعيم

    يحيا الزعيم
     
  2.   مشاركة رقم : 2    ‏2007-02-07
  3. ابــو صخر

    ابــو صخر شاعر شعبي

    التسجيل :
    ‏2006-02-14
    المشاركات:
    5,444
    الإعجاب :
    6
    اللقب الاضافي:
    نجم الشعر الشعبي 2012م
    شكر ا عزيزي على النقل الموفق لحبات اللؤلؤ العاميه للعملاق فؤادنجم انا لله وانا اليه رجعون
    نفس الاسطوانه ونفس المشكات وياليت يتركونا نعيش بجحيم غيرهم
    حتى يومين
     

مشاركة هذه الصفحة