بدع الصنبحي...........وجواب ثابت عوض

الكاتب : إبراهيم ناصر   المشاهدات : 635   الردود : 2    ‏2006-12-15
      مشاركة رقم : 1    ‏2006-12-15
  1. إبراهيم ناصر

    إبراهيم ناصر مشرف سابق

    التسجيل :
    ‏2006-04-14
    المشاركات:
    15,151
    الإعجاب :
    0
    القصيده للشاعر احمد الصمبحي الحمري وهي مرسله الى الشاعر القدير ثابت عوض اليهري

    يقول ابو صقر تبـت للكـذب مقصـر حبالـه
    من مد بالكذب حبله يقصر من العرض والطول
    الخالدي مات وصبحت اليوم في خـس حالـه
    بعد الخصار المدسم بخصر من البيض والفول
    البارحه رد جاني من ثابـت اخـزى جلالـه
    يباني ارفـع قضيـه متكاملـه ضـد مجهـول
    وانا امتحنتـه بغيتـه يـرد حسـب الرسالـه
    لكن خرج عن اطرها وكثر من العوج والرول
    لا قول ناجح ولا انه مـازال تحـت الطلالـه
    خمسين نسبـه نجاحـه وبالعلامـات مقبـول
    وعاد لـه دور ثانـي حـول بـه الله حوالـه
    انا فاز ولا شطبتـه وايـش فرعـون بيقـول
    خيب بهـا ظـن يافـع ليتـه بعيـن الشلالـه
    ذي ما حسب للجواهر ولا تعوض من اللـول
    مايدري انـي معلـم قاضـي قضـاة العدالـه
    اعطي ذوي الحق حقه والظالم اجزيه مدبـول
    بـالاه يااعـزم اعـزم وخلـهـا بالسهـالـه
    سلم لثابـت وقلـه الكـذب والدجـل مملـول
    بانمنحـك دور ثانـي وقـدم لنـا بالكفـالـه
    لما تجيب الشهاده من جامعـه سعـد زغلـول
    ان فزت ولا اسمـح لنـا باقولهـا بالاصالـه
    عني وعن اهل يافع من اليمن انـت معـزول
    شف من دخل سوق شمر بالسوق يصرف رياله
    ولا من السوق يطلع وهـو مجلـل ومزلـول
    مابـاك تصبـح مسيـر مـع ذيـول العمالـه
    اللي تحارب وطنها وتصول بالبحـر وتجـول
    واحد بجده وواحـد مريـض داخـل صلالـه
    واخر بالندن بيرقص مـع مكسـر ومشلـول
    لو يرجعوا لا وطنهم بالبيـت تسعيـن صالـه
    بايتسعنـا جميعـا والحـق بالبيـت مكـفـول
    لكن يبـون الدراهـم كـلأ يبـى لـه شوالـه
    ورزق ذي ساعدوهـم بابـه مبنـد ومقـفـول
    ولي بـدرج السلامـي كـوده يكفـي عيالـه
    للمدرسه والملابس والبيـت لضيـف مدخـول
    ما دخلـه فـي يمينـه يخرجـه مـن شمالـه
    والفايده والخسـاره متوازنـه شبـه معقـول
    لا تدخلونـا متاهـه حيـث الغلـط والثعالـه
    معنا مشاريع كثيره نبـى لهـا حـل وحلـول
    نبى عمـل للمواطـن نبـى انخفـاظ البطالـه
    نبى مشاريع نبغى مـن المشاريـع محصـول
    نبـى تكاتـف بدقـه كـلأ يواصـل نضالـه
    مع علي وستفيدوا من خبـره انسـان مسئـول
    من علم ابنـه تعلـم مـن اصولـه الرجالـه
    ومن عصى بوه ومه يمسي ورى الباب مذغول
    ذي ما نفع بـوه ومـه ماعـاد بايفيـد خالـه
    قدها مقالـه قديمـه ولهـا معانـي ومدلـول
    ارجع بنا لا جوابـك لـول جـواب الفسالـه
    جواب شاعر مذبذب مابيـن فاعـل ومفعـول
    شجعـة فيـه الجـرادي شعيركـم والنخالـه
    ياعيب عيباه ماذا باقول عن شخـص مهبـول
    شعره مكسر وقوله قـول الخمـل والرذالـه
    ومايزال في نظرنا جاهـل صغيـر ومخبـول
    اثبت لنا انـت ونعـم خـل الجـرادي لحالـه
    بركز بدال الجرادي في شامخ العـر سحبـول
    هو والقطنـه دعوهـم الطبـل عنـد الزمالـه
    دوشان دوشان مهمـا يقـول باقـول محمـول
    بانصـب اللـي اريـده يديـرهـا بالوكـالـه
    لما نحصل خليفه يقضي علـى قـوم ديقـول
    اما الجرادي جراده ومن رغـب فـي نزالـه
    بيكون مثله جراده من صف لبطـال معـزول
    والبنت اخذها بطلها الشاجع وصـارت حلالـه
    شرعا وعرفا وسيفه علـى الانانيـن مسلـول
    شهر العسل شهر باهر مـن مقدمـه لاهلالـه
    ورتاح في حضن ليلى ونتـه مضيـع بكابـول
    مرثاة حالي لمنهو مثلى الجمـل فـي عقالـه
    جالس بالندن معذب يقـرع مزاميـر وطبـول
    والشرخ بالبيت ماشي به شرخ خـل الهبالـه
    البيت معمور مبني علـى مشاريـع وحقـول
    كان العطال به من اول ونته السبب في عطاله
    سلمت لي بيت خارب من كل زاويه مخلـول
    لي عشـره اعـوام رمـم ومكتفـل بالاعالـه
    ونته مع اهل التأمر خطك على طول مشغـول
    ومايحق لك ان تكلـم شفـك مصنـف حثالـه
    لو زالت ايام مرت من شهر مـارس وأيلـول
    حتـى ولـو قلـت انـك زوجتنـي بالغزالـه
    وانا اعرف انك منافق وقلبك اسـود ومعلـول
    لو امرها تحت يدك كانت اصبحـت لامحالـه
    في روسيا او بكوبا ولا صنم مثلا ابو الهـول
    لكن قـد الله داري مـن جـار انـزل زوالـه
    ومن طـار يوقـع ومسـى مبهـذل ومذلـول
    هـذا عـن البنـت امـا القائـد العـام ذالـه
    وسيع ماشي يهمه لا تذلـح العـوج والـرول
    قائد مناضـل محنـك ضحـى بحالـه ومالـه
    من اجل رفعه بلاده وحسن اوضـاع بهلـول
    سـاب الأداره اداري وبالمـواقـع رجـالـه
    رجال تعمل وتنتج هـذا الخبـر لنـت مقلـول
    ماشي شوايب تشبـوه مـن شدتـه وانفعالـه
    شغله وقولـه وفعلـه كلـه مثمـن ومدقـول
    دع الدعايـات وتـرك وكـل شـيء باتنالـه
    في ظل وحـده قويـه وبايقـع حـل وحلـول
    لا تتبـع مـن تشتـت وبـاع كوتـه وشالـه
    في سوق مابه بضاعه وخذ مفـرق ومجمـول
    من صاحب أمال كبرى في شمس ولا ظلالـه
    ولا تسـرع تمهـل قدامـك اجبـال وسهـول
    حاسب لنفسـك بنفسـك لاتهتـري بالجمالـه
    شف كل شيء بايصلني عبر الاذاعات منقـول
    وهاجسـي والحليلـه كـلا يقـرب دلالــه
    على قهاوي ماشي كماها بالهيل والبن مذقـول
    اذا تقهويـت منهـا بايحـرم ابليـس فـالـه
    وكله وشربه ونومـه وبايسلـم علـى طـول
    لكن قد افضـل تصلـوا علـى محمـد وألـه
    صلاه من قلب خاشغ وسكك ابـواب وقفـول


    وهذا جواب الشاعر القدير ثابت عوض اليهري


    حيـا بأيـار مـايـو حيابطلـعـت هـلالـه
    حيا بتشريـن حيـا ستـه وعشريـن أيلـول
    حيا برابـع عشـر أشعـل حممهـا شعالـه
    وسهم بتحرير صنعاء لما اصبح البدر معزول
    عني وعـن كـل ناسـي باقولهـا بالاصالـه
    الضيف لاجاء قدانا ما يوجد البـاب مقفـول
    حيا ملأ اشعاب يافـع حيـا يـوازن جبالـه
    من شرقها للمغارب من شامخ العر لا طـول
    حتى ولحمد محمد مـا يستحـق الثنـاء لـه
    لكن قد الجود طبعي والجود للجيـد مسئـول
    ثابت عوض قال بطـل واصمبحـي للهبالـه
    بتزود الطين بلـه لا فـوق مالطيـن مبلـول
    سويت نفسك مخضرم ونتـه علـي باثعالـه
    بتخاف من ظل ذيلك واليوم بتصول وتجـول
    ياصاحبي بطـل حبـك وتعـن بـه بالنخالـه
    لا تربشه بين حبي حبـي منطـئ ومنخـول
    لسانك اقصر من اذنك ما شانها اليـوم طالـه
    او قد تناسيت رقمك بالمجتمع رقمك اسمـول
    لا تنتحل اسم حمـراء مـا تستحـق انتحالـه
    حمراء لنا ناس فيها والعيش والملـح مزلـول
    كلمه ابو صقر حمري ما شي عليهـا دلالـه
    انا اشهد انك نقيله مدري منين انـت منقـول
    من قل من قـدر غيـره تقديرنـا مـا ينالـه
    ماكنت ظنك مخطـط للحـد هـذا ومخبـول
    تكذب وصدقة نفسـك محـد يصـدق خيالـه
    والناس هبلان عندك ماغيرك انسـان مهبـول
    بمسح لك العقل لول ورد لـك ثانـي بدالـه
    لابد من غسل مخك من ماء مقطر ومحلـول
    انـا سمعتـك وغيـري لايسمعـون المقالـه
    ياصمبحي حد مني هذا الخبر غيـر مقبـول
    وايش بايقول حيد يافع ويش بيقولـوا رجالـه
    لو يعرفون النتيجه وايش عني النـاس بتقـول
    من فوضك تختبرني من ذي عطـاك الوكالـه
    وانا الذي بك موصى والامر لي فيك موكول
    ملأ قد انتـه زميلـي تحـرم عليـا الزمالـه
    مازاملك ونت طالب فاشل وانا سعد زغلـول
    ياللعقـول السخيفـه ياللغـبـاء والجهـالـه
    بتحط راسك براسي بلاه عليك منت مخجـول
    ايش انت فاكر لنفسك صاحب سموا اوجلالـه
    انت انسـان عـادي لاقـوة لـك ولا حـول
    ماجوده الا من الجيد والفسـل منـه فسالـه
    ذي ما يجئ بالقديه باتجيبه الصمـول الـرول
    واحمد محمد احدهم ظللتـه احسـن ظلالـه
    ماشي تحمد عليها فرصه ركضهـا بالرجـول
    حول بك الحظ يحمـد لايـد ثابـت حوالـه
    ما بطلقك من حبالي ألا على النعش محمـول
    يهوى على بن محمد ذي كنت تدفـئ باشالـه
    اما انا مرحمك شي بكويك بالعرض والطـول
    انا صبر مـر علقـم بالحـق يمسـك سفالـه
    مانا الخصار المدسم ولا انا البيـض والفـول
    هابعد قـم يارسولـي وشـل منـي رسالـه
    من حب حسن الرساله يرسل لها خير مرسول
    سافر الى ارض زايد مايوجـدوا مـن مثالـه
    يعطي بايدي سخيه قلبه من الحقـد مغسـول
    وسأل على انسان زايد هرجه وناقص فعالـه
    صاورخ شرما حدعشر وهو مورش ومسبول
    من حيث فداء المريسي غطاء عليه ابتداء لـه
    يحط ظهره لحملي شاحملـه حمـل مميـول
    يحمل ولو صار به شي راح الجمل بالحمالـه
    لما يمدد رقبتـه عـل الارض لذبـح مذلـول
    مدري منين ابتداء له من جده او من صلالـه
    قد بختصر في كلامـي وكلمـا قـل مدلـول
    سبحان ربـي مغيـر لحـول حالـه بحالـه
    النازله فوق تطلع والطالعـه تنـزل انـزول
    ذي كنت عروه معاهم قدهـم ذيـول العمالـه
    لكن قد الصبـر طيـب وتلـك ليـام بتـزول
    ولعلمك الانفصالي مسـؤول عـن انفصالـه
    وانا العمود النخاعي مانا عن الجسم مفصـول
    أمنت لـك بيـت كامـل ولازمـات الأعالـه
    أمنت لك دخل قومي من صيد بحري وبترول
    وانته الـذي باتحمـل مسؤليـه فـي عطالـه
    رؤوس لموال تهرب منها وهو كان مدخـول
    بابه خشب والعمودي جونـه وجابـه طوالـه
    وتحصلوا على الحمايه بايصبح الوضع معقول
    لكنكـم كلمـا جـاء واحـد طمعتـم بمالـه
    افضل تملوا يديكم ويظلـي الشعـب معلـول
    والجهل والفقر يبقـاء وبالمـرض والبطالـه
    ونفط مارب وشبوه يعـود لاجيـب مجهـول
    وصحابكـم كلموهـم لايجعثـون الغـزالـه
    شف من جرحها بشوكه كسرة راسه بسحبول
    نحـن نريـد التسامـح مـا بيننـا والجمالـه
    ونتوا تبونا نظلـي مـا بيـن قاتـل ومقتـول
    ليام بيني وبينـك مـن فـاز بالكـاس شالـه
    وبه جماهيـر تحكـم وبـه مياديـن وخيـول
    والشعـر ثـروه بيافـع يتوارثوهـا سلالـه
    مابكسبك ونت قارب وبيع من شانك اسطـول
    كلا ولا تغتفـر لـك كلمـه مصنـف حثالـه
    بالقنك ردس فيهـا مربـوع مثلـوث مدبـول
    كلمه بذيلـه هزيلـه بكـل معنـى الهزالـه
    والمستمع ذي سمعها يمكن فهمها على طـول
    وختمهـا بانصلـي علـى محـمـد وألــه
    يشفع لمن في يمينه وفـي كتابـه ومشمـول
     
  2.   مشاركة رقم : 2    ‏2006-12-15
  3. ابو محمد الاشول

    ابو محمد الاشول شاعر شعبي

    التسجيل :
    ‏2004-07-07
    المشاركات:
    4,946
    الإعجاب :
    0
    اللقب الاضافي:
    نجم الشعر الشعبي_2006
    تسلم رداع وابو محمد يسلم على كل ما يقدم للمجلس خاصتا من قصائد العباقره والذي يغترفون الابيات من بحر قصيدتين تمتعة بقرائتهن بدون ملل وفيه قليل أخطاء أملائيّه في القصيدتين وهذا معروف ان الخطاء ليس من الشّعار انما أخطاء املائيه عند النقل راجع القصيدتين بتمعن ويبان لك الخطاء
    الف شكر على النقل ويسلمو الشعار تحياتي الاشول ابو محمد
     
  4.   مشاركة رقم : 3    ‏2006-12-23
  5. إبراهيم ناصر

    إبراهيم ناصر مشرف سابق

    التسجيل :
    ‏2006-04-14
    المشاركات:
    15,151
    الإعجاب :
    0
    الله يسلمك يا الاشول على المرور الطيب اللي اعتز به..............واشكرك على الملاحظه الكريمه............والله لا يحرمنا من ارأكم الجميله...........لك خالص تحياتي........ابو محمد
     

مشاركة هذه الصفحة