اسمعها بصوتي و ادعي لي

الكاتب : شيخ بن شيخ   المشاهدات : 698   الردود : 1    ‏2006-12-04
      مشاركة رقم : 1    ‏2006-12-04
  1. شيخ بن شيخ

    شيخ بن شيخ عضو نشيط

    التسجيل :
    ‏2006-09-08
    المشاركات:
    397
    الإعجاب :
    0
    ايه بالله اخطو والخطا اللي جابهم عين الصواب ،،، مبطي وانا اشوف الطمع يكشف رداهم واستره

    ما يملي عيون الحسود بهالزمن غير التراب ،،، ومن لا يتوب من الخطا تحرم عليه المعذره

    اللي من اولها خراب اكيد تاليها خراب ،،، والبندق اللي ما تثور في هدبها تذعره

    ودك ليا من جاتك الغلطه من الناس القراب ،،، الصاحب اللي ما كسبت محبته ما تخسره

    مشكلتي اني ما عرفت احسب لصدتهم حساب ،،، قلطتهم صدري على ذكري قصيد وحنجره

    صوت يصول في منبره وخطاب ما بعده خطاب ،،، و الطيبه اللي زعزعت صوت الخطيب ومنبره

    مافيه دمعـ(ن) صوبوه احبابي بوجهي وخاب ،،، ولا سرق حزني على غالي ولا فج أنحره

    كل الزهاب اللي معي ذكرى من اصحاب الزهاب ،،، و اللي بقالي من عذاب اشرس طريقي واخطره

    لأني تجنبت الغرق عديت من فوق السحاب ،،، لأن اصحابي ورق ما شفت للطيب أثمره

    والله ما حطيت بين الحقد والاخوه حجاب ،،، حتى غدو ربعي يحدوني على الضيق أشكره

    البارحه ثارت علي ارقاب و أئوتني رقاب ،،، البارحه ياثقل دم البارح وما أحقره

    أهب يا وجه الحسد وشلون جمعهم وغاب ،،، كيف السنين اللي عطتني بعثرتهم بعثره

    أثر المصايب ما تجيك الا من الناس القراب ،،، و بهالزمن حتى الخوي اللي ما تثق فيه أحذره

    لا بارك الله في رفيقـ(ن) تزعله كلمة عتاب ،،، ولا جمع الله الرجال اللي تفرقهم مره

    عودت نفسي كل ما شددت لليمه ركاب ،،، ما صد وجهي عن طريق الا ليا جبت أخبره

    الصاحب اللي ما يجي من صحبته غير العذاب ،،، نذر(ن) علي إن ما هجرني و لنا اللي بهجره

    من يفتح لفرقاي باب أفكله عشرين باب ،،، و إذا خويي ما يقدر خوتي ما أقدره

    إن روحو فـ نابريـ(ن) منهم ليوم الحساب ،،، و إن جرحو قولولهم ما حركو فيي شعره

    شفهم لهم حول السنه ولا خذو مني جواب ،،، أحسن دواء للي يحاول يستفزك تحقره

    انا جمعت اوراقهم بكتاب و أغلقت الكتاب ،،، ياوقت لم اللي تلمه و أنثر اللي تنثره

    ما كنت أحاتيهم صغير عاد أحاتيهم شباب ،،، إن ما ذخرني صاحبي لليوم الاسود ما أذخره

    عقب إكتئاب البارحه ما عاد انا أحمل أكتئاب ،،، الطيب جرجرني وانا مانيب ناقص جرجره

    اللي يخاف من الضما يتركلنا طرد السراب ،،، واللي ماهو قد الضلام ووحشته لا يسهره

    انا تجرعت الضماء لين أحترق وجهي وذاب ،،، انا كسرت بخاطري قبل الصداقه تكسره

    انا خسرة اللي غيابه غير عن كل الغياب ،،، انا غفرت لعالم ما تستحق المغفره

    انا اكثر إنسان تعلم من كثر ما اخطاء و اصاب ،،، انا أخر إنسان يتكلم في زمان الثرثره

    انا القصيد اللي نزع من دفتره مليون ناب ،،، و أنا الوحيد اللي جمع مليون ناب بـ دفتره

    جفني وجرحه السهر حيلي وهدته الصعاب ،،، دمعي هدر ضحكني ندر عمري وضيعت أكثره

    شيبت بعقول العرب هيبت روسـ(ن) ما تهاب ،،، جمهرت ناسـ(ن) عمره ما يعرفون الجمهره

    ما صرت ذيب الإ لأن اللي حواليني ذياب ،،، ما كنت اغيب الإ لأن العفو عند المقدره

    ترا حلاتك لا حملت لصاحبك كلمة عتاب ،،، إما نطقتها بوجهه ما تذمه بضهره

    في هالزمن ما يملي عيون الحسود الإ التراب ،،، ولا الحضيض الطلقه اللي ما تصيبه تذعره

    ودك ليا من جاتك الغلطه من الناس القراب ،،، الصاحب اللي ما كسبت محبته ما تخسره










































































































    http://www.hamedzaid.com/7amed/ram/a3.ram
     
  2.   مشاركة رقم : 2    ‏2006-12-04
  3. gaber

    gaber قلم فضي

    التسجيل :
    ‏2006-09-23
    المشاركات:
    3,091
    الإعجاب :
    0
    شعر جميل وحلو..
     

مشاركة هذه الصفحة