قصة يهودي صعده .... (( خاصة بالمغترب اليمني في الخليج )) وتجارة الأسهم !!!

الكاتب : ابو حذيفه   المشاهدات : 1,339   الردود : 14    ‏2006-11-10
      مشاركة رقم : 1    ‏2006-11-10
  1. ابو حذيفه

    ابو حذيفه مشرف سابق

    التسجيل :
    ‏2003-05-01
    المشاركات:
    10,896
    الإعجاب :
    0
    الكثير من ابناء اليمن في الخليج انخرطوا في اسواق الاسهم دون خبره سابقه بهذه التجاره التي يجب على من يمارسها الإلمام بالحد الأدنى من خفاياها وأسرارها !!!
    وحدث أن خسر الجميع بعضهم 75% من روؤس أموالهم وتحويشة أعمارهم !!
    أسرد لكم هذه القصة المنقولة للعبرة والعضه ولعلنا جميعا نستفيد ونعتبر !!!




    مكعيل هذا رجل بسيط يماني من صعده .. بلغني انه من يهود اليمن ..
    الناس هناك مسوين بسطات حول التجمعات والجوامع ويبيعون فيها خردوات وحاجات وسلع متنوعة وبسيطة
    السيد مكعيل صف معاهم وحط بسطه مافيها شي .. ما غير علبتين مليانه تراب "قواطي متربه" ..!

    الناس تروح وتجي وتبيع وتشتيري وذا المهبول كل يوم قاعد قدام ذا العلب ..
    لا هو راضي يغير النشاط ولا احد حاول يشتري منه شي ..
    هاك اليوم جا احد المحسنين .. وعطف عليه ،
    قال له : مكعيل .. وش تبيع ؟
    قال : علب "قواطي" قديمة ..
    قال المحسن : وش فيها ؟ قال مكعيل : تراب ..!!

    الصدق منجاة .. عطاه اياه على بلاطه .. يقول : فيها تراب
    يعني بالعقل .. العلب من الشارع والتراب بالشارع ..

    اندهش المحسن ..!
    قال : طيب اللي يشتريها وش يستفيد ؟
    قال مكعيل : لو ما حد شراها منك انا اشتريها ..!
    استغرب اكثر المحسن وقال : والله هالمسيكين "شكله منسم" وما عنده غير هالعلبتين ..
    ابي اتقرب الى الله وافك عقدته واشتريها منه وخلصنا ..
    والصدقة تجوز على الكلب..
    قال له : بكم هالعلبتين اللي لها سنه عندك ما حد شراها ؟
    قال مكعيل : الوحده بريال ..
    قال المحسن وهذي ريالين .. يالله هاتهم ..
    اخذها وراح البيت ونطلها يمين الباب قبل لا يدخل بيته ..

    وتوه ما قعد والا الباب يطق : طقطق طق .. طقطق طق .. كع كع كع .. دجدج دج ..
    بغى ينكسر الباب .. قام الرجال مفزوع وفتح الباب بسرعة .. الا مكعيل واقف ومعه حصاة بغى يهبد بها الباب لو ما فتح ...

    قال المحسن : شفيك .. شفيك .. خير .. عسى ما شر .. مالك يا مكعييييييل ؟؟؟! "بلهجتهم"
    قال مكعيل : العلب اللي شريتها مني ... ، قال المحسن : شفيهم ؟
    قال مكعيل : عندك ؟
    ناظر المحسن يسار الباب .. شافها منطوله .. قال : ايه .. موجوده
    قال مكعيل : تبيعها ؟

    اندهش المحسن وفغر فاه .. قال : انا الحين مسوي فيك خير ومخلصك منها ..
    تجي تشتري ثانية .! والله ما تلقى احد ياخذها منك بعدي ..

    قال مكعيل : اخلص علي .. ابعطيك فيها ربح بس تكفى بعني اياها ..
    قال المحسن : وبكم تشتريها ؟
    قال مكعيل : بخمسة ريال ..!!!
    جن جنون المحسن : وقال يعني دبل السعر وزيادة ..
    قال : نعم واذا تبي زود عطيتك بس تكفى جبهم لي ..
    قال : المحسن : لا لا كذا كفايه تفضل هاذي العلب لقطهم من عند رجليك وهات الخمسة ..
    حط الخمسة بجيبة ومكعيل اخذ العلبتين وروح ..

    يوم جا العصر والا هالرجال الطيب معلم جيرانه كلهم عن مكعيل وسوق مكعيل ..

    قال لهم : مكعيل هذا يبيع قواطي ولو ما حد شراها منك يجي هو بنفسه ويشتريها منك بدبل السعر ..

    اندهش الجميع وبدأ سوق مكعيل يثير فضول الجميع حتى التجار الشطار ..

    جوا عنده اليوم الثاني والا هو صاف له 20 قوطي ومعبيهم تراب ...
    الناس تطاقوا عنده .. كل واحد يبي يلحق له اكبر كمية قبل غيره ..
    بكم يامكعيل ؟ قال : العلبة بخمسة ..!
    ما كمل كلمته والا العالم ساحبين كل المعروض ..
    اللي لحق علبتين واللي لحق علبه واللي ما لحق شي لانتهاء المعروض على البسطه ...
    وما امداهم يدخلون بيوتهم والا مكعيل يطق عليهم الباب : طقطق طق .. دبدب دب .. دجدج دج
    ويطلب منهم شراء القواطي بضعف قيمتها .. يعني العلبة بعشرة .. !!!!!
    انتشر خبر مكعيل وسوقه ،
    ويقوم مكعيل هاك الليلة ويدور بالديرة كلها ما خلى جرف ولا دحديره في قرية صعدة الا فتش فيها عن قواطي قديمة ..
    ادخلها بسطته بدون علاوة اصدار حتى ..

    وعباها تراب وبسط فيها اليوم الثاني

    صار اليوم هذا يوم جمعه .. يوم كثرة الناس واجتماعهم وتسوقهم ،
    وهاليوم تحديدا جو الناس وهم متزهلين بالكاش طمعا في سوق مكعيل .
    اللي باع ماشيته والا باع بسطة القات اللي تدخل عليه ذهب واللي باع سراويله ..

    المهم كلهم وعقب صلاة الظهر اجتمعوا على بسطة مكعيل دون غيره وخلو السوق خاوي على عروشه ، وياتلحق يا ما تلحق

    وتكفى يا مكعيل ، وبكم يامكعيل ؟ : قال العلبة بـ 95ريال ...!!!!!!!!
    ما كمل كلمتة والا البسطة باللي عليها ممسوحه مسح ..

    عاد الاخوان هناك في صعده يقعد قدام بسطته القرفصاء ..
    راز ركبه ورافع وزرته ومنحسره عن فخوذه ومتدليه اطرافها على جنوبه وعدتة مدلده .. والناس ما تميز وقت الزحمة ..

    حتى اللي مالحق باقي مسوي زحمة ومطلع دراهم يبي يذبها على الرجال ..
    وهو يقول : خلاص .. خلاااااص مافيش .. مافيش .. تعالوا بكره .. وتجمعت الطلبات ولكن بدون عروض ..
    وبعضهم زاود بعض في القواطي اللي عنده بعشرة وعشرين طمعا في تدبيلة مكعيل ..

    عقب هالطقاق وراتفاع اسعار القواطي الفارغة او المليانة تراب الى ارقام فلكية وغير منطقية
    جا اليوم الثاني والثالث والرابع ما جا مكعيل ..
    طبعا كل يوم يتأخر عليهم .. تفقد من قيمتها شي واجد .. مدري كم تعادل بالنسبة ومن اللي يحط النسبة بس كانت ماشية بالبركه .

    راحوا اصحاب القواطي عنده .. قالوا شفيك .. عسى ما شر ما عاد جيت البسطة ولا عاد شريت
    ولا شريت .. ولا .. ولا شريت يعني ..!!!!!!!! عسى ما شر .

    قال : صحيح .. صحيح .. والله انا غيرت النشاط ...!!!!!!!!!
    ولا عاد لي بها البضاعة مصلحة لكن اكيد بتلقون من يشتري منكم ..!!!!!!!!

    صعق الجميع .. وعادوا الى قواطيهم لعلهم يجدون بداخلها ما يمنحهم شيء من الصبر
    او يتعوضون به عن ما لحقهم من خسائر ..
    فتحوها واذا هي مملوءه بالترااااااااااااب ... !!!!!!!!!!!!
    فصار بعضهم يعرضها على بعض بنصف المشترى ..
    اللي جوا في الاخير قالوا : يالله هات ، ويوم نشبت في حلوقهم عرضوها بنصف مشتراهم
    وصارت ذا العلب مثل الجمرة في يد احدهم ويحاول يرميها على الثاني بأي شكل ،

    وكل من بلش فيها عطاها غيره بنصف التكلفة الين تلاشت قيمتها وصارت ببلاش .. وصارت خساره محظه ..

    المشكلة ان كلهم يوم فكروا لقوا انهم بلا عقول .. فأخذوا يتلاومون : وين عقولنا ؟!
    عاد هذولي من جد يبي لهم من يأمر لهم بعقول ..

    معقولة نشتري علبة مصدية وما فيها غير تراب بما يعادل قيمة بقره حلوب ..؟!!!!!!!!

    وينك يا مكعيل تجي تشتري ما بعته علينا ولو بأقل بنصف التكلفة ..
    ههههههههههههههه .. هذا حالنا مع سوقنا .. سوق مكعيل ..



    منقــــــــــــــــــــــــــــــــول
     
  2.   مشاركة رقم : 2    ‏2006-11-10
  3. ابن عُباد

    ابن عُباد مشرف سابق

    التسجيل :
    ‏2005-06-04
    المشاركات:
    22,761
    الإعجاب :
    1
    خلاص يا ابو حذيفة من اليوم ورايح سوق الأسهم با نسميها سوق مكعيل :D

    صدقني عاد قصة اصحاب مكعيل ارحم
    على الأقل ما اقترضوا من البنوك
    أما عملاء البرصة مطالبين بتسديد الديون وقواطي التراب على البسطة بدون سعر ومكعيل يتفرج :D

    قصة طبق الأصل :) بس هذا من وين جاب قصة اصحاب مكعيل كيف وصلت لاخونا الخليجي ؟؟!!

    شكرا لك أخي ابو حذيفة ..


    مع خالص تحيتي ....
     
  4.   مشاركة رقم : 3    ‏2006-11-10
  5. المطرقه

    المطرقه قلم ماسي

    التسجيل :
    ‏2003-09-02
    المشاركات:
    18,247
    الإعجاب :
    0
    اللقب الاضافي:
    نجم المجلس اليمني 2009
    الكارثه..في ان يضع الشخص كل ما يملك..بل ويستدين..لشراء الاسهم.

    خسارته تصبح مضاعفه..ثم ان سلوكه ..يصبح كسلوك المقامر...فلا الامل ينقطع..من انه سيربح...ولا هو يتوقف..عن (المقامره)..اقصد..(المضاربه)...

    ثم ان صاحبنا مع ازدياد خسارته..يبدا في فقدان الامل...في ان يسدد دينه..فيصبح الهم..نديمه الذي لا يفارقه...فتراه امام الشاشه..يرقبها...لعلها تمن عليه باخضرار..لتنفرج اساريره..او باحمرار..فيرتفع ضغطه...ويتحول يومه كدراَ..فلا هو ان اكل..استلذ بالطعام..ولا هو ان جالس اهله...وولده..انتبه لهم..او تفقد احوالهم...

    ثم تراه..يصدق كل اشاعه تقول ان الاسهم سترتفع..ولا يسمع لصوت العقل.-هذا ان بقي عنده عقل-.ان قال ان الخروج باقل الخسائر اهون..من خساره كل شئ.

    اللهم اجعلنا من العابدين لك وحدك..لا من عبده الدينار والدرهم.
    اللهم آمين
     
  6.   مشاركة رقم : 4    ‏2006-11-10
  7. ابو حذيفه

    ابو حذيفه مشرف سابق

    التسجيل :
    ‏2003-05-01
    المشاركات:
    10,896
    الإعجاب :
    0
    ابن عباد
    المطرقه
    شكرا على المرور الكريم !!
     
  8.   مشاركة رقم : 5    ‏2006-11-10
  9. عوذلي بدوي

    عوذلي بدوي عضو متميّز

    التسجيل :
    ‏2006-10-06
    المشاركات:
    2,095
    الإعجاب :
    614
    مشكووووووووووور لك ابو حذيفة

    لقد اضحكتني كثير وخصوصا كلمة مكعيل لان لها معنى عندنا مغاير

    لكن سبحان الله تتطابق ايضا هذه القصة التي سردتها

    اي احد يريد اسهم اقول له كم تشتي مكاعيل ههههههههههه خخخخخخخ
     
  10.   مشاركة رقم : 6    ‏2006-11-11
  11. aborayed

    aborayed قلم ذهبي

    التسجيل :
    ‏2003-08-03
    المشاركات:
    7,186
    الإعجاب :
    0
    الاسم اختير بدقه مكعيل له نفس المعنى الظاهر والمخفي
     
  12.   مشاركة رقم : 7    ‏2006-11-12
  13. ابوعبدالرحمن2005

    ابوعبدالرحمن2005 قلم فضي

    التسجيل :
    ‏2005-08-09
    المشاركات:
    3,643
    الإعجاب :
    0
    هههههههههههه

    نقل موفق
     
  14.   مشاركة رقم : 8    ‏2006-11-12
  15. وكراوي

    وكراوي عضو فعّال

    التسجيل :
    ‏2005-06-23
    المشاركات:
    801
    الإعجاب :
    0
    يا ويلي الناقلات 15.90

    لا تزيدونا جراااااااااااح
     
  16.   مشاركة رقم : 9    ‏2006-11-12
  17. ناصر البنا

    ناصر البنا شاعـر مشرف سابق

    التسجيل :
    ‏2004-06-11
    المشاركات:
    7,641
    الإعجاب :
    0
    احسنت يامكعيل
    عرفت كيف توقعهم
     
  18.   مشاركة رقم : 10    ‏2006-11-12
  19. السبعتين

    السبعتين عضو

    التسجيل :
    ‏2005-07-22
    المشاركات:
    185
    الإعجاب :
    0


    هلا اخي وكراوي تراها حرام انتبه منها لقد طلعت منها قبل نزولها بايام بسيطه لك مني كثر المحبه
     

مشاركة هذه الصفحة