يقول من عدى على راس عالي,,,,,,,,

الكاتب : طائر الاشجان   المشاهدات : 482   الردود : 2    ‏2006-11-08
      مشاركة رقم : 1    ‏2006-11-08
  1. طائر الاشجان

    طائر الاشجان عضو نشيط

    التسجيل :
    ‏2006-11-04
    المشاركات:
    482
    الإعجاب :
    0
    اعزائي........هذة الكلمات للشاعر المرحوم محمد السديري والحقيقة كلماتها تعجني كثير وحبيت اسويها لكم وان شاء الله تنال اعجابكم ولكم جميعا تحياتي,,,,,,,,,

    يقول من عدى على راس عالي /// رجـم طويـل يدهلـه كـل قرنـاس
    في راس مرجوم عسير المنالى /// تلعب به الارياح مـع كـل نسنـاس
    في مهمه(ن)قفر(ن)من الناس خالي /// يشتاق له من حس بالقلب هوجاس
    قعدت في راسه وحيد لحالى /// براس الطويـل ملابقـه تقـل حـراس
    متذكر(ن)في مرقبي وش غدالي /// وصفقت بالكفين ياس(ن) على يـاس
    اخذت اعد ايامها والليالي /// دنيـا(ن) تقلـب مـا عرفنـا لهـا قيـاس
    كم فرقت مابين غالي وغالي /// لو شفت منهـا ربـح ترجـع للافـلاس
    يا ما هفا به من رجال مدالى /// ما كنهم ركبـوا علـى قـب الافـراس
    ولا قلطوهن للكمين الموالى /// ولا صار فوق ظهورهن قطف الانفـاس
    ولا رددوا صم الرمك للتوالى /// كل(ن) يبي من زايـد الفعـل نومـاس
    من بينهم سمر القنا والسلالي /// مثل البروق برايـح(ن) ليلـه ادمـاس
    يقطعك دنيا مالها اول وتالي /// لو اضحكت للغبـن تقـرع بالاجـراس
    المستريح اللى من العقل خالى /// ما هـو بلاجـات الهواجيـس غطـاس
    ما هو بمثلى مشكلاته جلالى /// اسريـت اسجلهـن بحبـر وقرطـاس
    حملى ثقيل وشايلـه باحتمالـي /// واصبرعلـى مرالليالـى والاتعـاس
    وارسي كما ترسي رواس الجبالي /// ولايشتكي ضلع(ن) عليه القدم داس
    يا ابجاد شب النار وادنى الدلالى /// واحمس لنا يا ابجاد ما يقعد الـراس
    ودقه بنجر(ن) يا ظريف العيالي /// يجذب لنا ربع(ن) على اكوار جلاس
    وزله الى منه رقد كل سالـي /// وخلـه يفـوح وقنـن الهيـل بقيـاس
    وصبه ومده يا كريم السبالي /// يبعـد همومـي يـوم اشمـه بالانفـاس
    فنجال يغدي ما تصور ببالى /// وروابع تضرب بها اخمـاس وأسـداس
    لا خاب ظنى بالرفيق الموالى /// مالـي مشاريـه علـى نايـد النـاس
    لعل قصر ما يجي لـه اظلالـى/// ينهـد مـن عالـى مبانيـه للسـاس
    لا صار ما هو مدهل للرجالى /// وملجأ لمن هو يشكى الظيـم والبـاس
    بحسناك يا منشى حقوق الخيالى /// يا خالق اجناس و يامفنـى اجنـاس
    تجعل مقره دارس العهد بالى /// صحصاح دو(ن) دارس(ن)ما به أو ناس
    البوم في تالي هدامه يلالي /// جزاك يـا وكـر الخنـا وكـر الادنـاس
    متى تربع دارنا والمفالى /// وتخضر افياض عقـب مـا هيـب يبـاس
    نشوف فيه الديدحان متوالى /// مثل الرعاف بخصـر مدقـوق الالعـاس
    وينثر على البيداء سواة الزوالى /// يشرق حمارة شرقة الصبغ بالكـاس
    وتكبر دفوف معبسات الشمالي /// ويبني عليهن الشحم مثـل الاطعـاس

    تحياتي لكم جميعا,,,,,,,
     
  2.   مشاركة رقم : 2    ‏2006-11-09
  3. ابــو صخر

    ابــو صخر شاعر شعبي

    التسجيل :
    ‏2006-02-14
    المشاركات:
    5,444
    الإعجاب :
    6
    اللقب الاضافي:
    نجم الشعر الشعبي 2012م
    طائر الاشجان شكرا على النقل قصيده جميله باالنبطي لشاعر معروف وقد ساهمة في تنوع الثقافه باالمجلس بارك
    الله فيك وتحيه اليك من اعماق ابو صخر
     
  4.   مشاركة رقم : 3    ‏2006-11-09
  5. albanna1010

    albanna1010 شاعر شعبي

    التسجيل :
    ‏2004-05-22
    المشاركات:
    8,865
    الإعجاب :
    78
    اللقب الاضافي:
    نجم الشعر الشعبي - 2015
    ما قصرت وفي نفس االوقت اشكرك ؟
     

مشاركة هذه الصفحة