مواصفات شباب 2006....

الكاتب : توني تون   المشاهدات : 372   الردود : 6    ‏2006-10-31
      مشاركة رقم : 1    ‏2006-10-31
  1. توني تون

    توني تون عضو نشيط

    التسجيل :
    ‏2006-10-22
    المشاركات:
    332
    الإعجاب :
    0
    مرحبا لكل الاعضاء...لازم تتعرفوا على الكائن البشري اللي اسمه شاب كيف يقضي يومه,,,,
    دوام الجامعه الساعه 8. بتكون الساعه 7:45 و هو بسابع نومه .. بصحى مصروع الساعه 7:55 و ب5 دقايق بمعجزه الهيه بكون ملغمط الشعرتين الي عراسه بكيلو جل و حالق ذقنه و جارح حاله ب 50 مكان, هاد إذا ما قرر يكون اللوك لليوم "ديرتي" يا ساتر!

    الأواعي بتكون بقمة التناسق, يا إما شرط بني و تي شيرت كحلي, أو بنطلون جينز و قميص برتقالي. طبعاً ليش القميص نصو بره البنطلون و النص التاني جوا ما حد بعرف! يمكن أحد أسرار الأناقه .... هاد غير البلاطين الي بتجرجر عالأرض بكون الشب ماشي و منظف نص الجامعه وراه .. البوت رباطاته مربوطه أو متروكه تتطاير بالهوا هاد حسب مزاج الأخ.

    بكون واقف مع شباب صحابو بأمان الله, بس يمرو بنات بتلاقي صوتو وصل لآخر الجامعه: " يااا زلمه كنت ماشي بالbmw عال 160 بس!! ايش؟؟ ااااه أكيد كنت أخمّس و لا شو مفكرني خايف؟؟ كيف؟؟ اه ولا! أكيد مسكتني الدوريه بس يااا زلمه مأنا واصل!!! مش خال عم أبوي بكون إبن أخت سيد رئيس مركز الشرطه! يا زلمه شو بدك بالحكي!! و و ....."

    اجا عبالو الأخ ينفخ حالو, أسبوعين, 89 ساعه باليوم بداوم بنادي حديد, ما بخلي حديده إلا برفعها, بكسر ضهرو, بصيرلو شد عضلي, بتتلف أعصابو, مش مهم, المهم العضلات تبين, و بنهاية الأسبوعين بصير قدام البنات رياضي و طول عمرو بلعب حديد و الرياضه مقطعه حالها بحياتو.

    بكون مصاحب 40 بنت و لكل وحده حاكي نفس الحكي: "انتي الوحيده بحياتي, مستحيل أحب غيرك و و..." و بعيد الفالنتاين بكون شاري دباديب بالجُمله و حديقة ورد و مش عارف يلحق على مين ولا مين.

    طبعاً الدخان قصه تانيه, هو ما بدخن بالمره و لا بحب يدخن, يدوب سيجارتين باليوم, بتلاقيه شافط 5 بكيتات عالريق و انعمى ضوو من الصبح, هاد غير تحشيشة آخر الليل, هاي بس هيك مع الاصحاب يعني, بكون الدخان طالع من ذنيه و مخو بلّد و وقف عن العمل بسبب جرعه زايده من النيكوتين, و بحكيلك عادي, مش كتير بدخن!
    :p تقبلو تحياتي
     
  2.   مشاركة رقم : 2    ‏2006-10-31
  3. اليمنـــــــية

    اليمنـــــــية مشرف سابق

    التسجيل :
    ‏2001-07-26
    المشاركات:
    19,718
    الإعجاب :
    0
    الله الله ...





    شباب آخر زمن ...
    عساك ما تكون منهم ..؟؟؟؟!!!
     
  4.   مشاركة رقم : 3    ‏2006-10-31
  5. توني تون

    توني تون عضو نشيط

    التسجيل :
    ‏2006-10-22
    المشاركات:
    332
    الإعجاب :
    0
    اممممممممممممممممممممممممم
    لا اكيد مش منهم لساتني 2002 ههههههههههههههه
     
  6.   مشاركة رقم : 4    ‏2006-10-31
  7. gaber

    gaber قلم فضي

    التسجيل :
    ‏2006-09-23
    المشاركات:
    3,091
    الإعجاب :
    0
    كلامك صحيح.. كل واحد يلتزم بالأخلاق الفاضله



    --------------------------------------------------------------------------------

    الأخوه والأخوات الأعضاء نعتذر عن الخطأ الذي حصل في موضوع الذي كتبته ( أنا مسافر. ممكن حد يودعني؟؟ و لا بروح وأنا زعلان !! ) حيث أنني نسيت و لم أحدد تأريخ سفري فأرجوا المعذره وقد كتبت موضوع جديد وهو(المعذره..!! أنا مسافر يوم الثلاثاء القادم نسيت لم أخبركم بموعد سفري..لكم تحياتي
    وقد قمت بتصحيح عبر هذا الرابط ...
    http://www.ye1.org/vb/showthread.php?t=188764

    ........................................ ولكم تحياتي.
     
  8.   مشاركة رقم : 5    ‏2006-11-01
  9. دون سيلفاتور

    دون سيلفاتور قلم ذهبي

    التسجيل :
    ‏2005-07-23
    المشاركات:
    6,471
    الإعجاب :
    0
    انا بكل فخر محافظ على موضة شباب 79 ^^
     
  10.   مشاركة رقم : 6    ‏2006-11-01
  11. العسيب

    العسيب مشرف سابق

    التسجيل :
    ‏2003-09-21
    المشاركات:
    10,475
    الإعجاب :
    0
    انا قد سبقت الاحداث



    وقدنا من شبا ب 2007


    تخيلوا كيف شبا ب 2007 لا تظنوا سؤء

    لانه في صحوه وما اتمناه ايضا ان يكون هناك صحوه ان شا ء الله ونعود لما ضينا

    ما ضي الرجوله والعز
     
  12.   مشاركة رقم : 7    ‏2006-11-01
  13. توني تون

    توني تون عضو نشيط

    التسجيل :
    ‏2006-10-22
    المشاركات:
    332
    الإعجاب :
    0
    نشوف بس ما اعتقد
     

مشاركة هذه الصفحة