بدع وجواب ابو صنعاء+محمد حسين الهروجي

الكاتب : أبو صنعاء   المشاهدات : 2,830   الردود : 33    ‏2006-10-12
      مشاركة رقم : 1    ‏2006-10-12
  1. أبو صنعاء

    أبو صنعاء شاعر شعبي

    التسجيل :
    ‏2003-03-30
    المشاركات:
    3,410
    الإعجاب :
    0
    بدع ابو صنعاء مرسل لشاعرالكبير الهروجي
    وقد سجل في شريط بصوت الفنان فائز ابو شمس ذمار
    ===
    ابوصنعاء الثائر قسم تلو ذا القســــم** ما بتـركــه خصمي ولا عين له تنــــــــام
    معيا رصاص اعجم على الراس للتطم**يخلي خصيمي اقطم ومنثور لا حطــــــام
    انا قابض الارواح انا الموت ذي قدم**ونا من سمع بسمي تفرصـص له العظــام
    انا شاعر الوحده انا السيف والقلــم** انا العرش والكرسي ولي التاج والوســـام
    انا من بتشهد لي امم تلوها امــــم*** انا من شهــد خصمي ومن نال لحتــــــرام
    ويبن الهروجي سير رضي بلا ندم*** وخله لغيرك ساحة الحــرب والصــــــدام
    وخليك في عنس الابيه كم الصنم*** ذا الامــــــر ونته نفـــذ الامــــر بلتــــــــزام
    لقب شاعر الثوره تلاشى مع القــدم***وما عـــــاد له معنى ولفي له اهتمـــــــام
    بماضــيك جفيــــناك لا ذم او شتــم***ولا عـــــاد بانســـــئل على شلـــة الامــــام
    من بعد ما شفنـــاك ما تنقد الحكـم*** ولا تنقــــد الي خالف الحُكــــم والنظـــــام
    ولا تنقد الي بالزلط يشتري الذمم*** وياكـــــم قضــايا لفقــــــوها بــلا اتهــــــام
    ومن كان صاحب حق روح بلا كدم** ومن يدفع البــــيزات ع اللحــم والهـــــدام
    وما بايهمــــه حـق ما دام قستلــــم*** ولا خـاف من جبــــار من يوم لنتقــــــام
    سئلن على دوُر الهروجي ومانظم *** ويش الذي قـــدم بذ الشــان ابو عصــام
    وقالون ما هلا بيتبع ورى الدســــم ***قضى زمــــــانه هاكذا عــــام بعد عـــــام
    وياكم من الاخطاء شــارك بها وذم*** ولو قلت ياعيــباه رجــــــــع بلبتســــــام
    وماله من الراعي وماله من الغنم *** وقصده نصيبه ذي اوي داخل الحــــزام
    ولما متى واشاعر الثوره الاشـم*** متى با تقــول الحــق في الظلم والظــــلام
    ولا معا بتشوف وذنك بها صمـــم***اوقد لسانك صـــار معقـــود بـه عُجـــــــام
    ومهما ظلم ظالم مئــــواه للعكـــم***وما بيضلي الظلـــم دائــــم على الــــــدوام
    والثانيــــــه بالله وقف على العلــــم*** مالي بشوفك بالبصـــل تفطر الصيــــام
    نتقد على ثابت وهو انسان محتــرم***قليل الادب بتقــــول ياعيبت الكــــــــلام
    وثابت بري مما تقوله ومحتشـــم***والحـــــريه مكفــــــــول واسيد النشــــام
    ويش الذي خـــلاك بتكيل له تهـــم***ومن قبل راسك كان مـــــدفون كالنعـــــام
    اوالظاهر انه حط يده على الـــــورم***وخبث المرض بّين وماهو مرض زكــام
    مصالح معك خايف عليها من العدم*** وخــــايف على بز المنيحـه من الفطـــام
    وياشيخ خاف الله بعد النعـــم نِقــم*** واجب على مثــــلك يوقف حــــرس وزام
    والواجب انكشف على الخبث والجذم*** ونـــــدوي الام الحبيبــه من الجــــــذام
    جذام الفساد الي انتشر بالبلد وعـــم*** ولا خير في امه بها الفســــــد والحرام
    وبوحمد بذل مجهود وخلص وما نسم*** بــذل كل ما يقدر ولا عــــــاد با يــــــلام
    حقيقه وانا بشهد بانه رجل خــــــدم*** شعبه : وكل الشعب يشهد لذا الهمـــــام
    واخر كلامي الف سلم لذي عــــــــــزم*** لكوماني اهل العز مليـــــــون للكــــــرام
    ويبلغ لمن غناء بصـــوته وذي نَغـــــم*** ويبلغ لكم من عنـــدنا افضل الســــــلام
    ويابن الهروجي هاجسي قد شرح وتم*** وفصل لك الموظوع بالشرح والتمــــام
    وحذر ترجــــع لي كــم الرد ذي قــــدم*** مهــري بلا معنى وما في بهـا نسجـــام
    وصلو على المختار ما راعـــده زجم *** محمد شفيــــع الخلق في لليلة الزحـام
    طه رســـــــول الله للعـرب والعجــــم*** ويا من سمع صلي على سيـــــــد الانام

    جواب الشاعر الكبير محمد حسين الهروجي
    وماقال ابو عبده دكم راعده دكــــم** وسيله الهـــــروجي التم من عالي اللكام
    وقطع عروق الطلح والعلب بالكدم**ودك الحصون العاليه وصبحت ركـــــام
    انا مارد الثوار ذي فجر الحمـــــم**وقصر الامامه وحرق العــرش والمقــــام
    انا سيف البـــــتار ذي ماقد اثتلـم**وقلب الحديد الصلب والـــدرع والسهـــــام
    ونا الصقر ذي قد لطم العيل والرخم**انا شاعر الثوره انا قاهـــر الخصــــــام
    منين انت يامسكين مشي معك ثلـــم**ولا بنـــــدقك يقــتل ولا قاتلــك يــــــلام
    من الي شهد لك وانت مجهول بالرقم**وسيفك ورمحك ما يـــوازن ربع جــرام
    كن امشيه على مهلك وكن وضع القدم**ولخطار حاطت بك من الخلف والامام
    انا من طيح ولوتحترك لو تسل خطم**دع الحرب وشعر لك على الحب والغرام
    اناشاعر الوحده لي المــــــد واللـــزم**وهي غايت من قبل وكم وربعـــين عام
    ونا شاعر الثوره وغيري هوا الصنم**وعنس الابيه جيشها يجلي المهـــــــامٍ
    وناظلت انا والجيش بالسهل والقمم**وخضنا معرك ورتقينا على اللقــــــــام
    ومرت سنين وعوام وحنا بحيد ضم** ولا ناكل الرشــــــوه ولالقمةالحــــرام
    كما معدتي ما تقبل السمن والدســـم**وكثر الدسم واللحم هو يدي الجشــــام
    ويشهد لي الجمهور من عنس لا تهم**ومن وائله لا قعطبه لا ورى شبــــــام
    وكم قد نصحنا من نصائح ومن حكم**لكل الامـــــــور الداخليه بشكل عـــــام
    وذي مثلكم ما تعرف ويش داخل البرم**وما تعرف الا تاكل الخبــز والهــــدام
    ونتقد ولا تغرم وتشتي تقــــــــع حكم **وتحكم بدون برهان يالقاضي العُكـــام
    وثابت عوض هو محترم وانت محترم**وسمرا اليمن هل شي لها قدر وحترام
    وهوا المولعي ذي سل سيفه وذي هجم**على بنت مايو غايت القصد والمرام
    رجمها بفعل الســـــؤ من بعد ماستلـم**جميع الحقوق الشرعيه ويفعل استـلام
    قد البادع اغــرم ذي تعدى وذي رجــم**ولاقد عرف ثابت بكم قيمــة اللـــــــثام
    وشوفك تقول هو حط يده على الــورم**ولكن هوبلعكس زد الـــــــــورم ورام
    وفي يده المسموم السم والســـــــــدم**يسمم بها الوحده ويبحث عن القســام
    ويكمن قد اعلن توبتـــــــه بعد مالتكم**وعاداتنا نعفي لمن قد عثر وقــــــــام
    وبالخص لريس نظر ليه وبتســـــــم**وقبل جبينه ودخله غرفة الطعـــــــام
    ترى المولعي جهمه وذي دخله جهم** وحبه سجاره با تطفي له الخــــــرام
    ولقد درى من كم ولقد عرف بكـــــــم**ورمز القياده عارف البدع والختــــام
    ومن تاب وستسلم خرج من يده سلم**وكم قد عفا عن من ملفاتهم جســـــام
    هوا الحصن لعيق ذي جمع شملنا ولم**ومصباحنا والوضاح ذي بدد الظلام
    هوا الطب والدكتور ذي سكـــــن الام**وقاد المســــــيره بالمحبه وبالــــوام
    ولله دره كم تحـــــــــــلا من الحكـــــم**وقطم حبال الشر بالحــــرب والسلام
    لهوال تتراكم على معظم الامــــــــم**وشعب اليمن مرفوع في عالي السهام
    وهذاالكلام الصدق ذي ربنا قســـــم**وانته تفسرها على حسب ما تــــــرام
    وتحسمح لنا لاشي خزم فيه او رزم**وعفــــــوك مقدم وقبل الشكر بالختام
    وشكرا لذي سجل وذي وضح الرقم**ابوشمس ذي لحن وبالعزف بو هشام
    والختم صلينا على سيد الامـــــــم**ذي حل في طيبه وفي المسجد الحــــرام

    (((مع تحيات اخوكم ابوصنعاء)))
     
  2.   مشاركة رقم : 2    ‏2006-10-12
  3. الجلهم

    الجلهم شاعر شعبي

    التسجيل :
    ‏2005-12-31
    المشاركات:
    2,287
    الإعجاب :
    0
    الاخ الغالي ابو صنعاء
    بدع في غاية الروعه وموضوع رائع
    وجواب اكثر من روعه من شاعر معروف بصولاته وجولاته
    شاعر الثوره / محمد حسين الهروجي
    ومع قوة الرد وتغطية كل جوانبه الا انني اجد ان هناك ثغرة
    ولعلها الاهم لم اجد في الرد اي تطرق لها الا وهي

    من بعد ما شفنـــاك ما تنقد الحكـم*** ولا تنقــــد الي خالف الحُكــــم والنظـــــام
    ولا تنقد الي بالزلط يشتري الذمم*** وياكـــــم قضــايا لفقــــــوها بــلا اتهــــــام
    ومن كان صاحب حق روح بلا كدم** ومن يدفع البــــيزات ع اللحــم والهـــــدام
    وما بايهمــــه حـق ما دام قستلــــم*** ولا خـاف من جبــــار من يوم لنتقــــــام
    سئلن على دوُر الهروجي ومانظم *** ويش الذي قـــدم بذ الشــان ابو عصــام
    وقالون ما هلا بيتبع ورى الدســــم ***قضى زمــــــانه هاكذا عــــام بعد عـــــام
    وياكم من الاخطاء شــارك بها وذم*** ولو قلت ياعيــباه رجــــــــع بلبتســــــام
    وماله من الراعي وماله من الغنم *** وقصده نصيبه ذي اوي داخل الحــــزام
    ولما متى واشاعر الثوره الاشـم*** متى با تقــول الحــق في الظلم والظــــلام
    ولا معا بتشوف وذنك بها صمـــم***اوقد لسانك صـــار معقـــود بـه عُجـــــــام
    ومهما ظلم ظالم مئــــواه للعكـــم***وما بيضلي الظلـــم دائــــم على الــــــدوام

    الا انني اجد انه قد اكتفى ببيتين في الرد

    وكم قد نصحنا من نصائح ومن حكم**لكل الامـــــــور الداخليه بشكل عـــــام
    وذي مثلكم ما تعرف ويش داخل البرم**وما تعرف الا تاكل الخبــز والهــــدام


    وهنا اضع تساؤلي للاخ الكريم ابو صنعاء
    هل كان الرد بالبيتين كفاية لما كنت تطلبه في الثمانيه الابيات السابقه

    الا هنا واقول لكما صح الله لسانيكما
    ورمضان مبارك وخواتم مرضيه
    تقبل الله مننا ومنكم واعاده الله علينا وعليكم
    وعلى جميع المسلمين باليمن والبركات

    ابو محمد
    جبر الجلهم
     
  4.   مشاركة رقم : 3    ‏2006-10-12
  5. شربووب

    شربووب عضو فعّال

    التسجيل :
    ‏2006-03-24
    المشاركات:
    851
    الإعجاب :
    0
    صح الله لسانك ابو صنعااااااااا


    عكاضية راااااائعة


    دمتم ,,,,,,,,,,,,,,,,,, بود
     
  6.   مشاركة رقم : 4    ‏2006-10-13
  7. شريف

    شريف شاعر شعبي

    التسجيل :
    ‏2004-05-15
    المشاركات:
    3,193
    الإعجاب :
    0
    انا قابض الارواح انا الموت ذي قدم**ونا من سمع بسمي تفرصـص له العظــام
    انا شاعر الوحده انا السيف والقلــم** انا العرش والكرسي ولي التاج والوســـام
    وما بايهمــــه حـق ما دام قستلــــم*** ولا خـاف من جبــــار من يوم لنتقــــــام؟؟؟؟؟

    أخي وأستاذي أبو صنعاء مرحبا بك وبطلّتك
    الجميله ....
    أستاذي الكريم قصيده رائعه وقويه بكل المقاييس
    وبدع ليس له سوى أبو صنعاء ..
    أسجّل أعجابي الشديد لما قرأت في هذا البدع
    الذي يهز الهواجس كلّها .. ولاأخفيك بأعجابي
    الشديد أيضاً بالرد العاصف للشاعر الكبير الهروجي
    بارك الله فيكما ..
    (( ولكن لي ملاحظه على الآبيات الموضحه أعلاه
    التي أعتبرها هفوه من شاعر كبير جداً مثلك والذي
    أستغربتها جداً لآنك والعياذ بالله شبّهت نفسك بقابض
    الآرواح وبصفات وملك لايملكه سواه عز وجل..القلم
    والعرش والكرسي...!!!!
    والبيت الثالث ولاخاف من جبار من يوم الانتقام!!!
    أستغفرالله العظيم ... سيدي يعلم الله أنني من أشد
    المعجبين بك وأنت تعرف ذلك ولكن سيدي أرجو مراجعة
    هذه الآبيات التي بأمكانك تعديلها أو حذفها فمهما وصلنا
    الى درجة الثقه بالنفس والآيمان الكامل بالله وطاعته
    وتنفيذ أوامره لابد لنا أن نخاف منه ولابد لنا من طلب
    الرحمه منه والتذلل له سبحانه وتعالى..))
    سيدي هذا ماأراه وربي الله .... وتسلم
    تلميذك الشريف
     
  8.   مشاركة رقم : 5    ‏2006-10-13
  9. شمر يهرعش

    شمر يهرعش شاعر شعبي

    التسجيل :
    ‏2002-05-19
    المشاركات:
    502
    الإعجاب :
    0
     
  10.   مشاركة رقم : 6    ‏2006-10-13
  11. المحبوش

    المحبوش شاعر شعبي مشرف سابق

    التسجيل :
    ‏2004-08-15
    المشاركات:
    4,569
    الإعجاب :
    43
    عــــــــــــــــاجل عـــــــــــــــــــــاجل عـــــــــــــــــــــــــاجل عــــــــــــــــــاجل
    ارجو من الاخوه المشرفين حذف قصيدة ابوصنعاء فوراً
    وفي اقصى سرعه
     
  12.   مشاركة رقم : 7    ‏2006-10-13
  13. ابو عيبان

    ابو عيبان مشرف سابق

    التسجيل :
    ‏2001-01-26
    المشاركات:
    5,201
    الإعجاب :
    2
    عزيزي ابو صنعا رمضان كريم وان شا الله تكون بخير
    عزيزي اوافق الاخ شريف ولاخ شمر يهرعش بان البيتين الذى ذكرو
    كان التشبيه فيهن غلط ارجو ان تغيرهن بوصف اخر
    وانزل البيتين وسوف اقوم بتعديلهن
    اما المساجله فهى مساجله قويه ورائعه
    تسلم ولك تحياتي
     
  14.   مشاركة رقم : 8    ‏2006-10-13
  15. المحبوش

    المحبوش شاعر شعبي مشرف سابق

    التسجيل :
    ‏2004-08-15
    المشاركات:
    4,569
    الإعجاب :
    43
    مشرفنا العزيز ابوعيبان

    طلبي بالحذف اعلم انه محبة في الله لاخي الشاعر ابوصنعاء

    وفي هذه الايام المباركه من الشهر الفضيل

    وليس كرها له

    تحياتي​
     
  16.   مشاركة رقم : 9    ‏2006-10-13
  17. ابو عيبان

    ابو عيبان مشرف سابق

    التسجيل :
    ‏2001-01-26
    المشاركات:
    5,201
    الإعجاب :
    2
    عزيزي المحبوش كلنا نقدر ونحترم ابو صنعا
    وقد تطلبت منه تغير البيتين
    وانا اجزم انها هفوه بدون قصد
    تحياتي لشخصك الكريم ورمضان كريم
     
  18.   مشاركة رقم : 10    ‏2006-10-13
  19. أبو صنعاء

    أبو صنعاء شاعر شعبي

    التسجيل :
    ‏2003-03-30
    المشاركات:
    3,410
    الإعجاب :
    0
    ==
    اخي الحبيب ابو محمد لجلهم المحترم

    مرحبا فيك وكم يسعدني ما تلقت وما كتبت

    وفي هذا الموضوع انا اعتبر الرد غير كافي ولكنه اتخلص بكل سهوله

    فهوا شاعر له وزنه شكرا لك من القلب ولك تحيات اخوك ابوصنعاء
     

مشاركة هذه الصفحة