مبروك يارمز وحدتنا وقايدها

الكاتب : بن عكعوك يسلم   المشاهدات : 492   الردود : 1    ‏2006-09-22
      مشاركة رقم : 1    ‏2006-09-22
  1. بن عكعوك يسلم

    بن عكعوك يسلم عضو

    التسجيل :
    ‏2006-04-06
    المشاركات:
    34
    الإعجاب :
    0
    مبروك مبروك لك اكـرور ومياتـي
    مبـروك يارمـز وحدتنـا وقايدهـا
    يهنالـك الفـوز يانبـع الاصالاتـي
    يابو حمد ساس للوحـده ومعمدهـا
    انجزت نصر(ن) ابي رغم العصاباتي
    جمعـو ملاييـن للأعـدا تجنّـدهـا
    والشعب واعي ويعـرف بالمهماتـي
    ويعرف اعمالهم سابـق ويرصدهـا
    شبعو من الكذب في عهد الحثالاتـي
    لي شوّهو ثـورة اكتوبـر ورايدهـا
    قامولها ابطال صبـرو عالمعاناتـي
    انـا فـدا دمهـم وفـدا سواعدهـا
    أرواحهم مسك صعـدت للسماواتـي
    للخلد في جنت الفـردوس مرقدهـا
    ذي مرغو انف لزبت في القذاراتـي
    هي والسلاطين لي كانـو تساعدهـا
    ابطـال مـا فكرولـك بالريـالاتـي
    ولا الذهب لي من اعداهـم يعددهـا
    ارواحهم عالاكـف حيـن الملاقاتـي
    وثـورة الام فـي صنعـا ترافدهـا
    من خلفهم واقفه فـي أي محجاتـي
    اليـد باليـد وقفـو ضـد ماردهـا
    وتحقق النصر فـي كـل المجالاتـي
    والموت لحمر معبـا فـي مناجدهـا
    وتوجو نصر تـاج النصـر باداتـي
    فخور به رغـم حاسدهـا وحاقدهـا
    لكن يـا للأسـف خابـت مسرّاتـي
    آتولهـا قـوم تعبـانـه عقايـدهـا
    بفكـار ماتنقبـل عوجـه مضّلاتـي
    من عند لينيـن صدرهـا وورّدهـا
    وقفو على نهج مـا فيهـم مروّاتـي
    جبروك لفكارهـا القشـره تمجّدهـا
    والا مصيرك مصير المجرم العاتـي
    والسحل قسمك وكل الناس تشهدهـا
    تستاهل الفـوز ياولـد الحضاراتـي
    فارس يمنّا مـن اسفلهـا لصاعدهـا
    تستاهل الفوز حتـى عشـر مرّاتـي
    سبعين عام(ن) تضل ماسك بزاندهـا
    الكل حبك رجال(ن) هـم وخفراتـي
    حتى الشجر حبْتـك ليتـك تناشدهـا
    بتقولك مـن نواهـا انـت جنّاتـي
    واغصانها باتضل راسـك وساعدهـا
    من حبها لك تراهـا تهـل عبراتـي
    أدموعها ما مكـرر مـن روافدهـا
    للله درّك ودر والــدك بـالـذاتـي
    يارمز شعب(ن) شكا من ظلم بايدهـا
    الحمد للله جتنـي حسـب هقواتـي
    احمده واشكره قد تمـت مقاصدهـا
    صلحت طرقها ولك خبره وخبراتـي
    قربت مسافاتها لـي كـان تبعّدهـا
    هشّمت روس القمـم ورّدت لالاتـي
    أجبال شمّـخ وبـو احمـد يقددهـا
    حلمي تحقق حيي ذي من زمن ماتي
    وتوحد الشعب كلـه رغـم حاسدهـا
    واجب علي وضّح الواقع في ابياتـي
    من مرها والعسـل مانـا مجّردهـا
    فيها ايجابي وفيهـا بعـض لكماتـي
    وان عاندتنـا خطـا منّـا نعاندهـا
    بنعالج الضـر بالوخـزه وجرعاتـي
    دكتورهـا فـي مرضهـا مايعّقدهـا
    اقول كلمه اخيـره حسـب نظراتـي
    اباك تقضي على السارق وجاحدهـا
    بطانت الغـدر ذي قامـت بسرقاتـي
    اباك مـن كـل مناصبهـا تقعّدهـا
    وحقل مارب مع حقـول المسيلاتـي
    النفط يصـدر ولا شفنـا عوايدهـا
    يحلـب منيحـا وراعيهـا بحاجاتـي
    يشـرب لبنهـا ويـا ليتـه يقرّدهـا
    واهل الرشاوه عليهم شـن حملاتـي
    بيبانهـم يـا علـي بالعنـف قلّدهـا
    شف ذا مرض عيف يأثر لك حزازاتي
    ألحق عليهـم بقيـد العـدل قيّدهـا
    لا ماتتبعتهـم فـي كـل خطواتـي
    بتكون فتنه كبيـره غيـر تحمدهـا
    أفرض رقابه على الرايح وعالآتـي
    هذا عمـل شيـن للوحـده يهددهـا
    بيع الجمل لنت لك مطلب في الشاتي
    والا خذو شاتـك البيضـه بمفردهـا
    ذولا جماعـه تـربـو عالتفـرّاتـي
    ولحقو لهم فالحكومه من يعاضدهـا
    لصّان دايم تعفـرت لـك تعفراتـي
    وفنـدم الويـل للسرقـات عوّدهـا
    ضابط متوّج معـه بدلـه ورتباتـي
    جالس بمكتبـه والرشـوه مخلّدهـا
    والليـل يكـرم ضيوفـه بالتحيّاتـي
    جاب المداعـه وباشرهـم بباردهـا
    حط المتاكي وقهوتهـم مـع القاتـي
    من جيب كـادح يجمّعهـا وخرّدهـا
    والشعب صابر يأن من تحت ضرباتي
    من فوق راسه تخالف لك جلامدهـا
    آسف لشعب(ن) ابي به جم صدماتي
    من عهد سابق عسا لاعـاد عايدهـا
    يتأمل الخير فـي فـوزك بلهفاتـي
    يبغى يسد الرمق في الكبد ضاهدهـا
    جالس ولا به عمل فالقلب حسراتـي
    ويطالعو مـن يساعدهـا ويقعدهـا
    وانته ابوهم وعوّضهـم بمـا فاتـي
    صدقني انهم دعولك فـي مساجدهـا
    وآخر سلامي سلامي مـن لماراتـي
    من دار شيخ العرب زايـد وزايدهـا
    وآلاف صلو على احمد سيد ساداتـي
    عـداد مـذن وكبّـر فـي معابدهـا
     
  2.   مشاركة رقم : 2    ‏2006-09-23
  3. دقم شيبه

    دقم شيبه قلم ذهبي

    التسجيل :
    ‏2002-03-10
    المشاركات:
    7,277
    الإعجاب :
    0
    بن عكوك يسلم
    اشكرك على اختيار المجلس لإمتاعنا بأبيات وقوافيك القوية كما نعرف عنك
    برغم اني اختلف معك في ادخال الماضي بالحاضر

    بدل من معالجة الحاضر بالمستقبل

    ومع ذلك لا نختلف في كونه ماضي بغيض
    الى أن ارهصات الحاضر يتحملها الرئيس الحالي

    تحياتي لك
    وكل عام وانت والوطن بخير
    ورمضان كريم على الجميع انشاء الله
     

مشاركة هذه الصفحة