حكايتـــــــــــــــــــــــــــــــــــي الجزا ((((((1))))))

الكاتب : بوفارس الزهيري   المشاهدات : 1,595   الردود : 34    ‏2006-09-20
      مشاركة رقم : 1    ‏2006-09-20
  1. بوفارس الزهيري

    بوفارس الزهيري قلم ماسي

    التسجيل :
    ‏2006-02-04
    المشاركات:
    10,483
    الإعجاب :
    1
    ياحيكم شباب ,اليوم وبعد 20 يوم بالضبط قررت اني احكيلكم قصتي في اليمن
    (((((((((((((((رحلة دراسه الى اليمن))))))))))))))))
    ......اجا الوالد وقالي مسعد يالله يوم الثلاثاء بانفتك منك وتسارف بعيد عننا يالله بانرتاح منك
    وكان زعلاااااااان جدا لكن يبي يخفي عني زعله
    قلت له ههههههه بتفتكوا مني اوكي بانشوف اذا ماقلتوا آآآآه وين مسعد
    البيت من دونه مب شي , المهم الرحله يوم الثلاثاء واليوم الاحد
    يعني معي يومين بس عشان اجهز نفسي
    قلت ماعليه اروح اجهز نفسي بسرعه لاني
    بكره مابقدر اروح السوق يعني بايجي اصحابي واهلي والربع
    والناس يعني مابحصل فرصه
    قلت ماعليه اروح بسسسرعه المهم
    جا يوم الثلاثاء ورحنا دبي وصورت كل شي من لما تحركنا لما سكرت الكاميرا في المطار
    قلت عشان اتذكر البلاد اذا رجعت وان شاء الله ما ارجع
    فرحااااااان ابي اوصل اليمن بسرعه
    المهم ودعت الوالد وحطيت الشناط وكل ماحصلنا واحد
    مسافر لليمن الوالد يوصيه علي :D
    وانا مستحي واقوله يابوي انا خلاص مب صغير
    الحين ولدك شباب رجال وسنه ولا سنتين ويتزوج ;) اذا ماكان اقل
    وهو مايسمع الكلام الا يوصي علي
    قلت ماعليه اول مره اسافر بروحي وهو خايف علي (الله يحفظك يابوي )
    المهم حاولت اسرع الوداع لاني ما احبه وخايف ابكي قدام الناس :rolleyes:
    فعلا يمكن كنت ببكي لان الوداع اصعب شي عندي
    المهم دخلت المطار ومشيت مشيت مشيت مشيت
    ليييييين ما فرجها ربكم وصلت الباب الي بدخل منه الطياره (طبعا اليمنيه)
    وطول الطريق احصل حريم ورجال اشكاااااااال واللوان نايمين في الارض
    يالله فرجها ربكم محصلت كرسي وانا جالس مادريت الا بحرمه عجووز جت
    شفت ماشي كراسي قلت ياولد قم فز خل العجوز تجلس مكانك
    المهم خليتها تجلس مكاني وضليت واقف لما تجي الطياره
    شوي الا والحرمه تكلمني تقولي انت رايح اليمن
    قلت ايوه تفضلي تامري بشي
    قالت انا مسافره اليمن وانا عجوز ومش عارفه ايش اسوي
    وعندي هالكيسين وولدي قالي لما توصلي المطار عيال الحلال مابيقصروا معش
    قلت ولا يهمش يالوالده خلاص هاتي اكياسش وجوازش وانا بتصرف
    (اول ما وصلت ابوي يوصي الناس علي,والحين صرت انا الوصي على هالحرمه :D )
    المهم كانت عندي شنطه صغيره اسحبها سحب ,جت الطياره قلت يالله يالوالده قمنا
    شليت الاكياس الا وكان فيها حجار ,ثقييييييييله
    قلت الحمد الله الي عندي شنطه تنسحب لو كانت اشلها بيدي ياويلي
    رحنا وخلصنا الامور المعروفه ودخلنا
    قلت بجلس وياها لعد تضيع مني
    رحت اجلس الا وان الي بيجلس جنبي واحد اشقر اجنبي يعني
    قلت وكيف اسوي الحرمه في مكان وانا في مكان
    قلت ماعليه يابوفارس روح كلمه يبدل الاماكن
    رحت كلمته طلع رجاااااال طيب واشهد له قام بكل بساطه بدون اي تاخير
    شكرته وجلسنا عادحنا بننتظر نصف ساعه لما تقلع الطياره اليمنيه
    ياجماعه مادريت الا والدنيا حررررررر موت قلت هذه طياره والاباص مدرسه
    قلت ماعليه تحمل شوي قالوا الطياره بتقلع اربطوا الاحزمه
    ربط حزامي وشفت الحرمه ماربطت حزامها قلت ترينا بنقلع اربطي الحزام
    قالت ماحصلته :eek:
    كيف يعني حر وقلنا ماعليه لكن توصل ان كرسي الطياره مافيه حزام وكيف تستوي
    المهم دور تحت دورت فوق وماحصلت
    قلت ياحجه قومي شوي قامت ههههههه وكانت جالسه فوق الحزام
    قلت واحنا ندور وهو تحت
    المهم اقلعنا وهووووووووووووووووووووووو
    جا وقت الغدا وتغدينا هذاك الغدا .....
    ولا بلاش نتكلم عن الغدا يالله
    المهم وانا مندمج مع الفلم الي حاطينه ههههههه
    هههههه
    تسكر التلفزيون :mad: :mad:
    بعدين شفت الحرمه وتذكرت انا مسؤووول عليها قلت ولو تنزل يامسعد ومحد مستقبنها
    (تذكرت قصة طاش ماطاش) قلت في هالحاله وش تسوي ؟؟؟؟؟؟ والله مشكله
    بعد الحرمه عجوز حرام تخليها وتروح !! ياربي وش بتسوي
    تشجعت وسالتها (يالوالده اقول فيه حد بيستقبلك هناك ؟؟؟؟) قالت ايوه ولدي يشتغل في المطار (مطار الريان في المكلا) اوووووووف هم وانزاح الحين ارتحت :)
    بعد شوي بديت احس بملل ؟؟؟
    قلت يالله شوي ونهبط !!!!!!وهنا وبدات المعاناة كانت الطياره تطلع وتنزل تطلع وتنزل
    يعني بالمختصر طلعت روحي .............
    وبالسلامه والحمد لله هبطنا وانا مدووووووووووووووووووخ واحنا ماشيين على المدرج فتحت الجامعه ابي اشوف المطار ولا شفت شي بس شفت بيت صغير قلت من هذا الي جا يبني في المطار هههههههه .......طلع انه المطار :eek:
    قالوا يالله الي بينزل في المكلا يودع
    قمت وانا داااااايخ
    كنت اترنح يمين ويسار , نزلنا من الطياره وطلعت الباص
    وبعدني دايخ المهم انا طلعت وياصاحبي وطبعا واقفين انا بعدني مامسكت والباص تحرك
    وكنت بطيح فوق حرمه جالسه لو لا ان صاحبي مسكني هههه
    دخلنا الصاله ياسلام ايش مطار دبي قدامه ولا يسوى شي ;)
    فرق 380 الف درجه طبعا مطار الريان احسن
    هههههه
    المهم ختمت ختمت واوصل آخر باب عند واحد بوشنب
    شنبه كبييييييييييييير
    خذ جوازي وهويطالعني بغرابه (كنت لابس كندوره والغتره طبعا وآآآآآخر كشخه ) هعهعهع:cool:
    قالي بسألك اساله وانت جاوبني ,قلت تفضل آمر
    1) هل تنتمي لاي منظمه ارهابيه كالقاعده مثلا؟؟؟؟؟؟
    قلت هذا اكيد يمزح معي يالله بمزح معه رجال طيب ههه
    قلت له انت ويش رايك شكلي يدل اني انتمي لهم
    ويطالعني من تحت لتحت
    قال :انت جاوب وبس
    قلت له انت ويش رايك (وانا مكمل مزح )خخخخ
    قال: قل لا وبس
    قلت:خلاص انت جاوبت
    قال: قل لا
    قلت: لا
    2)هل تنوي ان تذهب الى سوريا او العراق ؟؟؟؟؟
    ضحكت انا هههههههههههههه
    انا يابن الحلال شارد من الامارات ابي اوصل اليمن تقولي اروح سوريا والعراق ههههه
    قال اليمن احسن بلا....
    جا اجنبي وهو انكتم واخذ جوازه وختمه وعطاه وانا اطالع مع اني جيت قبله بفتره
    كمل كلامه اليمن احسن بلاد صح
    قلت اكييييييييد ماشي احسن منها
    يالله هنا وخلاص
    اكمل في الجزا الثاني ......
    انتظرونااااااااااا
     
  2.   مشاركة رقم : 2    ‏2006-09-20
  3. كليوباترا

    كليوباترا عضو متميّز

    التسجيل :
    ‏2006-08-14
    المشاركات:
    1,412
    الإعجاب :
    0
    وش السالــــــــــــــــــــــــــــــــــــــــــــــــــــفة ذلحين
    :confused: :confused: :confused:
    :confused: :confused:
    :confused:
    :D
    رديتها لك.......قلبي أســـــــــــــــــــــــــــــــود:p












    ياأخي أسلوبك حلو
    متشوقين للجزء الثاني:)
     
  4.   مشاركة رقم : 3    ‏2006-09-20
  5. المستشار

    المستشار عضو متميّز

    التسجيل :
    ‏2003-02-04
    المشاركات:
    1,078
    الإعجاب :
    0

    الموضوع يشتي له تخزينة :D

    لي عودة
     
  6.   مشاركة رقم : 4    ‏2006-09-20
  7. المستشار

    المستشار عضو متميّز

    التسجيل :
    ‏2003-02-04
    المشاركات:
    1,078
    الإعجاب :
    0
    >>>>>>>>>>>>>>
     
  8.   مشاركة رقم : 5    ‏2006-09-20
  9. آلاشرف

    آلاشرف قلم ماسي

    التسجيل :
    ‏2006-07-30
    المشاركات:
    11,327
    الإعجاب :
    0
    والله لو طلعت العجوز ما لها حد كيف بتعمل:d

    لا احسن تنزلها بيتكم الي بعرش;)

    تسلم يا مسعد ومنتظرين الجزء الثاني :)
     
  10.   مشاركة رقم : 6    ‏2006-09-20
  11. cashcoosh

    cashcoosh عضو متميّز

    التسجيل :
    ‏2006-08-02
    المشاركات:
    2,206
    الإعجاب :
    0
    روووووووووووووووووووعة
    وطريقة السرد اكثر من رائعة
    بس في ملاحظة بسيييييييييييييييييييييييييطه
    لو تستعمل اللهجة الحضرمية بتكون اروع
    عاد شي عندك خبر يا خوك
    منتظرين امجزء امثاني
    هههههههههههههههه
    تحيااااااااااااااتي لك
    نظر مع الشكر
     
  12.   مشاركة رقم : 7    ‏2006-09-20
  13. أنـــــــور

    أنـــــــور مشرف سابق

    التسجيل :
    ‏2006-05-30
    المشاركات:
    14,547
    الإعجاب :
    0
    مسكتنا من اليد اللي توجعنا خخخخخخخخخخ

    صدقت في ما قلت فهذه هي المعامله و هذه بعض السلبيات

    موضوع متميز و رائع

    رمضان كريم
     
  14.   مشاركة رقم : 8    ‏2006-09-20
  15. الصقر_1

    الصقر_1 قلم ماسي

    التسجيل :
    ‏2005-12-20
    المشاركات:
    13,128
    الإعجاب :
    0
    ايوه يالزهيري إظهر وبان عليك الأمان :) .. فين كنت مخبي كل هذه الإبداعات ؟:)
    بإنتظار الجزء الثاني :)
     
  16.   مشاركة رقم : 9    ‏2006-09-20
  17. شموخ أنثى

    شموخ أنثى عضو متميّز

    التسجيل :
    ‏2006-05-23
    المشاركات:
    1,452
    الإعجاب :
    0
    رائع وننتظر مغامراتك في المكلا و الجامعة.











    ولا تتأخر علينا.......
    بس أقولك ترى المكلا ما يبغيلها كشخة لأن الجو عندكم حدث و لا حرج.
     
  18.   مشاركة رقم : 10    ‏2006-09-20
  19. الشرعبي

    الشرعبي عضو نشيط

    التسجيل :
    ‏2003-11-06
    المشاركات:
    483
    الإعجاب :
    0
    الموضوع يشتي له تخزينة
     

مشاركة هذه الصفحة