قصيده للشاعر ابو فؤاد المجربي

الكاتب : صدق المشاعر   المشاهدات : 1,220   الردود : 13    ‏2006-09-17
      مشاركة رقم : 1    ‏2006-09-17
  1. صدق المشاعر

    صدق المشاعر عضو متميّز

    التسجيل :
    ‏2005-10-02
    المشاركات:
    1,514
    الإعجاب :
    0
    السلام عليكم ورحمه الله وبركاته

    الاستاذ الكريم والشاعر القدير
    ابو فؤاد المجربي بعد صدفه وانا باشوف قناة اليمن الحبيب

    تقدم المذيع في القناه الاولى باسمك وباسم محافظه البيضاء
    ورداع بان الشاعر القدير احمد علوي المجربي سيلقي قصيده

    ففرحت وسررت في ذالك وزادني فخر وشرف في شوفتك

    وحضورك ياشاعر الوحده اليمنيه وحضرتني هذه البيات

    الشعريه فياريت ان يستحسنون اعجابك وينالون رضاك

    وياريت تنزل القصيده الذي القيتها اليوم في التلفزيون

    في مديرية رداع ولك خالص تحياتي اختك وبنتك

    صدق المشاعر



    نعم نعم يا المجـربي قد حان رنات الجــروؤس
    صوتي مع صوتك نعــم علــي زعـيم القاعــده


    في شاشة التلفاز شفتك في سما البيضاء تنوؤس
    نعــم نعــم نشــتي علي والـشــعب هــذا رائــيده

    يمشي وعون الله معه وعـ الفساد امشي ودوؤس
    واٍمــي الــيـمـن تبـقى بـيــده في ارئـــده واحــده


    يشتــون تغـيـير الرائيس من قبل تغــير النفوس
    كيف إيــجـي هـذا ومن داخــل نـفــوساً حاقــده

    الراس هـو الراس ماشي نخـتلف عند الرؤوس
    المــشكــله اهل النــفــوس الحاقـــده والحــاسـده


    قدما سلم عنهم علي ذي سي لهم كل الدرؤؤس
    واليــوم يشــتــونه يــروح ويحــصلــوها بــارده

    ذي هـمهم حجـز الكراسي والمصالح والفلوس
    ماظــنــتي ينــفـع ولا بـيكــون منــه فـــايـــــده



    مع تحياتي صدوقه
     
  2.   مشاركة رقم : 2    ‏2006-09-18
  3. ابو فؤاد المجربي

    ابو فؤاد المجربي شاعر شعبي مشرف سابق

    التسجيل :
    ‏2005-04-10
    المشاركات:
    4,507
    الإعجاب :
    9
    الى البنت الوحدويه الصادقه
    صدق المشاعر حفظك الله
    وأشكرك على على الاهتمام الذي ينم عن انسانه
    دائما في كل مساهماتها في هذا المجلس صادقة ومحبة لوطنها ولكل ما هو جميل ومشرف ولقد كانت صفحتك هذه فأل خير وتواصل حيث قد بقيت منقطعا عن المجلس منذ حوالي شهرين مع الكثير من أعضاء المجلس في داخل اليمن وكنا نفتح المجلس بصعوبه واذا فتح لنا نتصفحه فقط ويتصعب علينا ادخال مشاركه أوردود وقد لاحظ الجميع ذالك وهاانا في هذه الليله استطعت ولأأول مره ادخل مساهماتي الشعريه في العرس الديمقراطي الذي نعيشه في الوطن اليمني في تنافس سلمي للسلطه ارجو الله ان يجنبنا الفتن والمحن وشكرا على تلك الابيات الجميله التي افخر بها واعتزوقد حكمت على نفسي ان انشر اربع قصائد الفتها في خلال الحمله الانتخابيه في صفحتك واليك ذالك والسلام


    سم الله الرحمن الرحيم
    بمناسبة زيارة الاخ رئيس الجمهوريه مرشح المؤتمر الشعبي العام المشير علي عبد الله صالح حفظه الله الى مدينة رداع يوم الأحد تاريخ 17/9/2006 والقيتها في المهرجان الجماهيري في حضور فخامته للشاعر احمد علوي المجربي
    بعنوان
    ((هاوانا منعكم لي منع منهو رداعي))


    قالها المجربي من منطــــــقي وانطـــــباعي
    والأحاسيس للشاعــــــر تترجــــــــم طباعه

    من تعابيــــــر يسقيها بمـــــاء اليــــــراعــي
    واصبحت جاهـــزه للـــــبلوره والطــــباعه

    يارداع افتحي صـــــدرك بكل اند فــــاعي
    ظـمي الجيد عنوان الوفا والبراعه

    فوق راسي بك الترحيب منا جماعي
    كلها الناس ماهم شي جماعه جماعه

    رحب العرش بك عبر الطريق الزراعي
    واقبلت قيفتين متلهفه في سماعه

    واستجابت صباح من راس حيد القماعي
    لا الرياشـــيه العلــــيا لحتى شباعه

    والمدينـــــه مـــــدينه لك بكل المساعي
    تلتقي بك مع البيضااختها في الرضاعه

    مرحـــــبا في ربا قلعه تفوق القلاعي
    كلمـــن يطلـــع تاريخــها بالطلاعه

    من ترشح معك فيها يقول ياضياعي
    واعتبرها رداعك أنت ماهي رداعه

    بانســــاند مرشـــحنا الزعيم الشجاعي
    أنت يامن نرى صدرك كبير اتساعه

    يازعيم اليمن راســك سما بارتفاعي
    وحَــد ابناء هذا الشعب وامتد باعه

    لو سألنا ونادينـــا الجــــــبال المــــــناعي
    لاستـــــــجابت لنا من كل قمّه وقاعـــــه

    صوتوا للبطل ذي هو كريم الطـــــباعي
    المناضل علي رمز الوفا والشجاعه

    خيــر إنسان تختاروه للشـــــــعب راعي
    سوف نعطيه كل اصواتنا عن قنــــــاعه

    هاوانا منــعكم لي منع منـــــــهو رداعي
    كل واحد يسي زايد على مستطاعـــــــه

    لوسعيت انتخب حد غيرك اقطع ذراعي
    والوطن بايقول ماعه وسبعين ماعــــــه

    ذا من القلب ماهوشي كلام اصــطناعي
    كلمن با يكون الصوت عنده وداعـــــــه

    يوم عشرين سبتمبرويوم اقتــــــــراعي
    يوم كل اليمن يعطوك حبا وطاعــــــــه

    من شفا حوف وامواج البحور الوساعي
    لا جزيرة حنيش لا وايله لا جماعــــــه

    بانبايع علي باخــلاص من عقـــل واعي
    تعــلن اخبارها في التلفزه والاذاعـــــــه

    با نبايع على استئصال كل الافــــــاعي
    لجل تتثبت الوحده ومعـــها منا عــــــه

    نســمع المشترك في كل ليــله بناعي
    يزعــــــــــم ان اليمن كله يعاني مجاعه

    قــــــد عرف شعبنا تضليلهم والخداعي
    في الوطن خير ماهوشي بهذى البشاعه

    انت ربان هذى المـــــرحــله ياقتناعي
    والمعارض قد افهمناه محنا بتاعـــــــه

    والف صلوا على من حل خير البقاعي
    خاتم الأنبيــــاء ذي فضله بالشفاعـــــه
     
  4.   مشاركة رقم : 3    ‏2006-09-18
  5. ابو فؤاد المجربي

    ابو فؤاد المجربي شاعر شعبي مشرف سابق

    التسجيل :
    ‏2005-04-10
    المشاركات:
    4,507
    الإعجاب :
    9
    بسم الله الحمن الرحيم

    هذه المقطوعه مشاركة مني في الحمله لانتخاب الاخ المشير علي عبدالله صالح وفقه الله وذالك مع ابناء مديرية صباح يوم الثلاثاء تاريخ 12/9/2006م

    مع تحيات الشاعر احمد علوي المجربي





    اسعد صباحش يا روابي صباح

    وكلمن يســـعد صباحــــه


    قال بن مجرب تمنحوه السماح

    لا عندكم فرصه متاحـــه


    والعفو منكم لو عليَا جناح

    من أي شطحه أو بجاحه


    سلام ما نسنس ومالعطر فاح

    منََََََََا يعطر كل ساحـــــــه


    يتناقلينه مرسلات الرياح

    وتعلنه في الاستراحــــه


    اليوم جيئنا من مدينة ملاح

    والعرش عبّر بانشراحه


    والعرش مثل الطير وانتو جناح

    والمريشه ثاني جناحــــه


    أقبلت اشاركم بكل انشراح

    من قلبي اعلنها صراحه


    نوقف مع القائد علي للنجاح

    وتعلن الــــدنيا نجاحــــه


    حقق لنا الوحده بطول الكفاح

    من الذي ينكر كـــفاحــــه


    واقول كلمة حق من صاح صاح

    ولا غثي من راس ضاحه


    مسيلمه مانوعه الا سجاح

    لاشتيه يهــــديها وشاحـــه


    اما حبيبتنا وست الملاح

    ماغير تكســر له جمـــاحه


    هي حق حامي مجدها بالسلاح

    في سرحته والا رواحــــه


    علي ومن غيره يداوي الجراح

    مولى الشهامه والســـماحه


    ياصحابنا لي منع منهو رزاح

    ومنع من عنده رجـــــاحه


    خلو قراكم كلها والفياح

    تنصر علي من كل واحــه


    رد الجمايل بالجمايل متاح

    والجمل نكــــرانه وقاحـــه


    والامر يشتي جد ماهو مزاح

    واصواتنا ماهي مـــــباحه


    صباح خلوها اكتساح اكتساح

    وغيره اعطو له اطاحـــــه


    يستاهل التمجيد والامتداح

    ياهل البلاغه والفصاحـــه


    صلوا على المختار مالبرق لاح

    من يذكره يشعر براحــــــه
     
  6.   مشاركة رقم : 4    ‏2006-09-18
  7. ابونوح

    ابونوح عضو

    التسجيل :
    ‏2006-06-26
    المشاركات:
    19
    الإعجاب :
    0
    سلمت ياابوفؤاد ياجبلنا الشامخ فوق كل البلاد
     
  8.   مشاركة رقم : 5    ‏2006-09-18
  9. ابو فؤاد المجربي

    ابو فؤاد المجربي شاعر شعبي مشرف سابق

    التسجيل :
    ‏2005-04-10
    المشاركات:
    4,507
    الإعجاب :
    9
    ِبسم الله الرحمن الرحيم
    هذه مساهمتي في مهرجان مديرية العرش لانتخاب الرئيس علي عبدالله صالح
    يوم الاربعاء
    2006/9/13
    قال بن مجرب ذي مسجل في قواميس الأدب
    واهل الصــــحافه تنقل اشعـــــاره مع كتـــــابها

    اليوم نحضر مهرجان العرش حيث القلـــب حب
    والعــــرش هو مثل الســــــفينه كلــــنا ركابـــــها

    من راس كنـــــوب لا مشيع لا قفا ضية رجــــــب
    ومن عـقارب لا الجميمه غــــــرب لا محــــنابها

    والطيري الربان عنـــــــوان القبـــــيله والصحب
    فالتمنحه يارب طول العمــــــر في محــــــــرابها

    دار المحـــــــبه ساكنه فيـــــــها جهـــاديم العرب
    تربطهم الوحده على رغم اختـــــــلاف احـــزابها

    إخوان لاخصــــــمه تفرقهم ولا يوجـــــد شـــغب
    والكل آمن في مــــــــروره من جمـــــــيع ابواها

    واليوم هـــــذا قد تواجـــــد نا ملبيـــــــن الطلـــب
    وكل ابنــــــاء الســـــعــــــيده قائمه باعــــــصابها

    لاجل انتخابات الرئاسسه والمـــــــحلي ينتــــــخب
    لنا حــــــوالي شهــــر قاصـــــــــر كم تمتعنا بـــها

    واقـــــع ديمقراطي يقود الـــــناس لاهذا الســـــــبب
    تداول السلـــــطه بصوره سلـــــميه نرضــــــى بها

    هبوا معي نسأل جميع العـــــرش ساحات الرحــب
    نسأل مزارعـــــــــها مع وديـــــانها وشـــــــــعابها

    هبو نصــــــوت للمــــرشَحنا نصب الصوت صب
    ذا من صميـــــــــم القلب ماهــــــو كل شي بحسابها

    باذكر ملاح الجودذي هم يحضروا وقت النشب
    دار السعاده والمــــــــــروَه عامـــــــــره باربابـــــها

    واقـــــــــــول ياعــــــــــزان عز الله مقامش والرتب
    وانادي الحصـــــــن المسابق ناطــــــــــحات سحابها

    وآل اليعيشي والعميسي والعــــرامي في الجنــــــــب
    والباقـــري والقريه الخضـــــــــرا تنال اعــــــــجابها

    والفرزعي والقـــــــرن الاعطى والفقه اهل الزلـــــب
    شيـــــــحاط والدهناء وبيت مجرب حقــــــول اعنابها

    ياصرم شدادي وحمـــــيده مع صــــــــرم اللهب
    والقريه الســــــوداء مع الحمـــــره مع من شابها

    وانادي الجيف المصلى والظواهر والحـــــــقب
    مع الخبارين التقت قــــــرن الأسد بانيـــــــابها

    والمغربه صومان ظريبه لا بدا الغازي ظرب
    حماك وماور قرية السودان جنب شـــــــــهابها

    واذكر حبابه من سفال الرعب واشعاب الحطب
    حتى سوار العرش ذي في سفح ابو خبابها

    حرجه زعام الكوله القهره ورميان الســــــــلب
    كامل حبابه هم حبايبنا ونحــــــــن احـــــــبابها

    لي منع كل العرش ساكن في الوطن والا اغترب
    منع الحفول الواسعه فيــــــــها ومنع تــــــرابها

    برجالها ونساءها كلاتهم شــــــــيبه وشـــــــب
    تجارها التـــــجار والاحـــــرار من طلابهــــــا

    وانادي الاطفال جمله والمـــزوج زالعــــــزب
    اهل الثقا فه والادب والشـــــــعرمن كــــــتابها

    اصواتكم باتجعل الصندوق في المـــركز ذهب
    نختار ابو احمد يعاد الامر لا اصــــــــــحابها

    نختار ابو شارب ولا نختار محلوق الشـــــنب
    لا كل غدى كذبه فهل معـــقول يتـــــعشى بها

    با ننصر المخلص لشعبه قبح الله من كـــذب
    باصواتنا نقدر نرجعـــــهم على أعــــــــقابها

    واذكر محمد ذي زكاه الله من بين العـــــرب
    ذي هو مدينة علم ربي وابن عــــمه بابهـــــا

    مع تحيات احمد علوي المجربي​
     
  10.   مشاركة رقم : 6    ‏2006-09-18
  11. ابونوح

    ابونوح عضو

    التسجيل :
    ‏2006-06-26
    المشاركات:
    19
    الإعجاب :
    0
    حياك حياك يابوفؤاد هكذا أرفع رؤوسنا ومن زعل يزعل
    نختار ابوشارب ولانختار محلوق الشنب
    لا اكل غدا كذبه فهل معقول بايتعشى بها
    لا والله مايتعشا بها ولايطعم غدا
    مع خالص تحياتي لك يانجمنا ونجم كل وطني حر
     
  12.   مشاركة رقم : 7    ‏2006-09-18
  13. ابو فؤاد المجربي

    ابو فؤاد المجربي شاعر شعبي مشرف سابق

    التسجيل :
    ‏2005-04-10
    المشاركات:
    4,507
    الإعجاب :
    9
    --------------------------------------------------------------------------------


    بسم الله الرحمن الرحيم
    اليكم هذه القصيده مناصرة ومبايعه للاخ الزعيم علي عبد الله صالح حفظه الله للشاعر الوحدوي احمد علوي المجربي

    توكلت بك ياذي تجازي من اتكل
    ونستغفـــــــــــرك يامن لك العز والكمال

    لك الحمد في الحاضــــــرومن قادم الأزل
    وفي الحال هذا ذي عـــلينا وكــل حــــــال

    يقول بن مجرب كم تقصودوكم زمـــــــــل
    وكم ياقوافي صال في بحرها وجــــــــال

    وينظم حروفه هذى الايام في عـــــــــجل
    وفي شعبنا تجرى انتخابات واحتــــــفال

    معاني رسمها وانــــــــتقاها على جـــــمل
    مفيده وخلىّ صوتها واســع المــــــــجال

    فهـــذه بلادي في تســــــــابق مع الــــدول
    تنافس دمقراطي لتغــــــــيير وانتــــــقال

    ومنهو يحب الشعــــــب لابد مايصـــــل
    وبالأغلبيه ياخـــذ الحــــكم بالحـــــــلال

    ومن كان غير مرغوب بايجني الفشـــل
    عديم الثقه يصبح نجاحه من المــــــحال

    لك الحريه تختار ذي قلبك استــــــــــدل
    وتدلي بصوتك دون خشيه ولا تبـــــــال

    ومهما اختلفنا مايقـــــــــــع بيننا زعـــل
    ولاظغط بايحصل علينا ولا اعتــــــقال

    فهانحن هذا اليوم يحــــذو بنا الامــــــل
    نناصر مرشح قد عرفناه بالنـــــــضال

    علي فارس الفرسان والقائد الـــــــبطل
    وفي مسرح الأحداث تتميَز الرجــــال

    فلو لنتخابه نسأل الســـهل والجـــــــبل
    ولو نسأل الوديان والزرع والتــــلال

    ونسأل مدنا والمخــــــاليف والعــــزل
    ونسأل مياه البـــــــحر والبر والرمال

    لمن تمنحي صوتك لقالت بلا خجــــل
    ونادت بأعلى صوت رجَت به الجبال

    سأمنح علي عبدالله الجيد ذي بذل
    وحقق لشعبه من عطاءه ولم يزال

    رداع اقبلت من آل سواد لازبل
    وجات من مدير الدار لااسبيل لاالطيال

    وتفرح بك البيضاء وافراحها دبل
    ويوم الربوع في عرفها صار خير فال

    والاصوات لك من كل حزبي ومستقل
    وبا يرتفع راسك تطمَن ولا تبال

    وهذا التفاف الشعب يكفي عن الجدل
    رساله صريحه قد اجابت على السؤال

    فأبناء صعده كل واحد بك احتــــــــفل
    وعمران عن بكرة ابيـــها لك امـتــــثال

    وحجه رأ يناها تحيي بمن وصـــــــــل
    بجمهور حولك أذهل العالم انذهـــــال

    وتلك الحدبده حبها فاض واشتعل
    من الزيديه لامور لاحيس لا عـــــبال

    جماهيرريمه بادلوك الوفا جـــــــــمل
    فأنت الذي خلصتهم بعد الانعــــــزال

    ومارب وحزم الجوف تأييدهم فصل
    وقد كان أعظم رد في كلما يقـــــــال

    وشبوه مع المحـويت ماشابها خـــــلل
    وأعطوك عهدا صـادقا لم يكن خــيال

    وسيئون قالت لك هلا بالذي نــــــزل
    نعم يا بشير الخير يافارس النضـــال

    نرى حضرموت كلين دعا الله وابتهل
    لتجديد عهدك جمع ماقد خطر بــبال

    وفي الغيضه ابشر مابقى لحدا محل
    وذي شق فرتق باتصوِت له الجبال

    وشفنا سقطره رحبت بك على المقل
    كما لك جمايل عندهم مالها مثـــــال

    وهذه تعز العز كاالســـــــــيل لا احـــــــتمل
    ضمد سيلها من حوض الاشراف لا السفال

    أتو ينصروا من حـــــبهم قبل أن حمــــــل
    زمام الرئاسه يوم ماخــــــــاف الاغتــــيال

    وإب الحبيبه صــــابها الحـــــــادث الجـــلل
    بكثر اندفاع الناس في وقــــــت الاحــتفال

    وهذا يعبـــــر عــــن محبــــه لهـــا ثقـــــل
    في اوساط شعــــــــبك لم يكن رد وانفعال

    وزفت بك الضالع وتهدي لك القبل
    مع لحج واملوها هتافات وابتهال

    وهذه عدن حفَت بفارس لها بذل
    بجهده وخصصها مشاريعه الثقال

    وثغر اليمن قدقال ماشي لنا بدل
    يساوي علي صقر الزعامه بلا جدال

    وجمهورك الجمهور في أبين اكتمل
    وفي زنجبار ماعاد وسعتهم الرمال

    وأما ذمار الأمس تأييدهم شمل
    وشملان بايحصل على شيئ مايقال

    وباننصرك ياخير من زارنا وطل
    وتبقى معك صنعاء والعاصمه آزال

    ولا زلت في قمــــَة عطائك بلا مــــلل
    وفي تجربه مرًة معـــــك صعبة المــــــــنال

    وواجهت في الماضي مشــــاكل على الأقـــل
    مئة مشكله في اليـــــوم ما تقبل احتــــــــمال

    ولا مشـــــــكله الاوتسعى لـــــها بحـــل
    وفي وضـــع محرج قتل والـــــغام واقتتال

    عزم في بناء الجيش والامــــــن واكتـــــــمل
    بنا ء ه بخبره علمـــــيه تفهـــــم القــــــتال

    وأستخـــــــرج البترول باعـــــوامه الأول
    مع سد مارب واحتــــــــــفلنا به احــــتفال

    ولما تحســــ،ًن وضــــــعنا قام وانتـــــقل
    الى وحدة الشطر الجنوبي مع الشـــــمال

    بحكمــــــه وحنكه منــــَها العالم انـــــذهل
    وفي عام تسعين ارتفـــــع راســـــنا وطال

    وأول تحدِي واجهــــه يصـــــلح الخــــلل
    لاعوام الاولى كوَنت فــــــترة انتــــقال

    تحمّل حمــــــوله مايشـــــله مئة جـــــمل
    لكي لا يشاهد شعبنا والـــــدماء تســـــال

    وواجه تآمر فجّر الحــــرب واشتـــــــعل
    تآمر دول مــــدّو لها أســـــلحه ومــــــال

    وشعب اليمن ملتف حــــوله وقدحمـــــل
    قوافل يمد الجــيش بالمــــال والرجــــال

    وشفنا التآمــــر ذي حصل باء بالفشــــل
    بترسيخ وحده ثابته ضـــد الانفـــــصال

    مـــــؤيد بنصـــــر الله ماكان مفتــــعل
    نقل شعبنا من حال بائس لخير حـــــال

    وأصدر قرار العفو بالرغم ماحصــــل
    وجنّب بلدنا فتنة القـــــــتل والنـــــكال

    وعادوا يجرونا لمستنقــــــع الـــــوحل
    جزيرة حنيش الحرب هو يعتبر سجال

    فلم ينزلق بل كان له راي من عــــــقل
    رجع حقنا في ظرف عامين بالكــــمال

    ومعها وثيقة حكم دولي وقــــــــع بدل
    عن القتل والتنكيل والحقد والـــــــوبال

    وفي حدنا الشرقي مع السلطنه فصـــــل
    ولا عاد بقا فيها متاعب ولا انشــــــغال

    ووقّعت في جدَه على عـــــهد مكتـــــمل
    مع المملكه سجلت به اعظـــــم المثـــــال

    وعادت سيادة شعبنا وانتــــهى العـــــذل
    ورسَمتها من شحن لا شاطي الطــــــوال

    وفاوضتهم مرفوع راسك ولا نســــــــل
    ومن مركز القوه خمد مشكله عـــــضال

    واسس علاقه بالشـــــراكات والعـــــــمل
    على رأي واحد يجمع الشال والعـــــقال

    وعمرك ولك موقف مساند ولا خــــــذل
    فلسطين صارت تشغلك ايِما انشــــــغال

    وساندت حــــزب الله في كـــــــلما فــعل
    في المعركه ذي خاضها ضد الاحتـــلال

    ولبنان يعرف لم تكن فســــل مســـــتذل
    مع الموقف المخزي من القاده الحــــثال

    وقد كان لك موقف مشرف ومــــرتـــجل
    وعبر الجزيره كان ردك على الســـــؤال

    تنادي على اسرائيل قدنجمـــــكم أفــــــل
    وانـــذرتها تاخذ عصـــــاها للــــــرتحال

    تنبأت بالنصــــــر الذي جــــــد د الأمـــل
    وجيش العدو اصبح على حافة الـــــزوال

    لأنّه كــــيان مخلوط من معظم الـــــــدول
    فلا يحتمل طول المـــعارك ولا النـــــزال

    فيا ايها الشهـــــم الذي حـــل في المـــــقل
    اعدناك حباًًًًً يوم قـــــررت الاعتــــــزال

    فأنته زعيـــــم المـــــــرحله مالنا بــــد ل
    وعاد انت قاد ر تنقل احـــــماله الثـــــقال

    وتوبه لها لاعـــــاد تتـــــــــمايل الـعـــدل
    وهي عنوتك ياحادي العيس والجمــــــال

    وبه حلف ضدك بعض الاحــزاب والكتل
    من النجمه الحمراء والشمس والهلال

    وذا وضع صحي سوف يضرب به المثل
    نشاهد لهم في كل ميــدان كرنفـــــال

    وأما المفاســـــد محدا منــــها عـطل
    واكبر مصيبه يوم نسكت عن العطال

    وليس من العدل العقوبه لمــــن أكل
    لقيمات واخفينا على سارق الشـــوال

    ونشتي رقابه ضد من شل وانتشــل
    لنفسه من املاك الخزينه وبيت مــال

    وأنته مكان الأب والـــــوالد الاجـــل
    وماأعظم الأب الذي ينصف الـــعيال

    وفي ختمها صلوا على خير من عدل
    نبينا محمد عقــــــب الايام والليــــال

    وللطاهرين الآل واصـــــحابه الأول
    ذي ابلو في الاسلام في اكرم الخصال​
     
  14.   مشاركة رقم : 8    ‏2006-09-18
  15. ابونوح

    ابونوح عضو

    التسجيل :
    ‏2006-06-26
    المشاركات:
    19
    الإعجاب :
    0
    صح لسانك وزاد الرجال من أمثالك هذه حقيقه لايمكن أن ننسى كل ماتحقق في عهد رمزنا وقائدنا علي عبدالله صالح حفظه الله مادام هناك من يقول سجل أيه التاريخ من أمثالك دمت لنا سالمآ طول الزمان أبآوشيخآ يابوفؤاد فمهما كثرت الخفافيش لايمكن أن تغطي نور القمر
    ولك خالص تحياتي
     
  16.   مشاركة رقم : 9    ‏2006-09-18
  17. الشرعي 2006

    الشرعي 2006 شاعر شعبي

    التسجيل :
    ‏2006-05-11
    المشاركات:
    6,846
    الإعجاب :
    1
    الاخ ابو فؤاد !!!
    مثلكم لا يحتاج لشهادتي .... ولكن دعني اعبر عن اعجابي اللا متناهي بهذه التحف الفنيه والاسلوب الراقي الذي تتمتعون به ....
    قد اكون مختلفا معك في مضمون القصيده ولكنك تبقى عملاق العرش واليمن في الشعر بلا منازع ....
    لك مني كل التحيه والاكبار ...
    عايش الاقطم \ السعوديه
     
  18.   مشاركة رقم : 10    ‏2006-09-18
  19. صدق المشاعر

    صدق المشاعر عضو متميّز

    التسجيل :
    ‏2005-10-02
    المشاركات:
    1,514
    الإعجاب :
    0
    ياسلاااااااااام عليك يابو فؤاد انت اسم الفخر والمجد

    درر منثوره بكل انواعها الجوهريه وبكل لؤلؤها البراق

    ابدعت يالمجربي وصح لسانك بكل صراحه يعجز القلم

    ان يعبر عن كل ماخط قلمك وتميزت فيه قلمتك الرائعه

    سلمت ولاهنت وشكراً لك كثير على رد سرعتك وتجاوبك

    الطيب وهذا يدل على شهامت الرجال الاجاويد والصناديد

    مثلك وامثالك لك خالص تحيات بنتك واختك صدق المشاعر

    مبارك عليك قدوم شهر رمضان الكريم عاده الله عليك وعلينا

    بكل يمن وستغرار وصحه ننعم بها وتنعم بها الدول الاسلاميه

    والمسلمين وعساك من عواده دوماً وبابداء و دمت بخير وسلامه
     

مشاركة هذه الصفحة