ما هو الفرق بين الديمقراطيه وجمع الطوابع

الكاتب : مااااااااجد   المشاهدات : 449   الردود : 0    ‏2002-06-24
      مشاركة رقم : 1    ‏2002-06-24
  1. مااااااااجد

    مااااااااجد عضو متميّز

    التسجيل :
    ‏2001-07-14
    المشاركات:
    2,023
    الإعجاب :
    1
    ما هو الفرق بين الديمقراطيه وجمع الطوابغ


    مساكم الله بالخير يا اخوان
    والله لكم وحشه

    نبدأ في الموضوع واخش دوغري
    موضوع مهم جدا ودي اتكلم عنه
    مليت من مواضع التريقه والعيارة

    مره كنت نايم على بطني وقاعد اطقطق
    اصابع ابوي وانا مسفهل
    وكل اصبع امغطه يطق الا ذاك الاصبع اللى عقدني
    قلت ما بدهاش واحط يدي في مخباتي واطلع زراديه
    وامسك الاصبع وامغطه الين وصل اذني ويطق
    وانا من الفرحه هجيت ثمي وقعدت اضحك
    ومادريتا الا ابوي رافسني برجله وداخلتن مع ثمي المهم وانا اللى اجلس على حيلي والفظ ظفره
    من ثمي واقول له وش دعوه يا الديمقراطي وين كلامك لنا وين التربية نهض ابي من الارض ووقف على يديه هع هع
    واستجمع قواه وقال هل تعرف يا غوار الفرق بين الديمقراطية وجمع الطوابع
    قلت لا يا شبيه الريح
    قال اجل قم للسطح وقمت ورقيت انا وياه فوق الخزان قال شف يا غوار لو انا دفيتك من فوق الخزان وطحت على خشتك ترا هذي مهيب ديمقراطية ابد ؟ ؟ ونزلنا من فوق الخزان وانا ما فهمت شي ثمن رحنا يم المطبخ وطلع من الدرج حق السكاكين طوابع بريد موزيتها الشغاله
    قال تعرف وش هذي قلت لا بس اعرف ان هذي يحطونها على الرسايل علشان يوسمون بها رسايلهم مثل الوسوم اللى في البعارين اخذ ابوي وحده ولصقها على جبهتي
    وقال لا يالوحي العزيز هذي طوابع يحطونها على الرسايل علشان نستفيد من السعابيل والا ترا مالها أي فايده قمت وضحكت على ابوي هو ويا وجهه
    مسوي فاهم
    تعبت نفسيا وعقليا وديمقراطيا من هذي السالفه ورحت اسأل ولد خالتي عاد ولد خالتي قيس ( اللتغ )
    دارس بأمريكا صح انه دلخ بس فاهم شوي لومايجي منه الا نظارته الكبار اذا حركها بأصبعه
    سألته وقال شف يا غواغ باللنسبة للدمقغاطيه تختص بالعوامل
    الوغاثية الجينية اما الطوابغ تختص بالعوامل المكتسبة طبعا انا احوليت وحامت كبدي من كلامه
    قلت كمل ولا يكثر قال والديمقغاطية تظهغ على الانسان وتيبن على جبهته اما الطوابغ نلصقها على ظغوف الغسايل حامت سبدي مره ثانيه
    وهو يتكلم ويسعبل ====<< فاك مع الطوابع
    قال لي الطوابغ الناس يجمعونها اما الديمقغا طية ما نقدغ نجمعها ولا نتبادل الديمقغاطية
    يعني بالله قد سمعت احد
    يقول من هواياتي جمع الديمقغاطية
    تصدقون عاد ما حامت سبدي واجد لاني بديت اقتنع
    المهم سطرته بكف وقلت الله يخلف على اللى خلاك تروح وتدرس بأمريكا
    وطلعت من عندهم وقعدت افكر في الفرق بين الديمقراطية وجمع الطوابع ولقيت ان الفرق سهل جدا وصار الفرق بينهم ان الديمقراطيه ببلاش اما الطوابع تشتريها وتلصقها على الرسايل وترسلها ويمكن توصل وفي الغالب ما توصل وبكذا تخسر قيمة الطوابع اللى يسميها قيس طوابغ
    الله يخلف على تيس

    وسلامتكم/// منقول
     

مشاركة هذه الصفحة