تعلم كيف تصرف نفسك من المواقف الحرجه

الكاتب : مااااااااجد   المشاهدات : 1,273   الردود : 1    ‏2002-06-18
      مشاركة رقم : 1    ‏2002-06-18
  1. مااااااااجد

    مااااااااجد عضو متميّز

    التسجيل :
    ‏2001-07-14
    المشاركات:
    2,023
    الإعجاب :
    1
    السلام عليكم

    كيف تصرف نفسك من المواقف الحرجه

    الساعه 11 في الليل .... الرجال توه جاي للبيت

    الزوجه: وراك جاي متأخر

    الزوج : ابد كنت في السوق
    الزوجه : لا وفي السوق بعد مافي نومه اليوم الا بالصاله

    الزوج : ايه رحت اشتري لك هديه
    ا
    الزوجه : يلوموني فيك يابعد عمري انت

    ----------------------------------
    الساعه 7 بعد المغرب شتاء (انواع البرد)..الولد توه يجي ياخذ امه من السوق

    الام : جعلك منب قايله توك تجي وانا قايلة لك عند اذان المغرب تجي :xxتنتفض من البرد)

    الولد : رحت اشتري لي شماغ من محل ...

    الام : ولا لقيت تشتري شماغ الا هالين وانا احتريك

    الولد :- ايه وشريت لتس شراريب صوف عشان تدفين

    الام : جعلك بار منتب ضار اي والله رجيلاتي تعبت من البرد

    ---------------------------------------
    موظف بنك جاي للدوام الساعه 9الصبح والمدير مستقعد له

    المدير : الحمدلله على السلامه كان ماجيت

    الموظف : معليش والله بس مريت واحد من الشباب .

    المدير : بالله عليك .. اسف ياخي ..,, مخصوم منك يوم

    الموظف:- ايه ابوه عنده عشرين مليون ..واقنعته يجيبها للبنك .

    المدير: وانا اقول مستحيل انك تتاخر من غير عذر ..ومتى يجي هو وابوه ؟
    ------------------------------
    واحد يطلب واحد فلوس ..والثاني دايم يصرفه .. وفجاءه صاده

    الطالب : وين ياشيخ حرام عليك تعبت وانا اتصل عليك

    المديون: ابد والله كنت مسافر

    الطالب : ياخي بدل ماتسافر رجع للعالم فلوسها ..وبعدين سافر ..مب تسافر على حسابي

    المديون : ابد ياخي كان عندي ارض هناك ورحت بعتها عشان اسدد فلوسك

    الطالب: والله اني قايل ان الفلوس اللي عندك ماتضيع ياخي ..متى تسدد

    ------------------------------
    وكيل وزاره موقع مناقصه مع شركه ... وما علم الوزير

    الوزير : الحين انت ووجهك وش لون ترسي المناقصه على هالشركه وماتقولي

    الوكيل : عرضهم كان الاحسن

    الوزير : ومن متى تعرف ان هذا العرض افضل ..والا طلع لك ريش

    الوكيل : مب القصد طال عمرك .. بس هم بيعطونك فوق العقد مليون وكاش ..

    الوزير: يلوموني يوم حطيتك وكيل وزاره
     
  2.   مشاركة رقم : 2    ‏2002-06-19
  3. لابيرنث

    لابيرنث مشرف سابق

    التسجيل :
    ‏2002-05-11
    المشاركات:
    7,267
    الإعجاب :
    0
    ههههههههههههه..

    لا حلوة ...

    تسلم على هذه النصائح ...

    تصدق اني ناوي اطبقها ... خاصة مع فلان وفلان وفلان ... والله لا وراك ...

    بس قول لي .... ايش راح اقول لو اكتشفوا اني ( .... وكذاب ) ؟؟
     

مشاركة هذه الصفحة