لاتتورطوا مثل سعيدااااااااااااااان

الكاتب : مااااااااجد   المشاهدات : 418   الردود : 1    ‏2002-05-30
      مشاركة رقم : 1    ‏2002-05-30
  1. مااااااااجد

    مااااااااجد عضو متميّز

    التسجيل :
    ‏2001-07-14
    المشاركات:
    2,023
    الإعجاب :
    1
    لاتتورطوا مثل دااااااااااود

    كنت نايم.. وبعالم الأحلام هايم..
    مدري وش كنت حلمان فيه..
    مره احس اني اسوق سياره..
    ومره اقول كنت مضيف بطياره..
    كان الجو بارد..
    ومنه انه متغطي وشارد..
    دق التلفون..
    وقلت ياترى من يكون؟؟
    هذا المزعج هل هو صديق ولا واحد مزيون..
    هل هو عاقل ولا مجنون؟؟
    رديت عليه وانا كلي شك وظنون!!
    وبرقه بعد ماني عصبي انا انسان حنون..

    سمعت صوت ماتوقعته..
    ولا في خيالي تخيلته..
    ولا حتى بحلمي سمعته..

    بنت..

    قلت هلا
    وقالت اهلين..
    نوف موجوده؟؟

    قلت وأنا صوتي رايح فيها..
    لحظه شوي أناديها..
    وقعدت أصوت واقول يامن نوف يلاقيها..
    ورديت للسماعه وقلت مدري وين راحت الله يعافيها..

    بس دقيقة ماعندنا نوف!!
    وبادر البنت خوف!!
    قالت آسفه غلطانه..
    قلت ولا يهمك عادي لا تكونين زعلانه؟؟
    مايهم اذا ماعندنا بالاسم فلانه..

    وقالت شكلك كنت نايم..
    قلت لا.. توني قايم..
    قالت غريبه ماتدرس ولا تشتغل؟؟

    قلت من الشغل أنا مرتاح
    وكرسي الدراسه خلاص باح..
    شكلك تدرسين؟؟
    كيف اختباراتك ؟؟ عسى بس مرتاحين..
    قالت باقي لنا ونخلص يومين
    وخايفه والله من مادتين..
    قلت من الاختبارات لآ تخافين..
    دامك الليل تذاكرين..
    وعلى الله تعتمدين..
    واللي يزرع جح ما يحصد يقطين..
    أهم شي انك ماتنسين..
    قبل الاختبار ربي تدعين..
    ومن إبليس تتعوذين..
    خلقه من نار وخلقنا من طين..

    ورحنا نسولف في أمور..
    من وش اسمك الين غلاء المهور..
    قالت اسمي (ود) وقلت لها محاكيك داوود..
    وقالت صدفه غريبه اسامينا فيها دال..
    تصدق كان ودي يسموني نوال!!
    وقلت انا يدلعوني وينادوني (جمال)..
    ورحنا نسولف في بحور الشعر والموال..
    ومهمنا حكي الناس والعذال..
    وتذكرت سالفة عن واحد اسمه هذال..
    كيف بحب حبيبتة جاه هبال..
    وفجاءة خلصت السوالف ولا لقينا اللي ينقال؟؟
    وسكتنا..
    وبدلع..قالت أنت تشجع الهلال؟؟
    قلت في قلبي.. مدري أجاوبك بنعال..
    بالله يا ناس هذا سؤال؟؟

    قلت أنا نصراوي.. وما يهمني القيل والقال..
    هذا اصفر هذا حبه طاح في القلب ولا ينشال..
    هذا ماجد وهذا فهد ومحيسن والشمس مايغطيها مشخال..

    قالت وش هالذوق الأصفر..
    ليه ماتشجع بو البطولات العشر..
    ليه ما تحب سامي ونواف شجع بطل الدوري لك الفخر

    قلت يا بنت ما يعلى على النصر..
    فن ولعب ويفوز باللي حضر..
    ورئيسه له كلمة وامر..
    يابنت..لا تغريني بالكثير..
    لو تضربين مليون بصفر تساوي صفر..

    ولعنا.. وشبينا.. بس يا مسرع ماطفينا..
    الظاهر بعضنا هوينا..
    وبدرب الحب ابتدينا..

    قالت.. داوود..
    قلت سمي يا ود..
    قالت اوصف لي شكلك..

    اوووووه توهقنا..
    شوفي العرب لونهم واحد
    ولسانهم واحد.. واحلف بربي ولا غيره أحد
    أني لاني طويل ولاني بمررره قصير..
    شعري ناعم زي الحرير..

    قالت والعيون..
    قلت العيون بين الحسا وسلوى..
    وانا اتمغط تثوابت وقالت اسد..
    قلت شكرا يا احلى لبوه..

    المهم ان تواعدنا..
    والموعد بكره في الجوهره قررنا..
    بين خوف وامل تواعدنا..

    وقضيت ليلتي في حيرة..
    وش البس؟؟ جنز ولا ثوب والله حيرة..
    مافي غيرها يفك الحيرة.. من الفوازية راس تعميرة..

    رفيق تعال اخلط لي باعشن وسندي..
    ودفيته بخمسة اريل واستانس "راندي"..
    وراح يطامر و دقايق والتعميره عندي..
    وروقت.. وناديت يا راندي..
    بكره الموعد والحظ جا لعندي..
    بشوف ود المزيون وشم عطرها الندي..
    تبسم وهز راسه.. استانس الهندي..
    وقام يون ويقول القصيدي..
    ارباب..
    انا يهب انتي..
    لازم يعلم انتي..
    مافي كلب في صدر انا.. كلبي ودي بيت مال انتي..
    ايش يسوي في كلب ساكن سوا سوا دار مال انتي

    أرباب.. الهواء يجي جلدي جلدي..
    بس واجد يحرق قلبي..
    وطاحت دمعه على خد راندي..
    معذور هذا الهوا عذب بابا وماما مال انتي..

    وعودت لبيتي وانا حاط على راسي يدي..
    اعاتب امسي وابتسم لغدي..

    وبصعوبة نمت.. قعدت اتقلب وون..
    يا قلبي قلي وش اللي من الحب اهون؟؟

    غريبه هالدنيا غريبة..
    كن اللي راح بيت شِعر اعدل فيه القوافي والوزن..
    الحظ جابه.. وماكل ارض عطشى ترويها المزن..

    وراحت ليلتي.. وزادت بلوتي..
    اليوم موعدي.. انا والحب بنلتقي..

    وكشخت مثل أي سعودي..
    لبست فوق راسي غترتي..
    في مكان اللقاء تغيرت حتى خطوتي..
    صرت ارتجف واترنح بمشيتي..
    كني انساق للموت وذي نهايتي..

    ماهي سواليف شجاعة.. ذي اكبر بطولاتي..
    ان خسرت بتضيع احلى امنياتي..
    جلست ادور والف وحول المكان اطوف..
    وين ذيك العين اللي عليها قلبي ملهوف..
    ود؟؟ ياليت الناس تجي وتشوف..

    وفجاءة..

    جاني مسج..
    يقول..
    سويتها فيك يا حروف..
    رد بيتكم وخل عنك الحب وسوالف الرسايل والظروف..
    رح نام على فراشك..
    وان انتابتك الظن والشك..

    يا الأهبل انا مسويها فيك..




    وسلامتكم
     
  2.   مشاركة رقم : 2    ‏2002-05-30
  3. الرعوي

    الرعوي عضو

    التسجيل :
    ‏2001-10-01
    المشاركات:
    117
    الإعجاب :
    0
    يا سلام ذكرتنا ايام زمان

    ايام القحطاني وعيسى الحساوي

    وزوجة رجل تاجر مع زوجة فقير
     

مشاركة هذه الصفحة