العقيلي ونبيل الخالدي جديد

الكاتب : سرو حمير   المشاهدات : 650   الردود : 0    ‏2006-05-24
      مشاركة رقم : 1    ‏2006-05-24
  1. سرو حمير

    سرو حمير شاعر شعبي

    التسجيل :
    ‏2004-09-07
    المشاركات:
    872
    الإعجاب :
    0
    قصيدة شعبية مرسلة من الشاعر محمد العقيلي للشاعر نبيل الخالدي​






    [POEM="font="Simplified Arabic,4,darkred,bold,normal" bkcolor="transparent" bkimage="./images/backgrounds/33.gif" border="none,4,gray" type=0 line=0 align=center use=ex num="0,black""]
    قال العقيلي محمد كافرة=بنت العرب ترتمي في كل بار
    ساعة مع بوش تمسي ساهرة=واحيان تلعب بلولاد الصغار
    لابلها فاجره متآمره=تضحك وهي لاهلها تنوي الدمار
    سعاد أكبر خبيثه ماكره=وخبثها للعرب واضح جهار
    كم باتضلي بلعداء زاقره=والزوج خادم يمينه واليسار
    قم يا رسولي طريقك سابرة=مأواك للجاه ذي فيها النمار
    ومقصدي بن حسين آحاوره=واتخبره حول ما يحدث وصار
    واقول كلمة صريحة ظاهرة=لا بد ما اقولها له بختصار
    قالوا معانا خلل بالقاطرة=لازم ندور على قطع الغيار
    لأنها من فصيلفة نادرة=لاأسم فيها ولا رمز العيار
    ذا فصل فيه الحروف النادرة=وفصل ثاني قوانينه جسار
    بي خوف تصبح عدن تي القاهرة=والفسق باينتشر فيها انتشار
    لأن معنا شلل متآمرة=ناوين عالبنت من خلف الستار
    لا ما الحكومة قوية قادرة=باتحمي الدار واتبني جدار
    والقدس كم باتضلي ناظره=لما متى الصبر يا اصحاب القرار
    هل تتركوا للشعوب الثائرة=فرصة لتحقيق لو بعض انتصار
    لَن الحمولة ثقيلة جايرة=والطفل كم بايراجم بالحجار
    والمقتصب بالبلاد الطاهره=قد دنّس القدس ووطاها مِرار
    وين العرب والجيوش الكاسرة=ما ينقذو شعبهم من ذا الحصار
    وين اختفوا اهل العيون الساهرة=ذي يدّعوا دائماً في الأنتصار
    ياويلهم من عذاب الآخرة=في يوم مافيه ملجا أو فرار
    ولا هنا قبل نرمي العاثره=باخيّر الخالدي له ما استخار
    لو كان يشتي أموره سابرة=يسير سعفي وانا له مستشار
    وان قال كلا تشله ساحرة=من شاور ابليس بايذهب ودار
    تميت قولي بصورة باهرة=من يطلب اللول بيغوص البحار
    والعفو من زايده أو قاصره=والجيد من يفتح ابواب الحوار
    وختمها ما الشموس الباكره=بزّت وما يعقب الليل النهار
    على محمد شفيع الآخره=في يوم معلوم به جنه ونار


    جواب نبيل حسين الخالدي على العقيلي​





    [POEM="font="Simplified Arabic,4,darkred,bold,normal" bkcolor="transparent" bkimage="./images/backgrounds/33.gif" border="none,4,gray" type=0 line=0 align=center use=ex num="0,black""]الخالدي قال عيني ساهره=أمسيت ساهر ونوم العين فار
    غبني على مصر وارض القاهرة=وَدَار قلبي من الباطل وَدَار
    والمشكلة بالخبيث الماكرة=سعاد مال العروبة والضُمار
    طاهر يقولوا وماهي طاهرة=من بعدها يكسبوا خزوه وعار
    تستقبل الباخره والطايره=أعطَت عداها المواني والمطار
    لا هي بمسلم ولا هي كافره=تمشي مع من ضحك معها وسار
    والآن حيا الحروف الباهرة=حيا بها لا حِلالي والديار
    ما هزة ارياح غبرا عاصرة=وامسة مكاريبها تولع شرار
    مقدارها للضيوف الزايره=وكل من يوفد المطرح وزار
    رع من طلبني خبر باخابره=علوم واخبار من حيث استخار
    ذي قال لي ان الخلل بالقاطره=شف عيبها عند سوّاق القطار
    قد خلي اسلاكها متنافرة=ولفّ عنها في الحيلة ودار
    حتى ولو شي قطعها حاضرة=تمسي على ماركتها والعيار
    والصبح تطلع قطع متغايره=بيخربوها المسائيل الكبار
    أما عدن بو الغصون الزاهره=خوفي عليها حذاري بالحذار
    مادام فيها شُلل متآمرة=من دون مبدأ ولا فيهم وِقار
    ما بانسلّم لشُلة داهرة=وانخير القاده اصحاب القرار
    على الوبا يصفروا في صافرة=والشعب يضغط يده فوق الزرار
    واقدس قدساه نفسي صابره=والصبر لا قال تاليه انفجار
    كم بايضلو العرب بالحافره=للآن ماحد أخذ مكسب ومار
    وشعوبنا كلها متحاصره=كُلاً من الغرب عيشه والسبار
    أمريكه الناهيه والآمره=شَلة أراضي وكم شَلة بحار
    دولة حقوده ودولة جايره=مستعمرة مالها صاحب وجار
    دايم وهي بالعروبة ساخرة=دخّلتنا كُلنا حجر الحمار
    عاطر بتظهر وماهي عاطره=ماشايجي خير من وجه الدبار
    تحتاج طعن السيوف الباتره=ومن يجاهد يخذ قطعة وكار
    ما القاده امسوا قيادة فاتره=قادة تربوا على لعب القمار
    حد حب غربي وحد بيصاهره=وآخر يفلت حزامه والأزار
    والصلح ماحد يصالح فاجره=ماظَن لي يصطلح قطه وفار
    قد ربما باتدور الدايره=وينهزم ذي لسانه مية وار
    ياابن العقيلي بشارة سارّه=ويش اكلفك باتخيرني خيار
    لا بك إصابة ولا بي شاتره=كُلاً يلازم حدوده والوقار
    وان ماترى الحق فالبس باصره=والحقّ واضح من اطراف الشفار
    قد موقفي ذاك صعدة جاسرة=والله مااخاف من صعدة مُضار
    شرحت لك والخواطر عابرة=رع من يبا النصر بيقاوم وثار
    والطعن له قلب يابو هاجره=ماهو بكُثر المحاكي والهُدار
    حتى ولا الأرض صحرا غابرة=ماشي حَنَب من سماها والغُبار
    قد باتجينا السحاب الماطره=واتبتني بعدما كانت دمار
    واختمتها بالصلاة الطاهرة=عالهاشمي نور عيني والمنار
    مااسيولها والمكارع عابره=واسقا البلاد كلها بارد وحار





    مع تمنياتي لكم بقضاء أطيب الأوقات

    وترقبوا الجديد

    مع تحيات أخيكم / سرو حمير​
     

مشاركة هذه الصفحة