احلم , بس من غير ما تنام !!

الكاتب : المنسـي   المشاهدات : 733   الردود : 10    ‏2006-05-16
      مشاركة رقم : 1    ‏2006-05-16
  1. المنسـي

    المنسـي قلم ماسي

    التسجيل :
    ‏2004-03-14
    المشاركات:
    49,862
    الإعجاب :
    4







    ( على أد لحافك مد رجليك! )

    ( اللي يبص لفوق يتعب !) [​IMG]

    (احلم على قدك !)



    دايما نسمع الأمثال دي في حياتنا .. لكن حد مننا فكر فيها قبل كده ؟؟

    هل كل حاجه بنسمعها تبقى صح ؟؟ هل كل حاجه اتعودنا على سماعها , لازم نصدقها ؟

    طيب .. عايزين نتكلم في الموضوع ده شوية و ندردش مع بعض...



    إستراتيجية تحقيق الأهداف



    عشان تحقق هدفك لازم يكون ليك حلم.. لازم الحلم ده بيكون هو الوقود اللي بيحركك و بيديك الدوافع انك ماتيأسش..



    ايه مواصفات الحلم ده ؟

    القاعدة المهمة هنا هي :

    ماتحطش سقف لأحلامك !!

    احلم براحتك... خليك طموح.. خليك متطلع.. لو حلمك صغير هاتفضل صغير.. لو حلمك كبير و مؤمن بيه ..يبقى لازم هاتحققه و تكون كبير...

    - كان فيه شاب معوق اسمه خالد حسان ..فقد ساقه اليسرى في حادث سيارة في العاشرة من عمره... الشاب ده كان حلمه إنه يعدي المانش..!!!

    تخيل ؟؟ شايف الحلم ده ؟؟

    سباحين عالميين حاولوا يعملوها عشان عبور المانش مش سهل.. التيارات البحرية و درجة الحرارة و المسافة المرهقة اللي كانت عقبة أمام أي سباح محترف... لكن خالد كان مؤمن بحلمه.. كان عارف إنه ممكن يعملها .. أكيد سمع ناس بتقول له : انت بتحلم.. أكيد ناس قالوا له : أكيد مش هاتنجح.. أكيد فيه ناس حاولوا يقنعوه بسخافة حلمه و إنه استحالة يقدر يحققه بسبب إعاقته...لأن مفيش معوق قدر يعدي المانش على مدى التاريخ ....

    أقول لكم حاجة؟ خالد حسان هو أول معوق في العالم استطاع يعبر المانش سنه 1982 و حقق حلمه و حلم مصر اللي بنفخر بيه حتى الآن... إيه رأيك ؟



    - أحكي لكم قصة تانية ؟ كان فيه ولد في مدرسة دسوق الإعدادية إسمه أحمد حسن.. كان مؤمن بحلم.. هو إنه يكون عالم كبير و يحقق اكتشافات علمية تسجل عالميا باسمه !!

    شايف الحلم ده كبير ازاي ؟ الولد ده فضل مؤمن بحلمه و مايئسش من الظروف ....

    استطاع (أحمد حسن زويل ) يحصل على جائزة نوبل في الفيزياء و يكون واحد من أعظم العلماء في التاريخ...

    - توماس إديسون كان بيحلم انه يخترع حاجه تنور بالكهرباء من غير وقود.. و عمل 999 تجربة فاشلة لحد ما الناس سخروا منه و من حلمه .. دلوقتي اللمبة في كل بيت..

    - بيل جيتس كان حلمه ان الكمبيوتر يكون في كل بيت.. الناس سخروا منه و من حلمه .. دلوقتي بقى فيه حاجه اسمها الكمبيوتر الشخصي زي اللي باكتب لكم عليه الموضوع ده .. شكرا على حلمك يا بيل جيتس !!

    - هي إيه الحكاية ؟؟ عايز تقول إيه ؟

    الحكاية يا سيدي كالتالي :



    الحكاية إن الباحثين درسوا سلوك الناجحين في جميع المجالات .. اكتشفوا إن كل واحد فيهم كان له حلم إيجابي كبير و كان مؤمن بيه جدا لدرجة إنه مالتفتش لكلام الناس إللي حاولوا يحبطوه...

    الحلم ده لازم يكون إيجابي و هدفه نبيل.. رسالة بيحملها الشخص ده و بيحاول يحققها...

    ( لو استطاع أي شخص أن يحقق شيء ما.. ففي إمكانك أن تحققه!)... كلمة لريتشارد باندلر.

    يبقى إياك تحط سقف لحلمك .. إياك تيأس .. خلي إيمانك بحلمك الإيجابي هو القوة اللي بتخليك تتخطى أي عقبة..

    خلي إيمانك بحلمك قوي لدرجة إنك تقف و تتخطى أي صدمة.. لأنك مؤمن تماما إنك هاتوصل لهدفك في النهاية...

    ( كل الناس لديهم من الخبرات التي تؤهلهم لتحقيق تغيير إيجابي في حياتهم )... كلمة لريتشارد باندلر.

    الأمثال القديمة اللي قلناها في أول العامود إياك تعمل بيها .. لو كانت تنفع زمان يبقى أكيد ماتنفعش في العصر اللي احنا فيه ده .. كل شيء ممكن طالما عندك هدف نبيل و حلم عايز تحققه..

    خلي الأمثال للي فوق كالتالي :



    ( على أد لحافك مد رجليك! )

    حوله إلى :

    ( جيب لحاف على أد رجليك !!)



    و المثل الخاطئ اللي بيقول :



    ( اللي يبص لفوق يتعب !)

    حوله إلى :

    ( إللي يبص لفوق , هايوصل فوق !!)



    و الجملة اللي بتقول :



    (احلم على قدك !)

    خليها :

    ( ماتحطش سقف لأحلامك !!)



    الحلم الكبير هو اللي بيصنع نجاحك.. احلم براحتك و تخطى كل الظروف و لازم تؤمن انك هاتحقق حلمك ده.. لو حلم إيجابي و يمكن تحقيقه , يبقى أكيد أكيد هاتعرف تحققه .. مفيهاش كلام...

    بتحلم بإيه دلوقتي ؟؟؟

    إذن , إبدأ حالا على تحقيقه !


    د.شريف عرفة
    5/2/2006
     
  2.   مشاركة رقم : 2    ‏2006-05-16
  3. مجهول الهوية

    مجهول الهوية عضو متميّز

    التسجيل :
    ‏2004-10-08
    المشاركات:
    2,453
    الإعجاب :
    0
    السلام عليكم ورحمة الله

    شكرا اخي المنسي (جعلك الله من المذكورين عنده) .

    اتفق معك فيما طرحته , ولاكن اقول ليس عيب ان تحلم في النجوم ولاكن لا تنسى ان قدميك على الارض.


    لك كل الود
     
  4.   مشاركة رقم : 3    ‏2006-05-16
  5. لقف

    لقف عضو

    التسجيل :
    ‏2005-06-21
    المشاركات:
    147
    الإعجاب :
    0
    منسي

    انا شلت السقف و بدأت احلم

    [​IMG]

    بس خايف تتعارض احلامي مع احلامك

    ايه رايك
     
  6.   مشاركة رقم : 4    ‏2006-05-16
  7. لقف

    لقف عضو

    التسجيل :
    ‏2005-06-21
    المشاركات:
    147
    الإعجاب :
    0
    منسي

    حاسس اني بردان

    ممكن ارجع السقف؟
     
  8.   مشاركة رقم : 5    ‏2006-05-16
  9. ( زينهم )

    ( زينهم ) عضو متميّز

    التسجيل :
    ‏2006-02-02
    المشاركات:
    1,514
    الإعجاب :
    0
    منسي
    من لايحلم باليقضه ولايحلم بالمنام ليس من الاحياء
    انت خبير عن المحتلمين احلم ونحن نحلم معك
     
  10.   مشاركة رقم : 6    ‏2006-05-16
  11. Sniper Elites

    Sniper Elites عضو متميّز

    التسجيل :
    ‏2004-08-17
    المشاركات:
    1,119
    الإعجاب :
    0

    ياعيباه !!

    غيرها
     
  12.   مشاركة رقم : 7    ‏2006-05-17
  13. عبوشي

    عبوشي قلم فضي

    التسجيل :
    ‏2006-02-28
    المشاركات:
    4,162
    الإعجاب :
    0
    [​IMG]

    الله ماحلي صورتك يا منسي

    خخخخخخخخخخخخخخخخخخ
     
  14.   مشاركة رقم : 8    ‏2006-05-18
  15. اليمني الجريح

    اليمني الجريح قلم ماسي

    التسجيل :
    ‏2005-02-26
    المشاركات:
    16,214
    الإعجاب :
    0
    تـــــــــيــــــــــب



































    وبعدين
    ؟؟؟؟؟؟؟؟؟؟؟


    [​IMG]
     
  16.   مشاركة رقم : 9    ‏2006-05-18
  17. اليمني الجريح

    اليمني الجريح قلم ماسي

    التسجيل :
    ‏2005-02-26
    المشاركات:
    16,214
    الإعجاب :
    0
    على فكرة يامنسي
    ليش ماتقراء ردودي على اسئلتك
    وإلا ماعندك قاموس




    [​IMG]
     
  18.   مشاركة رقم : 10    ‏2006-05-18
  19. الصابر

    الصابر عضو متميّز

    التسجيل :
    ‏2002-10-07
    المشاركات:
    1,350
    الإعجاب :
    0
    كل الناس بتحلم بس فيه فرق بين حلم وكابوس
     

مشاركة هذه الصفحة