احذر تغرك غواني بايره

الكاتب : رايح يوصل   المشاهدات : 648   الردود : 4    ‏2006-05-08
      مشاركة رقم : 1    ‏2006-05-08
  1. رايح يوصل

    رايح يوصل عضو

    التسجيل :
    ‏2004-10-09
    المشاركات:
    37
    الإعجاب :
    0
    الحقيقه هذه القصيده كتبتها في خالي صالح البني
    واللي هو عزيز عليا واللي انا احترمه الى حد الخوف بعض الا حيان
    بس الظاهر في ذا القصيده ما عاد فيه خوف
    ولعلمكم انا كتبتها لما سمعت انه مسافر القاهره
    وهو تاجر دواجن
    اقروها واحكمو بأنفسكم
    [POEM="font="Simplified Arabic,5,black,normal,normal" bkcolor="coral" bkimage="./images/backgrounds/24.gif" border="double,5,sienna" type=0 line=1 align=center use=ex num="0,black""]مفاجئه ياخال عندي باهره=بيني وبينك حاجز الصمت إنكسر
    اخبار كانت علينا جايره=ساعة سمعنا نوايا للسفر
    ما ادري مرض والا دجاجك بايره=اوسوقكم فيه المناكد والكدر
    ياخال سوق المال يعرف تاجره=ماهو غشيم يفتح لمن جاه إتجر
    وبعض التجارات تبقى عاثره=لا ما ترَوَد صاحب المال اوصبر
    وتجارتك ياخال ماهي زاهره=مادام هولندى تعامل والمجر
    موضوعنا ياخال خط الطايره=ماادري دبي والا عمان والا قطر
    سألت نفسي وين قالت حايره=افهم سؤالك بس ماعندي خبر
    وقلت قولي وين ياذا الفاجره=وين اتجه قالت بيانه ماصدر
    وانا دريت انه صريع القاهره=وايقنت ان الشيب عنده في خطر
    رجع شبابه واول بادره=رجع يدور للمسارح والسهر
    ياخال والدنيا علينا جايره=ندور القرش لكن ماوَفَر
    وانت الملا هي بالبلاد العاهره=تصرف عليها ومن يهدر هدر
    احذر تغرك غواني بايره=مآعلمك بس من باب الحذر
    مسك الكلام ياخال ليش القاهره=والا اليمن على علاجك ماقدر
    واحنا مشافينا مشافي فاخره=بالعاصمه صنعاء وتحديداً عصر
    والجامعه فيها مجمع بكادره=ينافس العالم ويتحدى مصِر
    ياخال قد ضاعت عليا الذاكره=انسى بكيفي ومن يذكر ذكر
    ما عاد من يغلط تجي وتناخره=اليوم غير الامس واصغرنا كُبِر
    خالي وخايف بس اكسر خاطره=والا بيوت الشعر عندي كالمطر
    وانت اعتبر هذي سحابه عابره=ولا يزين الصيف الا بالمطر
    لك احترامي في قصيده جابره=وخاطري مكسور منك ما انجبَر
    مكسور لكني انا اللي كاسره=طبع الخواطر بالتباعد تنكسر
    ولعلمك الدنيا علينا دايره=ماهو علينا الا على كل البشر
    والخال يبقى دائماً بمفاخره=مهما غبار الارض بالحو انتشر

    انشاء الله تعجبكم
     
  2.   مشاركة رقم : 2    ‏2006-05-08
  3. العمَّاري

    العمَّاري ناقد وشاعر شعبي

    التسجيل :
    ‏2006-03-16
    المشاركات:
    1,487
    الإعجاب :
    0
    أخي العزيز قصيدة جميلة ومرحة جدا جدا صح الله لسانك واستمر لك مسقبل باهر أن شا الله ونوّع مواضيعك والقصائد الفكاهية المرحة هي الأقدر على أضحاكنا وتوجيهنا في نفس الوقت تقبل خالص التحية والى الأمام سروفقك الله
     
  4.   مشاركة رقم : 3    ‏2006-05-08
  5. ريدان الأشول

    ريدان الأشول شاعر شعبي

    التسجيل :
    ‏2005-07-21
    المشاركات:
    5,552
    الإعجاب :
    0
    وصلت
    ياهلا ومرحبا
    وكلام جميل مفيد مسلي
    سلمت وإلا الأمام
    أخوك أبو اسامه
    طه الأشول
     
  6.   مشاركة رقم : 4    ‏2006-05-08
  7. al-zubeeri

    al-zubeeri عضو نشيط

    التسجيل :
    ‏2006-01-13
    المشاركات:
    332
    الإعجاب :
    0

    الغريب في ما أنزلت إن هذا القول المفروض ما تنزله
    كوني أرى إنك عاتبت خالك بشي ما كان مفروض ظهوره
    والحقيقة كان من المفروض إن خالك بيننا عضوا من أجل نرى رده
    عموما الكلام جميل وفكاهي ولكن ؟؟؟؟؟
    al-zubeeri
     
  8.   مشاركة رقم : 5    ‏2006-05-08
  9. رايح يوصل

    رايح يوصل عضو

    التسجيل :
    ‏2004-10-09
    المشاركات:
    37
    الإعجاب :
    0
    عموماٍ انا اشكر الاخ العماري والشاعر ريدان الا شول على مشاعرهم وابداء اعجابهم بالقصيده كما اشكر الزبيري واوعده بأنه سيرى رد خالي قريبا ان شاء الله فهو شاعر كبير وذو مكانه
    واوعدكم بالمزيد اهم مافي الامر بالنسبه لي تشجيعكم
     

مشاركة هذه الصفحة