تتجوزيني ؟؟؟؟؟؟؟؟؟

الكاتب : The Brother   المشاهدات : 777   الردود : 13    ‏2006-05-07
      مشاركة رقم : 1    ‏2006-05-07
  1. The Brother

    The Brother قلم ذهبي

    التسجيل :
    ‏2004-04-18
    المشاركات:
    7,381
    الإعجاب :
    0
    تتجوزيني ؟
    ـ أفندم ؟
    ـ بقولك تتجوزيني ؟
    ـ !!!!!


    ـ تتجوزيني ؟
    ـ لا !
    ـ ليه ؟
    ـ بصراحة كدة شكلك مش عاجبني .. :D
    ـ إزاي يعني ؟
    ـ يعني .. أصل أنا ليا مواصفات معينة لفارس أحلامي .
    ـ مواصفات معينة ؟ .. هو انتي هتتجوزي عربية ؟:eek:
    ـ لا ! .. بصراحة كدة .. إنت مش فارس أحلامي اللي باتمناه !


    ـ تتجوزيني ؟
    ـ إيه ده ؟ شكلك اتغير !:D
    ـ إيه رأيك ؟
    ـ واو .. شعرك بقة ناعم ! .. دي باروكة ؟
    ـ أيوة !
    ـ ودي عدسات خضراء ؟:p
    ـ أيوة !
    ـ واو ! .. بس بجد .. بقيت وسيم ! .. واو ! ده انت بقيت شبه نيكولاس كيج !
    ـ مين عباس كيج ده ؟
    ـ عباس ؟!! ياي ! .. إيه عباس دي ؟ اسمه نيكولاس ..
    ـ مين نيكولاس ده ؟
    ـ بقة مالكشي في السيما وجاي تكلمني ؟ .. ياي !


    ـ تتجوزيني ؟
    ـ انت لسة ليك عين تكلمني ؟
    ـ أيوة .. أنا عرفت مين بنكرياس كيج ده !
    ـ أولاً : اسمه نيكولاس كيج ..
    ـ أيوة أيوة .. كنت هاقول اسمه صح .. بس اختصرته .. ده ممثل !
    ـ ممثل إيه ؟
    ـ ممثل أمريكاوي !
    ـ أمريكاوي ؟! .. إخّييي ! .. اسمه أميريكان يا بابا ! .. ما تبقاش
    دونكي !
    ـ دونكي دي تبقى شتيمة ؟
    ـ أف كورس !


    ـ تتجوزيني ؟
    ـ عندك عربية موديل كام ؟
    ـ موديل دي تبقى شتيمة ؟
    ـ تتجوزيني ؟
    ـ قوللي الأول .. حاطط أنهي نغمة في الموبايل بتاعك ؟
    ـ نغمة دي تبقى شتيمة ؟


    ـ تتجوزيني ؟
    ـ ما قلتليش .. إنت بتشتغل إيه ؟
    ـ أنا -بلا فخر- عاطل !
    ـ عاطل ؟ .. ياي ! ..
    ـ مش أحسن من اللي ما بيشتغلش ؟
    ـ لا !
    ـ يعني مش هتتجوزيني ؟
    ـ لا !
    ـ كدة أنا أزعل !
    ـ ما تزعلش يا بابا ! .. خليك فريش !
    ـ ماشي .. ماشي .. بس قوليلي ..
    ـ إيه ؟
    ـ فريش دي تبقى شتيمة ؟


    ـ تتجوزيني ؟
    ـ لقيت شغل ؟
    ـ أيوة طبعًا .. سنتين وأنا بادور .. أخيرًا لقيت ..
    ـ وإيه هو ؟
    ـ سواق تاكسي .
    ـ ياي ! .. مش مكسوف وانت بتقولها ؟
    ـ فيها إيه ؟ العمل شرف .. وكلها كام سنة وأجمع مبلغ كويس ..
    ـ شرف ؟ جتك القرف !


    ـ تتجوزيني ؟
    ـ جمعت مبلغ كويس ؟
    ـ طبعًا .. مبلغ كبير جدًا ..
    ـ قد إيه يعني ؟
    ـ ألف جنيه !
    ـ نعم ؟!!! .. ألف جنيه دول تروح تسرح بيهم ببطاطا ..
    ـ يعني موافقة ؟!
    ـ روح اتنيل .

    ـ تتجوزيني ؟
    ـ عندك شقة ؟
    ـ طبعًا ! .. أودة على السطوح ..
    ـ نعم ؟!! ..
    ـ إيه المشكلة ؟! .. أحسن ما ننام في الشارع !
    ـ في الشارع ؟! .. إيه الألفاظ السوقية دي ؟! ياي ! .. لازم يا بابا تجيب شقة .
    ـ طيب .. كلها كام سنة وأجيبلك أحسن شقة في الدنيا .
    ـ وهتجيبها في جاردن سيتي ولا في الزمالك ؟
    ـ لا .. في الأهلي .. هيهع هيهع هيهع !



    ( بعد سنوات) :
    ـ تتجوزيني ؟
    ـ جبت الشقة ؟
    ـ أيوة ! .. الحكومة بتبني شقق للشباب وأنا خدت شقة .. صحيح إنها اتأخرت
    لسبع
    سنوات .. لكن المهم إنها جات .. !
    ـ ـ فانتاستيك !
    ـ بس الشقة ناقصة حاجة .
    ـ إيه هي ؟
    ـ مفيهاش حمام !
    ـ امشي من قدامي ! .. مش طايقاك !



    ـ تتجوزيني ؟
    ـ إنت تاني ؟
    ـ جبتلك حمّام إنما إيه !
    ـ خليه ينفعك !
    ـ ليه بس ؟ .. ده ينفع لينا احنا الاتنين !
    ـ وأنا مالي ؟
    ـ مش عاجبك .. مش مشكلة .. أكتبه باسمك !



    (بعد سنين) ..
    ـ هتتجوزيني ولا أولع فيكي ؟
    ـ ومالك محروق كدة ؟
    ـ حكايتنا طولت قوي .. طولت أكتر من اللازم !
    ـ أوكي .. بس ممكن أعرف حاجة ؟
    ـ إيه ؟
    ـ إنت ليه متمسك بيا أوي كدة ؟
    ـ أصل .. أصل ..
    ـ أصل إيه ؟
    ـ أصل أنا بحُبك (بضم الحاء) !
    ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) ! .. بعدين
    خليك
    روش وقول
    I love you !
    ـ ماشي .. بس قوليلي ..
    ـ نعم ؟
    ـ روش دي تبقى شتيمة ؟



    - تتجوزيني ؟
    ـ بصراحة .. في حاجة كنت عاوزة أقولهالك من زمااااااان .
    ـ إيه ؟
    ـ أنا بصراحة .. مش شايفة إن في حد في العالم يستاهلني !
    ـ يا سلام ! .. ليه ؟
    ـ عشان أنا جميلة .. خفيفة الدم .. رشيقة .. رقيقة ..:p
    ـ رقيقة ؟! .. ده انت بدأتي تقشفي !
    ـ فشر !
    ـ فوقي لنفسك .. العمر بيجري ..
    ـ أنا مصرة على رأيي !
    ـ يعني إيه ؟
    ـ يعني اقطع معايا !
    ـ بعد كل السنين دي ؟! .. بعد كل الحب ده ؟!!
    ـ بلاش تراجيديا من فضلك !
    ـ ماشي .. بس قبل ما أمشي عاوز أسألك سؤال واحد بس ..
    ـ إيه هو ؟
    ـ تراجيديا دي تبقى شتيمة ؟



    ( بعد سنين) ..
    ـ تتجوشيني ؟:D
    ـ إيه ؟
    ـ تتجوشييينييييييي ؟
    ـ إنت مين ؟
    ـ أنا حبيبك يا هبلة .. البشي النضارة عشان تشوفيني !
    ـ طيب شاعدني عشان ألاقي النضارة !
    ـ آهي على الترابيزة قدامك !
    ـ فين ؟!!
    ـ لا دي نظارتي أنا !
    ـ أيوة لقيتها ..
    ـ البشيها بقة !
    ـ ططييبب !
    ـ عينيكي فوق شوية .. ده بقك ..
    ـ طيب لبشهالي إنت !
    ـ عقبال ما البشك الدبلة !
    ـ ما تكشفنيش ! .. كنت بتقول إيه بقى ؟
    ـ كنت بقول تتجوشششيييينيييييي ؟
    ـ أكوشك ؟ .. إزاي ؟
    ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي ؟
    ـ دي شتيمة ؟
    ـ لاااااء .. بقولك تتجوشيني ؟!!
    ـ آه !! .. أجوشك !
    ـ بالضااااابط ! .. هاه ؟
    ـ شيبني أفكر !
    ـ أشيبك تفكري ؟! .. ده انت هتموتي خلاش !
    ـ لا .. شيبني أفكر بش !
    ـ ربنا يوفقك !
    ـ إيه ؟
    ـ ربنا يوفقك !
    ـ بتقول إيه ؟
    ـ ربنا ياخدك !


    (على فراش الموت) :
    ـ تـ … كوح .. كوح .. تتـ .. كوح كاح كيح .. تتكو .. كوح .. كوح ..
    تتكوشـ ..
    كوح كوح .. يني ؟!!
    ـ مش شامعة !
    ـ بـ .. قوللـ .. كوح .. كوح .. بقولك .. تـ .. تـ .. كوح .. كوح ..
    تتجوشيـ ..
    ؟ كوح .. كوح …….
    ـ أجوش مين ؟!!!
    ـ هـ .. و.. ه .. كووح كوح كاح .. هوه إنتي .. كوح كوح .. معرفتيـ ..
    ش .. كوح
    كوح كيح .. ميـ .. كوح .. مين ؟!!
    ـ إيه ؟ ..
    ـ لا .. كوح .. أبدًا .. كوح .. كنت … كح كح .. بأكح !!
    ـ كنت بتكح ؟!!!! .. شلامتك !! .. ما قلتليش ليه ؟!
    ـ هو .. كوح .. إنتي .. لشة .. عارفـ .. ـة .. كوح كوح !
    ـ بتقول إيه ؟!!
    ـ يا .. ولية .. كوح كوح .. ردي .. كوح كوح .. عليا .. !! .. تـ ..
    تـ .. جو..
    شيـ .. كوح كوح كوح كوح .. نـي ؟!!
    ـ أجوشك ؟!! .. طب بش خد الدوا الأول !
    ـ يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح
    كوح
    كوح .. ـني ؟!!
    ـ أيوة يا حاج .. موافقة !! .. موافقة إنك تتكوشني ..
    ـ أخيـ….كوح كوح ..راااااً !! .. كوح كوح !! .. كدة أموت .. كوح ..
    كوح .. وأنا
    .. كوح .. مطمئن ومرتاح !! .. الودااا .. كوح ..ع ع ع ع !
    ـ يا حاج .. يا حاج .. لااااااااااااااااااااااااااااا !!


    طبعا ملطووووووووووووووووش ​
     
  2.   مشاركة رقم : 2    ‏2006-05-07
  3. البحار

    البحار قلم ماسي

    التسجيل :
    ‏2002-12-22
    المشاركات:
    19,341
    الإعجاب :
    17
    ههههههههههههههههههههههههههههه


    هذا اللي نسميه

    الحب من المهد الى اللحد :)
     
  4.   مشاركة رقم : 3    ‏2006-05-07
  5. الفتى النبيل

    الفتى النبيل قلم ذهبي

    التسجيل :
    ‏2004-08-23
    المشاركات:
    5,968
    الإعجاب :
    0
    بعض الاحيان يطلع منك يا بحار كلام كبير ......

    تختصر فيه الكلام الرائع ............

    فيصير اروع ..............................

    شكرا لكاتب الموضوع الاخ ..................

    الفتى النبيل
     
  6.   مشاركة رقم : 4    ‏2006-05-08
  7. م/العـــامري

    م/العـــامري مشرف سابق

    التسجيل :
    ‏2004-04-04
    المشاركات:
    8,995
    الإعجاب :
    0
    رائئئئئئئئئئع وكما قال البحار هذا الحب من المهد للحد
     
  8.   مشاركة رقم : 5    ‏2006-05-08
  9. ( زينهم )

    ( زينهم ) عضو متميّز

    التسجيل :
    ‏2006-02-02
    المشاركات:
    1,514
    الإعجاب :
    0
    هههههههههههههه
    تفاهم عميق بينهم ماينقصه
    إلا المأذون يعقد
     
  10.   مشاركة رقم : 6    ‏2006-05-08
  11. Angle

    Angle عضو فعّال

    التسجيل :
    ‏2006-03-20
    المشاركات:
    816
    الإعجاب :
    0
    ههههههههههههههههههههه
    مشكوووور على الموضوع
    تحياتي لك
     
  12.   مشاركة رقم : 7    ‏2006-05-08
  13. بنوته يمنيه

    بنوته يمنيه عضو فعّال

    التسجيل :
    ‏2006-05-04
    المشاركات:
    679
    الإعجاب :
    0
    هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه


    بـــــــس
     
  14.   مشاركة رقم : 8    ‏2006-05-08
  15. عبوشي

    عبوشي قلم فضي

    التسجيل :
    ‏2006-02-28
    المشاركات:
    4,162
    الإعجاب :
    0
    قصه جميله


    وتذكرنا بواحد صاحبي

    انت تعرفه
































































































    انا ماعرفوووووووووووووش
     
  16.   مشاركة رقم : 9    ‏2006-05-08
  17. الصقر_1

    الصقر_1 قلم ماسي

    التسجيل :
    ‏2005-12-20
    المشاركات:
    13,128
    الإعجاب :
    0
    ههههههههه حلوه ..تسلم على النقل المميز :) .
     
  18.   مشاركة رقم : 10    ‏2006-05-08
  19. amer alsalam

    amer alsalam قلم فضي

    التسجيل :
    ‏2005-07-26
    المشاركات:
    3,934
    الإعجاب :
    0
    ههه

    تصدق براذر كنت داخل وانا ناوي ازوجك بنتي

    بس الموضوع طلع هزار :) :) خيرها في غيرها
     

مشاركة هذه الصفحة