الجنــه .... قد تندم اذا لم تقرئها سريعا

الكاتب : المشتاق للجنه   المشاهدات : 657   الردود : 1    ‏2006-04-24
      مشاركة رقم : 1    ‏2006-04-24
  1. المشتاق للجنه

    المشتاق للجنه عضو

    التسجيل :
    ‏2006-04-15
    المشاركات:
    53
    الإعجاب :
    0


    الجنه


    الحمد لله و الصلاه و السلام علي رسول الله اما بعد


    فالموضوع هوالجنه


    تعالوا نتكلم علي واحد صحابي


    الصحابي ده كان رايح مع وفد عشان يعلموا قبيله الاسلام فراح وقف قدام رئيس القبيله و بيتكلم عن الاسلام و بيعرض دين الله و فجأه غمز رئيس القبيله او الكبير بتاع القبيله يعني لواحد جنبه (غمزت غدر يعني ) فاللي جنبه رمه حربته علي الصحابي فمات



    تخيل لما جه يموت قال ايه ؟



    اي ؟ قال يا غدره ؟ قال ايه تخيل



    تخيل قال كلمه عجيبه قال فزت و رب الكعبه



    طب هو فاز بايه ؟ ده سؤال كان محير اللي قتله بالحربه بتاعته فراح للني قال له بما فاز ؟ قال له النبي بالجنه فآمن الرجل بعدها

    تخيل .. شوف اد ايه الجنه كانت قدام عينه

    ياتري ايه اللي فيها عشان تخليه كده ؟

    طب تعالوا نتكلم علي صحابي تاني

    في غزوه احد قال يارب خليني اقتل واحد من الكفار فيجي التاني فيقتلني و يضرب انفي و يقطع اذني

    طب ليه ؟

    عشان لما يقابل ربه فيسأله ربه ايه اللي عمل فيك ده فيقول الرجل من اجلك يارب

    ياااااه تخيل الجنه كانت عامله ازاي جواهم

    طب تعالي لواحد تاني النبي طلب منه طلب صعب فنفزه و جه للنبي و قاله انه خلاص عمل الطلب و تمام التمام فراح النبي يجيب له جايزه يكافأه بيها

    تخيل هيجبله ايه

    فذهب النبي و راح بيته و آتي و في يده عصاه في ايده عصايه حتت عصايه فاستغرب الصحابي فقال ما هذا يا رسول الله ؟ فقال النبي : خذها و اعطيها لي يوم القيامه ادخلك الجنه

    يااااااااه تخيل يقوله خليها معاك و ادهاني يوم القيامه ادخلك الجنه

    فيقول الصحابي فظلت معي لا تفارقني حتي امرت ان تدفن معي حتي القي النبي فأقول له العصا يا رسول الله فيدخلني الجنه

    تخيل تخيل طب هما ليه حبوا الجنه و احنا نسناها طب هيه حلوه للدرجه دي ؟

    طب ماتيجي نتكلم عليها ....

    اولا في البدايه لما نيجي نتكلم عن الجنه هنقول حديث النبي : فيها ما لا عين رأت و لا اذن سمعت يعني اتخيل اد ما تتخيل مش هتجبها ..

    نيجي بقي ليها من جوه

    اولا مين اللي بناها ؟؟؟؟

    يقول النبي : إن الله بنى الفردوس بيده و حظرها علي كل مشرك و كل مدمن خمر و متكبر
    ياااااه ربك بناها بيده يانهار طبعا مانتخيلش يد الله لان ليس كمثله شئ طبعا لا نتخيل او نشبه لكن بص ربك اللي بناها بيده

    طب اسمع كلام النبي يقول : إن الله احاط حائط الجنه لبنه من ذهب و لبنه من فضه و غرس غُرُشها بيده و قال لها تكلمي فقالت : قد افلح المؤمنون فقال الله : طوبى لك منزله الملوك

    تخيل طوبه من دهب و طوبه من فضه

    ده بيت سعتك لما تدخل الفردوس طب و السقف ؟؟؟؟ تخيل الحيطه طوبه دهب و التانيه فضه طب و السقف ؟

    عرش الرحمن

    يا نهار ابيض تبص فوقيك تلاقي عرش ربك يا نهار بس دي الفردوس اصل الجنه درجات ؟ طب هي الفردوس مش للشهداء و الانبياء و خلاص

    لاااااااا النبي بيقول اسألوا الله الفردوس

    منتا مش نبي انت ممكن تكون فيها بس بصلاه فجر بصلاه في المسجد بحجاب صح بغض بصر بحب لله و للرسول

    طب تعالوا نكمل في الجنه

    طب انت بتكلمني عن الفردوس طب لا قدر الله لو مدخلتش مع اللي دخلوا و اتأخرت شويه و ملحقتش و الناس خلاص كلهم سابوني و انا لوحدي في جهنم لا قدر الله يعني طب لما هاجي ادخل الجنه هيكونلي مكان ؟؟؟:confused:

    يقول النبي : سأل موسى ربه ما أدني اهل الجنه منزله ؟ قال : رجل يجئ بعد ما دخل أهل الجنه الجنه فيقال له : ادخل الجنه فيقول :رب كيف و قد نزل الناس منازلهم و أخذوا أخذاتهم ؟ ازاي ادخل مهي اتملت كله دخل مكانه و خلاص

    فيُقال له : أترضي أن يكون لك مثل ملك من ملوك الدنيا ( ترضي يكون لك زي ماكان لملك من ملوك الدنيا ؟) فيقول : رضيت رب فيقول له : لك ذلك و مثله و مثله و مثله و مثله فقال في الخامسه :رضيت رب , قال رب : فأعلاهم منزله . قال : أولئك الذين أردت غرست كرامتهم بيدي و ختمت عليها فلم تر عين و لم تسمع اذن و لم يخطر علي قلب

    ياااااااااه دنا لو متأخر هيكون ليا زي ملك تخيل ملك بقي حاجه كبيره في الدنيا ده مش زيه و بس ده كده و زيه و زيه و زيه و زيه ياااااه طب امال اعلاهم منزله ؟ لااااا دول بقي حاجه تاني خالص

    طب تيجي نشوف لما اتسأل النبي عن الجنه

    قال الصحابه :حدثنا يا رسول الله عن الجنه ما بناؤها ؟ قال : لبنه من ذهب و لبنه من فضه و ملاطها المسك و حصباؤها اللؤلؤ و الياقوت

    يا نهااااار طوبه دهب و التانيه فضه و المونه مسك و كمان فيها لؤلؤ و ياقوت طب نكمل وصفه صلي الله عليه و سلم لها

    و ترابها الزعفران من يدخلها ينعم لا يبأس و يخلد لا يموت لا تبلي ثيابه و لا يفني شبابه

    يا نهار هتنعم مش هتشقي هتخلد مش هتموت مش هتبلي ثيابك مش هيفني شبابك متيلا بقي علي الجنه اتحرك صلي الفجر صلي في المسجد حب الله حب الرسول اتحجبي بقي اتحجبي بقي عشان الجنه

    طب اعمل ايه بجد عشان الجنه

    اسمع كلام النبي يقول النبي : إن في الجنه غرفا يرى ظاهرها من باطنها و باطنها من ظاهرها أعدها الله لمن أطعم الطعام و أدام الصيام و صلي بالليل و الناس نيام

    يلا بقي صلي و صوم و حب الله طب تعالي نكمل و لا تعبت من القرايه ؟ تعالي نكمل عشان تحب الجنه

    تيجي نتخيل و يارب يكون اننا دخلنا الجنه

    يلا اديك دخلت الجنه اهه شفت النبي اهه النبي هنااااااااك اهه واقف مع سيدنا ابو بكر و عمر و مين ده ده سيدنا موسي هنااااك و مين ده ده سيدنا يوسف و مين دي دي السيده مريم و ده سيدنا عيسي و من ده اااااااه ده علي بن ابي طالب طب مين اللي بيته جنبه ده ااااااه ده بيت سيدنا ابراهيم و اللي موارب ليه ده بيت سيدنا محمد او بيت ايه بقي قصور قصر سيدنا ابراهيم و ده قصر سيدنا محمد و ايه ده ده نهر من خمر و ده نهر عسل و و و

    يا نهار مانفسكش بقي ترتاح فيها و تبص علي اهل النار اللي كنت ممكن ابقي او تبقي فيهم و نقول الحمد لله نجانا منها و ارتحني و يحضنك النبي و يقولك انت عملت اللي عليك انت راجل و انتي عملتي اللي عليكي كنتي مسلمه بحق و انت شاب بس راجل يااااااااااه

    و يحضنك النبي و يطبطب عليك و تشوفه و تشوف احبابك و اصحابك اللي معاك في الجنه طب و ايه كمان هشوف ؟؟؟

    يقول النبي : اذا دخل اهل الجنه الجنه و اهل النار النار نادى مناد ( تخيل اديك بتسمع اهه ) : يا أهل الجنه إن لكم عند الله موعداً فيقولون ( و انا و انت منهم ) : ما هو ألم يثقل موازيننا و يبيض وجوهنا و يدخلنا الجنه و ينجنا من النار فيكشف الحجاب فينظرون الي ؟؟؟



    الي ايه



    تخيل



    فينظرون الي الله فو الله ما أعطاهم الله شيئا هو أحب اليهم من النظر اليه

    ياااااااااا هشوفه ؟ اه هتشوفه سبحانه و تعالي طب بالله عليك مش تقوم بقي و تشتغل و تصلي في المسجد و انتي بقي اتحجبي و بطلوا اغاني و غضوا بصركم و حبوا الله و رسوله و انصروا دينه ادعوا ليه و لو بكلمه لو بنصيحه لو انك تبعت الايميل ده لغيرك و لغيرك و تحسه و تتأثر بيه حبوا يا جماعه الله و رسوله و الجنه ياجماعه الجنه بقولك هتشوف ربك هتشوف ربك اتحرك بقي

    يقول النبي : ما منكم الا من سيكلمه ربه يوم القيامه

    تخيل بقي و هو بيكلمك و يوقلك يا فلان بأسمك اه بأسمك طب ياتري هيقولك ايه ؟؟؟ هيقولك ايه ؟؟ تخيل راجع حساباتك هتقوله ايه هتقوله كنت بصلي الفجر و بدعوا لدينك و بحبك و بحب نبيك و لا هتقوله انا اسف كنت بكسل اقوم اصلي الفجر و بكبر و لا هتقوليله ماكنش ينفع اتحجب بس كنت بصلي و كل حاجه بس الحجاب ماكنش ينفع

    و لا هتقوليله يارب كنت محجبه مسلمه متدينه ناصره لدينك ؟؟؟

    يا جماعه الجنه

    طب دخولها سهل و لا مستحيل ؟؟؟ و لا الصحابه و بس و لا ممكن احنا ؟

    يقول النبي : الا اخبركم برجالكم من أهل الجنه النبي في الجنه و الصديق في الجنه و الشهيد في الجنه و الرجل يزور اخاه في ناحيه المصر لا يزوره الا لله في الجنه و نساؤكم من اهل الجنه الودود الولود التي اذا غضب أو غضبت جاءت حتي تضع يدها في يد زوجها ثم تقول : لا أذوق عمضا حتي ترضي

    يعني كل دوووول في الجنه طب الموضوع سهل بس انت اشتغل

    انصر دينه ادعوا له صلي في المسجد الفجر و كله غض بصرك

    ياسيدي بقولك الجنه الجنه مش نفسك تدفي في حضن النبي مش نفسك ؟ مش نفسك تشوفه و تسلم عليه مش نفسك تشوف ربك ؟ يلا بقي صلي في المسجد ماتقلش اصلي في البيت انت عايز الجنه يلا اتحركوا يا جماعه كلكم يا جماعه الصلاه في المسجد الصلاه في المسجد الحجاب الفجر غض البصر الفجر يا جماعه

    و اسمع قول النبي : بشر المشائين في الظلم بالنور التام يوم القيامه

    يلا بقي مش عايز تصلي الفجر في المسجد عشان تكون من المشائين في الظلم عشان النور التام يوم القيامه

    طب اسمع قول النبي : من صلي البردين دخل الجنه

    عارف ايه البردين ؟؟



    الفجر و العصر


    طب اسمع قول النبي : من قال سبحان الله و بحمده غُرست له نخله يوم القيامه

    يلا بقي اغرس نخل علي كيفيك بفضل الله و ادخل الجنه يلا بقي صلي و في المسجد و التزم و التزمي و اتحجبي و ان شاء الله لكم و لنا الجنه



    اللهم تقبل صالح الاعمال من عبادك أجمين

    اذكرونى من صالح الدعاء

    وغقر الله لى ولكم اخوتى الكرام



    أخيكم / عبدالرحمن
    المشتاق للجنة
     
  2.   مشاركة رقم : 2    ‏2006-04-25
  3. الرجل الألف

    الرجل الألف عضو

    التسجيل :
    ‏2005-11-27
    المشاركات:
    95
    الإعجاب :
    0
    جزاك الله خير
     

مشاركة هذه الصفحة