احمد فؤاد نجم.............يسلم فمك

الكاتب : حسين الرشيدي   المشاهدات : 448   الردود : 1    ‏2006-03-20
      مشاركة رقم : 1    ‏2006-03-20
  1. حسين الرشيدي

    حسين الرشيدي عضو فعّال

    التسجيل :
    ‏2000-12-08
    المشاركات:
    673
    الإعجاب :
    0
    مبروك يا عريسنا
    يا أبو شنه ورنه
    يا واخدنا وراثه

    أطلب واتمنى
    وأخرج من جنه
    أدخل على جنه

    مش فارقة معانا
    ولا هارية بدنا
    ولا تاعبه قلوبنا

    يا عريس الدولة
    أفرح وأتهنى
    ما أحناش كارهينك
    لكن هارشينك
    ح تكمل دينك
    وتطلع دينا
     
  2.   مشاركة رقم : 2    ‏2006-03-20
  3. زهر حرف

    زهر حرف قلم ذهبي

    التسجيل :
    ‏2006-02-24
    المشاركات:
    5,617
    الإعجاب :
    0
    مسكينة يا مصر ..مغصوصوه بيهم والحال من بعضه
    احمد فؤاد نجم شاعر عظيم
    وأسمح لي أخي الفاضل \ حسين بأضافة هذه القصيدة (موال الفول ولحمة ) لأحمد فؤاد نجم

    موال الفول واللحمة

    عن موضوع الفول واللحمة صرح مصدر قال مسئول

    ان الطب اتقدم جدا والدكتور محسن بيقول

    ان الشعب المصري خصوصا من مصلحته يقرش فول

    حيث الفول المصري عموما يجعل من بني ادم غول

    تأكل فخده في ربع زكيبه والدكتور محسن مسئول

    يديك طاقة وقوة عجيبة تسمن جدا تبقى مهول

    ثم اضاف الدكتور محسن ان اللحمه دي سم أكيد

    بتزود أوجاع المعدة وتعود على طولة الايد

    وتنيم بني ادم وتفرقع منه المواعيد

    واللي بياكلوا اللحمة عموما حيخشوا جهنم تأبيد

    يادكتور محسن يامزقلط يامصدر ياغير مسئول

    حيث ان انتو عقول العالم والعالم محتاج لعقول

    مارأى جنابك وجنابهم فيه واحد مجنون بيقول

    احنا سيبونا نموت باللحمة وانتو تعيشوا وتاكلوا الفول

    مارأيك ياكابتن محسن مش بالذمة كلام معقول
     

مشاركة هذه الصفحة