بدع الشاعر المتألق احمد العزاني حيد السماء .. وجواب الشاعر ابوعاهد السوادي ..

الكاتب : ابوعاهد   المشاهدات : 1,935   الردود : 29    ‏2006-02-25
      مشاركة رقم : 1    ‏2006-02-25
  1. ابوعاهد

    ابوعاهد عبدالله حسين السوادي مشرف سابق

    التسجيل :
    ‏2000-11-28
    المشاركات:
    10,212
    الإعجاب :
    15
    الاخوة الاعزاء جميعا

    هذا بدع الغالي شاعرنا احمد العزاني - حيد السماء


    ويليه الجواب مني واتمنى ان ينال البدع والجواب رضاكم



    البدع من احمد العزاني​
    [POEM="font="Simplified Arabic,5,black,bold,normal" bkcolor="transparent" bkimage="./images/backgrounds/55.gif" border="none,4,gray" type=2 line=0 align=center use=ex num="0,black""]قال ابن عزان من جوله *** بقضي على شاعر الدوله= ** مهما تكون العرب حوله *** لابد مايحتسي ناري

    مازال سيفي وسط يدي ** جاهز لمن يوقفوا ضدي= ** بوقف لهم شخص متحدي ** مادامني كالأسد ضاري

    مثل ابن سواد ابوعاهد *** ذي كان في عيشته زاهد= *** واليوم بالمؤتمر شاهد *** يقبض دراهم ودولاري

    ياللأسف كيف له يرضى ** تعم في شعبه الفوضى= *** وهوه واحد من الاعضا ** بالمؤتمر حاكم الداري

    راضي على مايسوونه *** والسم ذي هم يدسونه= ** خايف فقط بس ينسونه *** من العلاوه وانا داري

    قد قلت له ينتقد حزبه *** ويترك العد والحسبه =*** حتى ولاشي معه نسبه *** لكن ابو عهد محتاري

    بو عهد شف حزبك الناسي ** دايم على شعبنا قاسي= ** لاتحسبه كالجبل راسي *** لابد له يوم ينهاري

    لنه خذ الحكم بالقوه *** والقلب محروق من جوه =** وبيننا وسع الهوه ** وانته سرى الليل واساري

    شعبك من القهر كم يبكي ** ولاعرف عند من يشكي =** يسمع وممنوع له يحكي *** يعينه الخالق الباري

    حرام شف شعبنا المسكين ** واقف على حدة السكين= *** وانتوا على كرسي التمكين ** وتحكموا الناس اجباري

    وان حد تكلم على الوحده ** قلتوا انفصالي من الرده= ** وكلكم توقفوا ضده** غبني على الناس لحراري

    والثانية يا ابوعاهد ** الفقر في شعبنا واجد =*** قد بدعي الله وانا ساجد *** يقضي على كل جباري

    والثالثه عامل الرشوة ** اصبح بمسؤولنا نشوه= *** وليس من عادتي شوه *** اسمع تقارير لخباري

    باتعرف الحق والباطل ** وكم من ابنائنا عاطل= *** شوف اليمن به مرض عاضل ** من سبة الناس لشراري

    من هو سبب وضعنا المزري *** اظن من مثلكم يدري= *** لاتبع شورك المغري *** جاوب وناقش معي افكاري

    وان كان باتتبع شوري *** بانحسبك مثلنا ثوري =*** ووعد ماخرج على طوري *** ولا ادخلك قاعة ابحاري

    باعبرك بس في شطي *** واباك تسمع معي شرطي= ** وعهد ياخوي لاغطي *** على عظيمات لسراري

    اول شروطي لك اتنازل *** واوقف معا شعبنا العازل= * من قبل تندم وتتسائل ** عن القصايد ولشعاري

    ذي كنت تمدح بها القايد * حتى رفع رتبتك رايد =**** وارسل معاشك بلد زايد ** واحد مع خمسه اصفاري

    ابغاك تتنازل الليله *** وتترك اللف والحيله =** والثانية بوفي الكيله *** من حب صافي بلوصاري

    وبعدها والنبي تشكر ** اذا تصديت للمنكر =*** لن المحب دايما يذكر *** بالخير واتخبر القاري

    وان قلت لي انك الاول ** شفني مع مسعد الأشول = ** باندخلك سجن ابو زعبل ** حتى ولو منزلك جاري

    هزك من الجوله الأولى *** عساه بيعينك المولى= *** ماعاد لك بينا مولى *** ولامعك مثلنا انصاري

    والنود هذه من انوادي *** لاترهبك وانت سوادي= *** شف تالي الحب بالوادي *** ينبت وينتج لنا اثماري

    والختم صلي على طه *** ذي امة الكفر وطاها =*** وامته قام واعطاها *** الدين ذي صانه الباري



    تم البدع من الشاعر العزاني ويليه جواب ابوعاهد ...
     
  2.   مشاركة رقم : 2    ‏2006-02-25
  3. ابوعاهد

    ابوعاهد عبدالله حسين السوادي مشرف سابق

    التسجيل :
    ‏2000-11-28
    المشاركات:
    10,212
    الإعجاب :
    15
    الجواب من ابوعاهد السوادي​
    [POEM="font="Simplified Arabic,5,black,bold,normal" bkcolor="transparent" bkimage="./images/backgrounds/55.gif" border="none,4,gray" type=2 line=0 align=center use=ex num="0,black""]قال ابن سواد لي صوله ** تقضي على راعي الجولة= سهله بسيطه ومحلوله ** ماعاد بعلن خبر طاري

    باقابل احمد وانا وحدي ** بالقنه درس من يدي= ماهو نظيري ولاندي ** عاده على بسكت الماري

    علمته الدرس واليله ** جاني مبارز على خيله= لكن من اليوم ياويله ** لاقد تحركت باعصاري

    حتى ولو حالف الاشول ** ماهل جليله من الجرمل= والحلف ماعاد يتواصل ** لا قد ظربته بمسماري

    رغم ان لشول نمر عايب ** ماشفت انا مثل ذا الشايب = يبدع ويجلس سنه غايب ** واقبل وقد كان متواري

    يقبل تجاهي متى نـّجم ** واصبح يهنجم ويتهجم =لكن يروّح ويترزم ** من هول ماشافه أجباري

    واما خبر سجن ابوزعبل ** يالومتك كيف ما تخجل= وينك وهو وين واتأمل ** هذا خبر صحته عاري

    الا اذا انته جدع مصري ** والصومعة صدق ماتدري= لاتذكر الشعب او تطري ** مالك على شعبنا طاري

    والفوضة اللي تسميها ** كحلتها لجل تعميها = كذبه وحاشا نمشيها ** في جزء من نشرة اخباري

    كذبه ومن بعدها كذبه ** ذي قلت محسوب لي نسبه= والراتب اكبر من الرتبه ** زيدتهن خمسه اصفاري

    من وين سويت لي راتب ** حسب الذي جبت لي كاتب= ماعاد شي فايده عاتب ** يكفيك باعمّد انكاري

    لكن على شان لاتزعل ** جابون لي ميم ميم اول = وإنما مارضيت اقبل ** راضي بما يسر الباري

    والمؤتمر ماحكم قوه ** مالك بذا القول تتفوه= خذها انتخابات مش عنوه ** والكل ياحمد بذا داري

    والشعب من قالك يبكي ** اوقال ممنوع لايحكي= هذا خبر منسطل مدكي ** او هرج هندي وملباري

    شعب اليمن حر مايركع ** للظلم والقهر او يخضع= كله مغاوير من تبع ** معروف في كل لقطاري

    في دمهم تجري الثورة ** وانظر بعينك الى الصورة= يظهر لك الشعب اسطوره ** منصور في كل لدواري

    لوكان عمي علي ظالم ** كانه برفقة علي سالم =ماكان عاده هنا سالم ** ولاّ مدحته في اشعاري


    لكنه الحاكم الواعي ** والشعب محتاج له راعي = مثله يداوي لي اوجاعي ** واعلا مقامي ومقداري

    في خدمة الشعب ماقصر ** ومنجزاته فلا تحصر= في عهده النفط يتصدر ** ولايزال العمل جاري

    وكم مآزق تواجهنا ** وهو بفكره يوجهنا= واحنا بشوره توجهنا ** واتجاوز الشعب لخطاري

    والرشوه ابشر بها غرا ** عمي علي قام يتحرا = حط العقوبات واتبرا ** باتنكشف كل لسراري

    واما شروطك فمرفوضه ** لاتحسب المسأله فوضه= باينقدك طالب الروضه ** وانت استلم مني انذاري

    وحسب ماقلت سوادي ** ماقال للموت رح غادي= واسأل بكيلي ومقدادي ** واسأل مريسي وعماري

    كل القبايل بنا عارف ** واسأل علينا من الطارف =يشهد لي العرف والسالف ** واسأل علي جملة اوكاري

    وانتو قبايل من البيضا ** راية مجاميعكم بيضا = إلا انت لابد تتوضا ** دامك تـّبخس في اسعاري

    وافضل صلاتي وتسليمي ** وايضا احترامي وتعظيمي= لاحمد عسى نال تكريمي ** تـُغفر ذنوبي مع اوزاري


    وسلامتكم ​
     
  4.   مشاركة رقم : 3    ‏2006-02-25
  5. ابومالك رسام

    ابومالك رسام مشرف سابق

    التسجيل :
    ‏2005-04-07
    المشاركات:
    12,726
    الإعجاب :
    6
    بدع احمد العزاني قــد وضــحة في حينة وابديت اعجابي فيه
    وبما تطرق اليه من قضايا حساسة:

    وهنا اسجل حضوري الى صفحة العزيز ابوعاهد السوادي
    التي اتت برد جميل ومتناسق من حيث ردود السؤال وجوابه
    واتت بردود على استفسارات او لنقل على انتقادات العزاني
    من حيث كل انسان وقناعتة ولكل انسان ان يدافع عن قناعته
    في حدود المقبول ابو عاهد لم ينكر وجود اخطأ لاكنه وعد بأصلاحها
    ولم يمارس لعبت التعمية ان صح التعبير وكان صريح في اجاباته
    تحدث العزاني عن الرشوة قابلها ابوعاهد برد واقعي
    تحدث العزاني عن الرتبة قابلها ابوعاهد بالنفي والتدليل عليها
    الراتب قابله ابوعاهد بدليل استحالته وهنا تكمن براعة الشاعر
    ان لايوجد فجوة للقارأ او البادع رغم هجمات العزاني القوية والواضحة:


    العزاني::
    [POEM="font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ذي كنـت تمـدح بهـا القايـد=حتـى رفـع رتبتـك رايـد=
    وارسل معاشك بلد زايد =واحد مع خمسـه اصفـاري

    ابوعاهد::
    [POEM="font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]من وين سويت لي راتب=حسب الذي جبت لي كاتب
    ماعاد شي فايده عاتـب =يكفيـك باعمّـد انكـاري
    لكن على شان لاتزعل=جابون لـي ميـم ميـم اول
    وإنما مارضيت اقبل =راضـي بمـا يسـر البـاري
     
  6.   مشاركة رقم : 4    ‏2006-02-25
  7. وليد المصري

    وليد المصري الجهاز الإداري

    التسجيل :
    ‏2003-05-10
    المشاركات:
    7,846
    الإعجاب :
    114

    قال ابن عزان من جوله *** بقضـي علـى شاعـر الدولـه
    ** مهما تكون العـرب حولـه *** لابـد مايحتسـي نـاري
    مازال سيفي وسـط يـدي ** جاهـز لمـن يوقفـوا ضـدي
    ** بوقف لهم شخص متحدي ** مادامنـي كالأسـد ضـاري
    مثل ابن سواد ابوعاهـد *** ذي كـان فـي عيشتـه زاهـد
    *** واليوم بالمؤتمـر شاهـد *** يقبـض دراهـم ودولاري
    ياللأسف كيف لـه يرضـى ** تعـم فـي شعبـه الفوضـى
    *** وهوه واحد من الاعضـا ** بالمؤتمـر حاكـم الـداري
    راضـي علـى مايسوونـه *** والسـم ذي هـم يدسـونـه
    ** خايف فقط بس ينسونـه *** مـن العـلاوه وانـا داري


    البدع لم اتناوله سابقه وقد وعدت بعودتي اليه عندما يحين الجواب وهاهو الجواب قد

    وصل ولكن للاعصار الذي حصل قد يتانى المصري في تحليله حتى يعود لكي يستطيع ان

    يتناول ما يشاء من البدع والجواب لكي يفي الغرض المطلوب من الشرح .....

    طبعا البدع اتى من شاعر شاب سبق وان خاض معركه مع الشاعر الصنبحي وكانت ناجحه بكل المقاييس كرم ابو صقر وابداع العزاني واليوم قد نزل الميدان مواجها لبو عاهد في معرك حاميه بداءها بانزال مضلي على مواقع السوادي وكان الاستقبال رائع بتثبيته للموضوع يعني لقوة معنى القصيده والهجوم الشرس ....

    طبعا قصيدة العزاني تخللها مواضيع عده اولها هجومه على السوادي
    والثاني الاوضاع اليمنيه التي لن يستطيع احد اخفاءها لان الحقيقه شمها لم يغرب ابدا
    والثالث هو ابو عاهد والقايد والمائة الالف... طبعا سجال شعري لاغير
    وايضا تنازل ابو عاهد والى ذلك انضمام حيد السماء الى جوار الاشول وكل هذه كانت الزانه التي استخدمها العزاني في شحن سلاحة المنطلق والموضوع تميز بالقافيه والنمط الثلاثى الرابع المتحد .......... تسلم ياحمد .......... وبورك فيك ....



    قال ابن سواد لي صوله ** تقضي على راعي الجولـة
    سهله بسيطه ومحلوله ** ماعاد بعلـن خبـر طـاري
    باقابل احمد وانا وحدي ** بالقنـه درس مـن يـدي
    ماهو نظيري ولاندي ** عاده علـى بسكـت المـاري
    علمته الدرس واليله ** جانـي مبـارز علـى خيلـه
    لكن من اليوم ياويلـه ** لاقـد تحركـت باعصـاري
    حتى ولو حالف الاشول ** ماهل جليله مـن الجرمـل
    والحلف ماعاد يتواصل ** لا قـد ظربتـه بمسمـاري

    اعتقد هناك الف ناقص في كلمه اليله حيث تصبح (الليله ) وبهذا يكتمل المعنى هو مجرد خطاء املائي لاغير ولكن البدايه تستحق الوقفه والاشاده

    ابو عاهد وقفته كانت كالتالي حسب ماقارءت القصيده

    في البدايه رد الهجوم بهجوم وويؤكد انا الاستاذ وانا من مسك باليد حتى صار ماصار
    وايضا الابيات التي اقتبستها هي بداية الزمجره القويه

    اعجبني ذلك التقدم نحو ابن عزان ولكن ماجعل ابو عاهد في حيرههو سجن ابو زعبل
    جعله يتفكر بين المسافه والتشبيه ويؤكد هذا مستحيل الا اذا انت من مصر ياله .....

    شي جميل ورائع واكد ما شرحته في البدع هو راتب الخمسه الاصفار وقال ذلك ليس له من الصحه شي وانما اعطوني م/1 وانا رضيت بما قسم لي الخالق

    واكد انه لازال في كرسي المملكه متربع وان ابى عاهد لن يتزحزح وهذه فعلا هي الحقيقه

    وضع الشعب تناوله الشاعرين ورغم المقف لدى الطرفين الا ان الوضع لايخفى على احد

    هكذا كان العراك وبن سواد هو بن سواد والعزاني هو العزاني رقمين من راقام الساحه الكبيره

    شعراء شباب فخر لليمن ولاهلها سلم الله ايديكم وصح لسانك


    ولاعاش من يشناكم



    وللعلم ان ابى عاهد عاد الى الميدان وبقوه ولكن بعد غارات شنها مسلحون على مستوى

    والان نريد كل جديد وساخن على الساحه .............
     
  8.   مشاركة رقم : 5    ‏2006-02-25
  9. أحمد العجي

    أحمد العجي قلم فضي

    التسجيل :
    ‏2002-07-04
    المشاركات:
    4,356
    الإعجاب :
    0

    نحمد الله على تصدي الشاعر ابو عاهد للغارة الجوية المرسلة من شاعرنا حيد السماء مما جعل المعركة حامية بينهم اخواني ابو عاهد وحيد السماء بدع ورد من شاعرين كبيرين في غاية الروعه والجمال والطيب لايأتي منه الا طيب نعتز بتواجدكم بيننا في بحور الشعر
    .شعراء قمه وقصائد جزله لله دركم .. يامبدعين .. كفيتوا ولا في قصور في باقي شعراء المجلس الاكارم تحياااااتي وتقديري،،،،،.


    محبكم

    أحمد العجي
     
  10.   مشاركة رقم : 6    ‏2006-02-25
  11. ريدان الأشول

    ريدان الأشول شاعر شعبي

    التسجيل :
    ‏2005-07-21
    المشاركات:
    5,552
    الإعجاب :
    0
    ويش نقول بعد قول وليد المصري
    أنا أقتبس هذا الرد الجميل لإنه حكا بما يجب أن يحكا

    وأزيد
    أحمد العزاني الشاعر الشاب الموهوب
    مسك على الجرح
    وابو عاهد الشاعر الفذ
    حاول تهدئته بالمسكنات والمفروض عمليه
    وبتر
    أسجل إعجابي بالمساجله الراقيه
    أحمد العزاني & أبو عاهد
    سلمتم من كل شر
     
  12.   مشاركة رقم : 7    ‏2006-02-25
  13. ابوسفيان الجلهم

    ابوسفيان الجلهم شاعر شعبي

    التسجيل :
    ‏2005-12-29
    المشاركات:
    1,739
    الإعجاب :
    0
    لاظيف الا اني اقول هذا هو ابو عاهد لله دره
    رصاها مثل رص الخرز
    لكم خاص تحيات ابو سفيان الجلهم
     
  14.   مشاركة رقم : 8    ‏2006-02-25
  15. Al_nores

    Al_nores عضو فعّال

    التسجيل :
    ‏2002-10-26
    المشاركات:
    851
    الإعجاب :
    0
    ابو عاهد

    يتمكن من صد هجمة شرسة اخرى بعد الهجوم الأول من قبل

    ابو محمد الأشول

    بخطى ثابتة ومتزنة وثقة عالية كما حاول ان يبدو بصورة هادئة

    و بأبتسامة عريضة غير آبه بتلك الغارة يكاد ان يوجة رسالة مبطنة

    من خلالها لمن يفكر بعدها بأي هجوم آخر اعتقاداً منه بأن هذا

    سيقية اي غارات اخرى .

    ولكني ارى ان ابو عاهد سيضل عرضة للهجمات المتتالية

    من كل حدب و صوب

    ما لم يحمي نفسة بالتمترس على بوابة المجلس اليمني

    والتحصن بقلعة مجلس الشعر الشعبي

    اي ان ابو عاهد لن يجد السلامة المطلوبة طالما هوا خارج اسوار المجلس

    وغائب عنه....






    محبتي


    ابو شادي
     
  16.   مشاركة رقم : 9    ‏2006-02-25
  17. ابوفهد السحاقي

    ابوفهد السحاقي احمد مسعد إسحاق (رحمه الله)

    التسجيل :
    ‏2005-04-11
    المشاركات:
    3,036
    الإعجاب :
    0
    فبكل صراحه الذي يهمنا تواجد ابو عاهد
    والان قد عرفنا كيف نخرجه
    في حالت غيابه
     
  18.   مشاركة رقم : 10    ‏2006-02-25
  19. التام

    التام شاعر شعبي مشرف سابق

    التسجيل :
    ‏2001-07-16
    المشاركات:
    4,379
    الإعجاب :
    0
    كفيت ووفيت
    يا بو عاهد صراحه جليل حمراء صح الله لسانك
    ولسانا شاعرنا حيد السماء
    واشكركما على امتاعنا بهذا البدع والجواب

    تحياتي

    جاوب ت :

    تحياتي
     

مشاركة هذه الصفحة