الجزء الثاني من الزواج الاسري فابقوا معنا

الكاتب : شراب النار   المشاهدات : 1,386   الردود : 26    ‏2006-01-21
      مشاركة رقم : 1    ‏2006-01-21
  1. شراب النار

    شراب النار عضو نشيط

    التسجيل :
    ‏2005-05-09
    المشاركات:
    399
    الإعجاب :
    0
    الجزء الاول في هذا الرابط
    http://ye22.com/vb/showthread.php?t=149830
    ^
    ^^
    ^^^
    ^^^^
    ^
    ^
    ^
    ^



    في الجزء الاول من القصه كان محمد قد وصل وجميع افراد اسرته الى مطار صنعاء الدولي وبعد ان خرجوا من بوابة المطار وجدوا في استقبالهم عبدالرب وجابر وعلي وبعد ان تلاقة الاحضان , تسيدت الموقف شلالات الدموع تخالطها مشاعر الفرحه وكلمات الترحيب

    عبدالرب :- بصوت تصاحبه انفاس البكاء , حيا بابوي وابو ابوي حيا ملان الدنيا بمحمد قرة عيني اهلا وسهلا على العين وفوق الراس نورتوا بلادكم
    محمد :- واحياك وسلمك يا ابن العم , الحمد لله ان عاد احنا شفناكم قدام عيونا
    عبدالرب:- حيا بيونس حيد عمه , وبالحضن , وحيا بسعيد وعبدالرحيم , واهلا وسهلا يا مرة ولد عمي
    ام يونس:- واحياك وسلمك وعافاك
    علي وجابر:- الحمدلله على السلامه يا عم محمد وارحبتوا الى وطنكم معززين مكرمين
    محمد :- وبكم اكثر من هولا ياعبدالرب عن ما عرفتهم
    عبدالرب:- هذا جابر ولد اخوي , وهذا علي السواق صاحب السياره الي با نروحكم فيها
    محمد:- قد هذا جابر ولد مسيعيد اخوك مشاء الله وصلت الرجال , ايا كان اقطبوا نمشي عنو ما غمضت لي عين من ساعة ما خرجت من مطار ديتريت , تعالي يا ام يونس تعالوا يا عيال نجلس في السياره لما يخلصوا يحملوا الشناط , اركبي من هذا الباب يا ام يونس" شا نركب انا وانتي ويونس وعبدالرحيم في الكرسي الاوسط , وحيد ابوه سعيد يركب في الكرسي الخلفي هو ولد عمه جابر ,,
    يونس:- ابه why are these guys standing by your window
    محمد :-يا ولدي هولا مساكين يشتوا ما كتّب الله
    المسكين:- يا حاج الله يحفظك ويخلي لك اولادك ادلنا حاجه الله يصح بدنك ويصلح عيالك
    محمد :- يونس شي معك دولارين في جيبك
    يونس :-ما معي الا عشره دولار
    محمد:- هات العشره الدولار ,وعندالله ما يضيع نصيبكم يا مساكين هذه العشره دولا ر اقسموها بينكم الاثنين خمسه بخمسه , لكن انتبهوا تقولوا لاحد ,,, لا حول ولا قوة الا بالله يا ام يونس قبل خمسه وعشرين سنه ماقد وصلشي الفقر الى درجة ان المساكين يطلبوا في باب المطار كان زمان اذا شي مسكين ما يطلب الا في باب المسجد " لكن ظاهرة المطار هذه عادها ظاهره جديده في اليمن والله يستر
    ام يونس :- لاحول ولا قوه الناس ميتين جوع وكم الواحد شا ينفق ,محمد محمد عن ها قد جوك عشرين مسكين قد قالوا لهم ذي اديت لهم العشره الدولار ,, اما ذلحين قسم لهم الزلط ذي في جيبك كلها , وبعدين نروح بلا شي , قلنا امسك يدك , عن قد المساكين مثل الجراد معادهم ذي امس يا محمد
    المساكين :- يا حاج يا حاج يا حاج ادلنا الله يدي لك الله يرزقك ويخلف عليك
    محمد:- الله كريم ماشي معي صرف , ما معي الا دولارات ورقه ابو ميه , لكن اوعدكم لما القاكم مره ثانيه ان ما ابخل عليكم
    المساكين:- من وين عادك با تلقانا , ما غير لاشي لما تسافر مره ثانيه ,, الله يدي لك يا حاج بحق لا اله الا الله ادلنا ليش ما هولاك الاثنين اديت لهم عشره دولار واحنا ما تشتي تدي لنا حاجه
    محمد:- لا قولكم ما فيش معي صرف ابعدو لكم وبعدين هولاك سبقوكم واديت لهم الحاصله الناصله يا عبدالرب شا تقطبوا تروحونا وعاد لنا نفس طيبه
    عبدالرب:- ايوه ايوه ذلحين هيااااااااا ياحمالين هيا اسرعوا حملوا الشناط بسرعه ولا عنوا والله ما تروا فلس
    الحمالين:- ولا يهمك ذلحين با نخلص مد الحبل يا وليد اقطب الناس عجلين قيام ايوه شد الحبل ,,,,, خلاص خلصنا يا شيخ هات المشقايه
    عبدالرب :- هذه ثلاث ميه قسموها بينكم الثلاثه لكل واحد ميه
    الحمالين:- يا اخي حرام عليك حملنالكم عشر شناط وكلهن من الوزن الثقيل قد ظهورنا مكسره زد لنا حتى ميه ميه لكل واحد
    عبدالرب:-ايش ايش ميه لكل واحد تمااااااام هاتو الثلاث ميه الي قد اديت لكم وشا ادي لكم ست ميه مامعي الا ورقه ابو ميتين
    الحمالين :- هاه خذ " هذه الثلاث الميه , هاااااااااات الست الميه
    عبدالرب:- هااااااااااااتوها " ادخلي الجيب , امانه ما ترو قرش , عادكم لا تشرطوا , ما غير قلت شا خليكم تحملوهن من شان تترزقوا , ولا انا قادر احملهن انا, لكن والله ما تمنوا قرش
    الحمالين :- كان هات الثلاث ميه وامرنا الى الله هات يا شيخ اسالك بالله لما اعطيتنا حق اتعابنا حرام عليك هات وانشاالله يروينا فيك يوم اسود بحق جاه النبي
    عبدالرب:- هذه الثلاث ميه خذوها ولا اسمع كلمه ,,,,,, يالله يا علي حرك السياره
    علي:- بسم الله اتكلنا على الله ثم تحركة السياره تجاه البيت
    عبدالرب:- لا تشوفوا يا عيال محمد اخوي هذا الشارع الي احنا فيه اسمه شارع المطار احفظوا اسمه من شان تتعرفوا على البلاد وهذا الشارع قدوه اوسع شارع في اليمن
    جابر :- الله لو طريق الخطوط الطويله في اليمن كلها وسيعه مثل شارع المطار كان ان ما فيش زحمه ولا حوادث

    يونس:- god damn, what the hell is that smell
    سعيد:-
    Maybe it’s your uncle’s breath because he is talking too much, or maybe the driver blew it, he seems very quite
    محمد :- عيب يا حمار
    عبدالرب:- يضحك هه هه هه هه هه هه هه هه هه اش لا يرطنوا عيالك يا محمد
    محمد:- بس كانوا يتخبروا من وين هذا الشم المجوي والريحه النتنه
    عبدالرب:- هذا من البواليع حق العاصمه صنعاء اصلهم وردوها الى هذه المنطقه جنب المطار من شان لما يجوا الوفود الدبلماسين من زعماء ورؤسا يشفقوا على اليمن ويتصدقوا عليها قد علي اخبر عملها خطه جهنميه
    محمد:- لكن كيف بالسواح والمسافرين
    عبدالرب:- يا حيد اخوك من قدوه بين المطر معاد يقول اسوه السواح اذا قد هم هانا معاد با يرجعوشي على انهم شموا ريحه مجويه وبعدين لما يشوفوا طيبة الشعب اليمني ومدى الحفاوه الي يتلقوها والاهتمام من الشعب ينسوا ريحة المطار وغيرها
    اما المسافر اليمني اذا هو مسافر بلاد الاغتراب معاد يبزوه المطار الا وقدوه جثه هامده من الحزن والفراق , وانه جاي اليمن من كثر شوقه لبلاده معاد يفسر لا بريحه ولا شي ثاني معاد تفكيره الا يحين يوصل عند الاهل والاصحاب لا قولك قد الحكومه اخبر بسياستها ,,,, يا عنو قد احنا في شارع القياده هذا اسمه شارع القياده يا يونس

    محمد:- الله عليك يا شارع القياده امانه انك اصيل من اصالة ارضك ولا تغير فيك شي مثل ما انت البنايات والزنج ما غير هذه الاشجار الي بشوفهن كبريين , ولا كل شي على ما هوه
    عبدالرب:- اش نسوي يا محمد بلادنا فقيره من وين نغير ومن وين نعمل لكن معي لك مفاجئه با تعجبك
    محمد:- خير , انشاء الله تكون مفاجئه ساره
    عبدالرب:- هاقد وصلنا شارع التحرير وقربنا من المفاجئه ايوووووووووووه وهذا الجسر هو المفاجئه يا محمد انت لا تشوف اش هذا الجسر العظيم الي سوته لنا الصين
    محمد:- اووووه يا عبدالرب اوجعت لي قلبي بهذه المفاجئه شوقي انك فاجئتني بربطه قات قيفي ولا تقولي ان هذا الجسر مفاجئه
    عبدالرب:- ليش يا محمد ما اعجبكشي ولا كيف عن قدوه الجسر الوحيد ذي معانا في اليمن ومحناشي مصدقين انفسنا من الفرحه ان قد معنا جسر
    محمد:- لو تعرف امريكا وكيف طرقها وشبكة الجسور فيها ما تعتبر هذا جسر , ياعبدالرب الجسور بالنسبه للمدن مثل وريد الدم في الجسم يوزع الدم على كل الاعضاء والجسور توزع سير السيارات بطريقه منظمه وما تخلقشي زحمه
    ام يونس:- افين يا محمد ان قد احنا فوق الجسر ذي كانا نشوفه ديماً يطلعوه في القناه الفضائيه اليمنيه
    عبدالرب:- يا ام يونس اكيد انه هذا الجسر قد ما معانا الا هو الوحيد في اليمن كلها , امانه بعد ما صلحوه اني طلعت من القريه عميده من شان اتفرجه وامشي من فوقه على شان اشعر اني في دوله ثانيه ..المهم يا محمد احنا قد حجزنا لكم جناح في فندق روما تمسوا اليله وبكره اذا شي معكم غرض نقضيه ونوكل على الله البلاد او ما قلت يا محمد
    محمد :- لا لا ارجوك يا عبد الرب روحنا البلاد لعاد تردنا الفندق ولا شي , انا اتضايق من الجلسه في صنعاء وبعدين ماشي معنا اي غرض ولا داعي ان احنا نمسي في الفندق
    ام يونس:- اجل السفر في الغدره يا محمد
    محمد :- فجني لنا ليش او شا يكلونا في الطريق روحونا البيت على ما قولكم
    عبدالرب:- كان توكلنا على الله واحسن نسافر الان يوم الطريق فاضيه اربع ساعات الا واحنا في البلاد وبصراحه انا يعجبني سفر اليل في البروووود
    محمد:- كني بشوف وان نصف صنعاء طافيه او هن عيوني من التعب
    عبدالرب:- والله ما في عيونك حاجه يا محمد , ان قدوه الصدق اصلهم قالو ان الكهربه فيها عجز وما تقدر تتحمل كل الحارات في صنعاء
    محمد:- وكم قد لهم على هذه الحاله
    عبدالرب:- قد لهم سنين ومنين وهم يغالطو الشعب ساعه يقولو ان قدهم في صدد تجهيز كهربه ذي تغطي البلاد كلها ,,, وساعه يقولوا با يزيدوا الكهربه الحاصله بمولدات ذي تقوي التيار الحالي والناس راقبين من خمس سنوات ولا نجدت الحكومه
    محمد:- قل لنفسك يا عبدالرب عادك لا تدور تمسينا في صنعاء قد البلاد اخرج لنا وانا اخبر
    عبدالرب:- يا عنووا قد وصلنا عند نقطة التفتيش خفف يا علي شوي شوي ونزل الطاقه حقك من شان تكلم العسكري

    علي:- مساء الخير يا افندم
    العسكري:- مساء النور اش معاكم
    علي:- معنا مسافرين من امريكا يا افندم
    العسكري:- معك الكوشن(تصريح) حق الركاب
    علي:-اصلهم اقرباء وبعدين من وين ندي كوشن في هذا الوقت يا افندم
    العسكري:- اش هذا الي فوق السياره
    علي:-هذا العفش حق المسافرين
    العسكري:- هيا على جنب ,,, وقف السياره على جنب
    عبدالرب:- ليش يا افندم خلنا نروح ,,, المسافرين تعبانين
    العسكري:- المشكله مش معك يا اخ,,,, المشكله على صاحب السياره الي تحمل لوحة اجره ومحمل مسافرين وماشي معه كوشن ويعتبر مخالف والقانون مش لعبه
    عبدالرب:- لكن من وين يجيب لك كوشن في هذا الساعه والدنيا كلها مسكره
    العسكري:- انا مالي دخل كان المفروض يخرجه في النهار مش يجلس الى اخر اليل ويجي يدي لي معاذر
    محمد:- الله يحفظك يا اخ والله ان قد كرهتوني في البلاد اول في المطار وذلحين هانا اش تشتي يا اخي
    ام يونس:- قد قلنا لك يا محمد اجل سفر اليل قلت الا قيلك والصميل
    محمد:- اسالش بالله لعاد ترفعي لي الضغط خليش ساكته
    عبدالرب:- ماعليك يا محمد انا عارف وش اشتيه هات عشرين دولار الى يدي
    محمد:- يوسف هات عشرين ياحيد ابوك ,,,ناول عمك عبدالرب
    عبدالرب:- يا عسكري تعال هانا امسك هذه عشرين دولار حق القات
    العسكري:- احرجتني والله مادام انكم طيبين بهذا الشكل تفضلوا والله معاكم
    عبدالرب:- خلاص يا محمد خلص الموضوع اركبوا ويالله توكلنا على الله
    محمد:- وليش ما قالنا ان الكوشن او التصريح هذا هو العشرين الدولار واحنا كان اديناها لعاد يتعبنا ولا يلغبنا ,,,معادوه شي اخس من ذي خذ عليا ميتين دولار في المطار
    عبدالرب :- هذه النقط التفتيشيه المفروض يسموها نقط ابن هادي حق الزعقه لانها كلها خرط ومخراطه ماهي شي نقط تفتيش سلاح على ما يقولو,, والله لو الواحد يدي لهم خمسين دولار و يجزع بقنبله ذريه ما يزيدوا الا يضربو له سلام
    محمد:- وهذه وش قديه ذي قدامنا
    عبدالرب:- هذه قديه نقطه ثانيه يا محمد عن عاد قدامنا يجي خمس اوست نقط تفتيش
    محمد :- هات يا يونس عشرين دولار افتح الطاقه يا علي وخفف السياره
    العسكري:- مساء الخير
    محمد:- مساء النور والدبور مد يدك يا افندم هذا الكوشن وشكرا لكم على هذه الحفاوه
    العسكري:- حياك الله وتسلم والله معاكم تفضلوا

    محمد:- ماهو شي الغلط غلطك هو غلط ذي من فوقك يا خساره على بلادنا ,,, يونس يا حيد ابوك هات عشرين دولار للنقطه الجايه
    العسكري:- مساء الخير
    محمد:- هذا الكوشن مع السلامه
    العسكري :- تفضلوا في امان الله
    وادرك محمد في نفسه بان قيمة القانون اليمني لا تتجاوز العشرين دولار واستمرالعطاء الى ان وصلوا على مشارف القريه وتبقى الحكايه لها تكمله على ان نلتقي بكم في الجزء الثالث والاخير من الزواج الاسري ونتائجه فابقوا معنا
     
  2.   مشاركة رقم : 2    ‏2006-01-21
  3. اليمني الجريح

    اليمني الجريح قلم ماسي

    التسجيل :
    ‏2005-02-26
    المشاركات:
    16,214
    الإعجاب :
    0
    ياسلام عليك اخي شراب النار
    فعلأً حالاً لا يسر عدواً ولا حبيب
    وتقريباً نفس الشي صار معي لمن رجعت اليمن
    وان القانون اليمني ارخص باكثر مما تتصور


    شكراً ياغالي وانتظر البقية باحر من الجمر;)
     
  4.   مشاركة رقم : 3    ‏2006-01-21
  5. مستقيل

    مستقيل قلم ذهبي

    التسجيل :
    ‏2005-08-08
    المشاركات:
    7,596
    الإعجاب :
    0
    اخي شرب النار

    قبل ما اقرا الموضوع لي تعقيب بسيط

    الاول ...........استعجلت في انزال الموضوع.............لو انتظرت حتى ينزل موضوعك الاول من التثبيت كان افضل

    الثاني........الالوان اللي اخترتها.........متعبه خاصة الاصفر.........جالي الحول وانا امر مر السحاب على الموضوع فما بالك لما اقراه بتركيز


    ولي تعقيب على ما كتبت لاحقا
     
  6.   مشاركة رقم : 4    ‏2006-01-21
  7. اعصار التغيير

    اعصار التغيير قلم ذهبي

    التسجيل :
    ‏2005-05-14
    المشاركات:
    5,665
    الإعجاب :
    0
    هههههههههههههههههههههههههههههههههههههههههههههههههههههههههه



    هههههههههههههههههههههههههههههههههههههههههههههههههههههههههه


    متعه يا اخي الله يطول بعمرك امتعتنا وموتنا ضحك واقع لا ينكره احد بالعكس قلت ما يقال في الحقيقه وصورت الاشياء باسلوب جيد وشعبي انتظرناك بفااااااارغ الصبر مشكوووووور يا مبدع بالمناسبه موضوع النقاط والرشاوي ليس لهذه الدرجه يعني الوضع اخف وهناك من يخاف الله ويراعي الظروف ويتفهم الوضع
     
  8.   مشاركة رقم : 5    ‏2006-01-21
  9. حنان محمد

    حنان محمد كاتبة صحفية مشرف سابق

    التسجيل :
    ‏2004-08-28
    المشاركات:
    15,384
    الإعجاب :
    0

    أخي الكريم شراب النار :
    قصتك رائعة تمتاز ببساطة في السرد والتدقيق على التفاصيل التي قد تكون بالنسبة للبعض أمور عادية بعد ماتعودوا عليها .. لكن بالنسبة للمغتربين اليمنيين أو الوافدين إلى اليمن أمر قبيح للغاية ..
    المأخذ الوحيد على القصة هو الألوان وكذلك عدم تصويرك للانفعالات الشخصية لابطال القصة
    أستمر في إبداعك :)
    منتظرين بقية الأجزاء
    تحياتي
     
  10.   مشاركة رقم : 6    ‏2006-01-21
  11. مستقيل

    مستقيل قلم ذهبي

    التسجيل :
    ‏2005-08-08
    المشاركات:
    7,596
    الإعجاب :
    0
    هههههههههههههههههههههههههههههههه
    هههههههههههههههههههههههه
    ههههههههههههههههههههههههه
    هههههههههه
    ههههه
    هه


    الان قريتها.......رائع يا اخي العزيز فعلا اسلوب سرد واقعي وجميل جدا جدا

    بس شكلك مقهور من العسكر.........ما عند حجة

    وبالنسبة للروائح الزكيه................ابشرك قد بعدوها.........بيت جدي في الروضه....وكانوا يحرمونا من البن الصباح............على منظر الاعناب
    بس الان..........ما عد فيش هذا الخبر...............نقلوا الروائح الى مكان اخر


    منتظرين للبقية.........ولاتستعجلش........خلي الموضوع حقة كاملا


    خالص الود واكيد المحبة
     
  12.   مشاركة رقم : 7    ‏2006-01-21
  13. الصقر_1

    الصقر_1 قلم ماسي

    التسجيل :
    ‏2005-12-20
    المشاركات:
    13,128
    الإعجاب :
    0
    ام يونس:- افين يا محمد ان قد احنا فوق الجسر ذي كانا نشوفه ديماً يطلعوه في القناه الفضائيه اليمنيه
    عبدالرب:- يا ام يونس اكيد انه هذا الجسر قد ما معانا الا هو الوحيد في اليمن كلها , امانه بعد ما صلحوه اني طلعت من القريه عميده من شان اتفرجه وامشي من فوقه على شان اشعر اني في دوله ثانيه ..المهم يا محمد احنا قد حجزنا لكم جناح في فندق روما تمسوا اليله وبكره اذا شي معكم غرض نقضيه ونوكل على الله البلاد او ما قلت يا محمد


    هذا المقطع موتنا من الضحك .. الله يسلي قلبك ..

    بصراحه رووعه وتستاهل التثبيت شهر .. صورت الواقع بأسلوب فكاهي رائع ..

    المأخذ الوحيد هو كما قال الزملاء الألوان .. عموما يا حيد أخوك منتظرين الجزء الثالث

    بفارغ الصبر ..
     
  14.   مشاركة رقم : 8    ‏2006-01-21
  15. رماد العيون

    رماد العيون قلم ماسي

    التسجيل :
    ‏2004-11-19
    المشاركات:
    44,552
    الإعجاب :
    3
    أخي العزيز شراب النار

    موضوع رائع ونقد بناء ونقل للحقيقه واضح وجلي
    أبدعت في السرد وترتيب الأحداث

    وأتيت بما يستحق القراءه والمتابعه
    لما فيه من واقعاً مر

    أخيراً نقول لك شكراً على المجهود
    وبكل شوق ولهفه ننتظر منك الجزء القادم




    تحية وسلام ..
     
  16.   مشاركة رقم : 9    ‏2006-01-22
  17. هاروت

    هاروت قلم ذهبي

    التسجيل :
    ‏2005-04-29
    المشاركات:
    5,944
    الإعجاب :
    0
    هههههههههههههههههههههه

    وكما كنت اترحل معك يا صديق العمر ... فها انا ذا اترحل معك من جديد في خيال قصتك الجميلة والملموسة من واقع يمني مرير .. لا يسعني ختاما الا ان اقول مبدع بل في قمة الابداع
    ومنتطرين التكملة للقصة

    ومع السلامة
    يا هاروت
     
  18.   مشاركة رقم : 10    ‏2006-01-22
  19. شراب النار

    شراب النار عضو نشيط

    التسجيل :
    ‏2005-05-09
    المشاركات:
    399
    الإعجاب :
    0
    تسلم اخي اليمني الجريح على مرورك
    وانا سعيد بان الموضوع نال على استحسانك

    وهكذا يبقى وضعنا اليمني
    الى ان يصحي ضمير الزعيم او يهلك ويخلفه الله رجل يتقي الله في شعبه

    لك مني خلص الود والاحترام
     

مشاركة هذه الصفحة