هذه القصيدة - رثا في الوالد المرحوم نصر السحاقي من كلماتي

الكاتب : عاصم السحاقي   المشاهدات : 546   الردود : 7    ‏2005-10-10
      مشاركة رقم : 1    ‏2005-10-10
  1. عاصم السحاقي

    عاصم السحاقي عضو

    التسجيل :
    ‏2005-05-15
    المشاركات:
    108
    الإعجاب :
    0
    [poem=font="Arial,6,white,normal,normal" bkcolor="transparent" bkimage="backgrounds/21.gif" border="double,4,red" type=0 line=0 align=center use=ex num="1,red"]
    أبدع بمـن عليـه الكـل اتكـل=الله ربــي جـلـت قـدرتـه
    هو خالق الكون وحـده لاجـدل=والكل له ساجد حتى صخرتـه
    والدنيـا لـه سبحانـه باتظـل=وأحنـا ماضييـن فـي سنتـه
    لي عـاش 100 سنـة أودبـل=بايـكـون الـمـوت نهايـتـه
    واللي عاش في الدنيـا وغفـل=ونسـي كـلام ربـه وملـتـه
    وظن أن الدنيـا لهـو وهـزل=باينـدم نـدم عـلـى غفلـتـه
    ومايفيـد النـدم بعـد الفـشـل=يوم الروح تنزع وتحفر حفرته
    وارحمنـا يالله يومـاً تـظـل=أجسامنا تحت الأرض محوتـه
    يوماً نحاسب على القول والعمل=يـوم السائـل يبـدأ بأسئلـتـه
    المؤمن يجاوب من دون جـدل=والكافر يلقـى العـذاب وشدتـه
    والحمـدالله ربـي لـم يــزل=خيـره علينـا دايـم ونعمتـه
    وصلي الاف عدد ما الهلال هل=على النبـي ذي القلـوب حبتـه
    محمد المصطفى ذي قـد بـذل=جهوده في نشر دينـه ودعوتـه
    قال الفتى السحاقي يوم رحل=ملك بني سحـاق فـي رحلتـه
    رحيلـه هـذا هــز الجـبـل=وأبكى ياناس الصخور الصامته
    وكـن العالـم صابـه خـلـل=أو هـزه أرضـيـه هـزتـه
    أبوي ذي شغل فكـري والعقـل=وأحـرق فـؤادي بعـد غيبتـه
    مانـا مصـدق بـذي حصـل=كنـه كابـوس طالـت مدتـه
    حالنا في ليله تحـول وأحتـول=من راحـة القلـب لا ضيقتـه
    راح الـذي كـان للوفـا مثـل=ذي ماشي أصفـى مـن نيتـه
    ذي كان يحب الصراحه لا الحيل=والـف والــدوران كرهـتـه
    ذي كان يحب الخيـر والعـدل=ويكـره الظـلـم وقسـاوتـه
    ذي محد منه شكـى ولا زعـل=ولا قال نصر زعلنـي بكلمتـه
    ذي لا جاه الضيف أشرق وهل=ومثـل الهـلال تكـون هلتـه
    ذي كان كلامـه يقطـر عسـل=لـو يسمعـه العليـل داوتــه
    ذي كـان عقلـه يـوزن جبـل=وماشـي واحـد فـي حنكتـه
    ذي كان شاعر وفي شعره يقـل=أحلى الحكم والمعانـي الثابتـه
    ذي كـان كالبحـر محتـمـل=مراكب وأثقـال فـي غربتـه
    صابر صبـر آيـوب والجمـل=ومثل الاسد كـان فـي قوتـه
    راسه طنن بالعز مرفوع مانزل=الا لرب الكـون فـي سجدتـه
    أبـوي ذي بالمعنـى شـمـل=كل صفات الوفا فـي حوزتـه
    ذي كـان لنـا شمعـة أمــل=هبت ريـاح المـوت وأطفتـه
    ذي مـات موتـة ملـكً عـدل=والان بحكـي لـكـم قصـتـه
    يوم الاثنين تروح مـن العمـل=وهـو فـي كامـل صحـتـه
    يضحك مـع عيالـه والاهـل=فجـأه ألــم فــي رقبـتـه
    قلنا يمكن عصبـه مـن عمـل=أو يمكن من سوء فـي جلستـه
    فجـأه قـام تسبـح وأغتـسـل=ورجـع ينـدرب فـي فرشتـه
    ماسمعنـا الا صوتـه يـهـل=تعالوا زاد الألـم فـي قسوتـه
    قالـي قــم وروح أتـصـل=بعمـي محسـن أكبـر أخوتـه
    عمي محسن ذي عـاده وصـل=ماشي فرق بينه وبيـن غرفتـه
    أنا اللـي ماسكـه فجـأه نطـل=ناديت عمي ألحق شـف حالتـه
    خذناه للمستشفـى فـي عجـل=طاهـر مطـهـر بجلابيـتـه
    وأنا بقيت فـي البيـت مشتعـل=أدعـي ربـي يخفـف علـتـه
    فجـأه وأذا أبـن العـم دخـل=قالـي يلـه بيتهـم وحـارتـه
    حسيت من كلامه شيئاً حصـل=من كثر الاتصـالات ذي جتـه
    وساعة دخولي بيتهـم ياعـول=سمعت بكى عمـي وصرختـه
    يقول نصر أخوي مات وأرتحل=ياجلي وين أخوي وين ضحكته
    أنا اللي سمعته قلبي ما أحتمـل=صار يدق أسـرع مـن دقتـه
    وحسيت جسمـي صابـه شلـل=وكن عظامي صـارت مفتفتـه
    وأمست دموعي مثل سيل الجبل=تبكـي علـى فراقـه وفرقتـه
    الا ياقلبـي أصبـر وأحتـمـل=هـذه أرادة ربـي وحكمـتـه
    عـن البكـى ماياتـي بـحـل=ولا يـرد مـن مـات لادنيتـه
    والله لو ان البكـى كـان حـل=لسقت دموعي العالـم واروتـه
    لكن هـذا حكمـه عـز وجـل=واحنا عبيـده وتحـت أمرتـه
    وابوي في اعماق قلبي بايظـل=ولا تمتحي من عقلي صورتـه
    ومـن بعـده بتحمـل الثـقـل=وأصبـر وانـفـذ وصيـتـه
    ويارب ارحمه وفي الجنه يظـل=بين الورود والزهـور النابتـه
    والحمـد لـه ربـي لـم يـزل=خيـره علينـا دايـم ونعمتـه
    وصلي الاف عدد ما الهلال هل=على النبـي ذي القلـوب حبتـه
    محمد المصطفى ذي قـد بـذل=جهوده في نشر دينـه ودعوتـه
     
  2.   مشاركة رقم : 2    ‏2005-10-10
  3. نمرالكور

    نمرالكور الشيخ محسن العولقي (رحمه الله)

    التسجيل :
    ‏2003-07-17
    المشاركات:
    1,251
    الإعجاب :
    2
    جبر الله مصابكم
    ورحم الله فقيدكم
    وشكرا على المرثاه
    فالمراثي هي القصائد الوحيده التي
    لا يغش فيها الشاعر
    بل تاتي في لحظات صدق ويصيغها الحزن
    صياغه حقيقيه
    شكرا اخي الكريم
    وشهر مبارك
     
  4.   مشاركة رقم : 3    ‏2005-10-10
  5. عاصم السحاقي

    عاصم السحاقي عضو

    التسجيل :
    ‏2005-05-15
    المشاركات:
    108
    الإعجاب :
    0
    يعطيك ألف عافية يا أخي نمر الكور ولك مني خالص الشكر والتقدير - وكل عام وأنت بألف خير وشهر مبارك
     
  6.   مشاركة رقم : 4    ‏2005-10-10
  7. أحمد العجي

    أحمد العجي قلم فضي

    التسجيل :
    ‏2002-07-04
    المشاركات:
    4,356
    الإعجاب :
    0
    عزيزي عاصم صح لسانك وسلمت يمينك و رحم الله والديك وغفرله انشاء الله وجعل الجنة مثواه قصيدة رائعه ومعبره وكيف لا وهي في اغلى انسان عندك والدك نصر محمد علي عباد اسحاق والنعم فيك وفي عمك محسن وبني اسحاق الكرام خالص الود لك ياعاصم.
    أحمد العجي
     
  8.   مشاركة رقم : 5    ‏2005-10-10
  9. عاصم السحاقي

    عاصم السحاقي عضو

    التسجيل :
    ‏2005-05-15
    المشاركات:
    108
    الإعجاب :
    0
    أشكرك من كل قلبي أخي أحمد العجي ولك مني كل الود والأحترام ، ويعطيك ألف عافية يالقلم الذهبي
     
  10.   مشاركة رقم : 6    ‏2005-10-13
  11. عاصم السحاقي

    عاصم السحاقي عضو

    التسجيل :
    ‏2005-05-15
    المشاركات:
    108
    الإعجاب :
    0
    أشكرك من كل قلبي أخي أحمد العجي ولك مني كل الود والأحترام ، ويعطيك ألف عافية يالقلم الذهبي
     
  12.   مشاركة رقم : 7    ‏2005-10-20
  13. عاصم السحاقي

    عاصم السحاقي عضو

    التسجيل :
    ‏2005-05-15
    المشاركات:
    108
    الإعجاب :
    0
    يعطيكم ألف عافية جميعا غلى هذه الردود الطيبة ولكم مني خالص الشكر والتقدير
     
  14.   مشاركة رقم : 8    ‏2005-10-20
  15. ابن العجي

    ابن العجي عضو

    التسجيل :
    ‏2005-10-04
    المشاركات:
    85
    الإعجاب :
    0
    الله يعطيك الف عافيـه
    على هذا المجهـود الرائـع
    وعلى هـذي الابيـات الرائعـــه

    اخوك
    ابن العجي
     

مشاركة هذه الصفحة