كلنا الحاج متولي...شئنا أم أبينا...

الكاتب : h_sanafi   المشاهدات : 399   الردود : 3    ‏2002-03-24
      مشاركة رقم : 1    ‏2002-03-24
  1. h_sanafi

    h_sanafi عضو فعّال

    التسجيل :
    ‏2002-03-24
    المشاركات:
    614
    الإعجاب :
    0
    بشكلٍ أو بآخر..كلنا ذللك الرجل الذي ارتبط بأربع..
    قد يستغرب البعض كلامي وقد يغضب مني البعض..ولكن ليش ما نخلي العتب بعد قرائتكم للباقي..يمكن تغيرون رايكم...من يدري؟؟

    كان فيه رجل غني (يعني الله فاتحها عليه من كل صوب) وكان متزوج من أربع نسوان (اقعد يا متولي)

    الزوجة الرابعة:
    يحبها بشكل غير طبيعي...مدلعها ولا يرد لها طلب..مزينها ومخليها أحلى ما تكون... طبعاً يعاملها معاملة خاصة جداًجداًعشان ما تزعل عليه...

    الزوجة الثالثة:
    يحبها بعد..فخور واجد فيها بين زملائه وأقرانه (يعني كاشخ فيها بين ربعه) ...لكن دايم يخاف إنها تروح مع رجل غيره.. ..

    الزوجة الثانية:
    وهاذي بعد محبوبته...يحترمها ويقدرها..وهي اللي إذا صار له انتكاسة والا مكروه يلجأ لها عشان تساعده. ..وعمرها ما خيبت ظنه فيها...

    الزوجة الأولى:
    مسكينة...هي الوفية اللي صابرة عليه وساعدته في إنه يكوِن نفسه...تصدقون ما يحبها وهي مسكينة تموت فيه...ولا طاق لها أي اعتبار...

    في يوم مرض هالغني البطران و شاف إنه مودع بيموت....قال لنفسه يا ولد أنا رايح رايح من هالدنيا خلني أشوف حريمي الأربع من ودها تخاويني؟؟؟

    عرض عليهم( كل واحدة لحالها) إ نها تخاويه وذكرهم باللي كان يسوي عشانهم.....لكن كيف كان رد كل واحدة منهم؟؟؟؟

    الرابعة: مالك أمل أروح معك....في المشمش وراحت عنه و خلته...
    الثالثة: لا لا....الحياة حلوة....أنا باخذ غيرك..من الحين علمتك...
    الثانية: آسفة حبيبي ما أقدر هالمرة...كل اللي أقدر أسويه لك إني أوديك إلى قبرك....

    وفجأة سمع صوت يناديه... أنا اللي راح أخاويك وين ما يكون دربك...
    التفت وشاف الا هي زوجته الأولى ...وجهها شاحب وجسمها هزيل...

    فقال: أنتي اللي كان المفروض أهتم فيك من زمان لمثل هاليوم....

    في الحقيقة...كلنا مثل هذا الرجل...عندنا أربع؟؟؟

    الزوجة الرابعة: أجسامنا..ما يهم وشكثر نهتم فيها ونسوي لها...بتروح وتخلينا...
    الثالثة: المتاع و الغنى والمال...بيروح لغيرنا...
    الثانية: الأهل والأولاد...أقرب ما يكونون إذا وقفوا على قبرك...
    الأولى: شيء لا نراه..إنها أرواحنا....وين ما نروح تجي معنا...

    هاذي القصة أقدمها لكم دون تعليق...
     
  2.   مشاركة رقم : 2    ‏2002-03-24
  3. النعمــــــان

    النعمــــــان قلم ذهبي

    التسجيل :
    ‏2001-08-26
    المشاركات:
    5,305
    الإعجاب :
    544
    يا اخي كن انت لوحدك الحاج متولي ولا تضمنا اليك :


    سيبنا نعيش ههههههههههههههههه
     
  4.   مشاركة رقم : 3    ‏2002-03-24
  5. الصـراري

    الصـراري مشرف سابق

    التسجيل :
    ‏2001-09-01
    المشاركات:
    12,833
    الإعجاب :
    3
    يرحم والديك ..
    ما أروع ما أتيت به :)
    لآلئ وجواهر ..

    تقبل خالص التحية ..
    :rolleyes: :eek:
     
  6.   مشاركة رقم : 4    ‏2002-03-26
  7. jemy

    jemy عضو متميّز

    التسجيل :
    ‏2002-03-26
    المشاركات:
    1,426
    الإعجاب :
    0
    لاتحكم

    لاتحكم
    على الناس مهما كانت وجهت لأنها قد تكون صح ولا



    والناس أجناس


    ولا تفهمني


    غلط كل يناظر الناس بهين طبعه
     

مشاركة هذه الصفحة