لكل بنت مقهوره من اخوها وتشتي تنتقم

الكاتب : رواي انت   المشاهدات : 1,503   الردود : 39    ‏2005-10-02
      مشاركة رقم : 1    ‏2005-10-02
  1. رواي انت

    رواي انت عضو فعّال

    التسجيل :
    ‏2005-06-11
    المشاركات:
    799
    الإعجاب :
    0
    [grade="8B0000 FF0000 FF7F50"]السلام عليكم ورحمة الله وبركاتــه

    عندي دروس خطيره لا تفوتكم يا بنات .. شوفو اللي مقهوره, واللي تشتي تنتقم , واللي تشتي ترفع ضغط اخوها تتبع

    هذي الخطوات والله يقويكم......

    *** عند التلفزيون ***

    لا صارت فيه مباراه , والاخ متحمس اقطعي هذا الحماس وكيف؟!
    انا اقولك ..

    شوفي اذا صار مبقق عيونه وماهو جنب احد يعني لو تجيبي صاروخ تفجريه قدامه مالتفت لك اعرفي انه منسجم ,

    هنا بس تقومي بشغلك.. وتسوي نفسك بنت حمشه

    وروحي جيبي قطعة قماش وبخاخ للتنظيف وأوقفي عند التلفزيون وامسحي الشاشه ولا تعطيه فرصه يشوف تمام ,

    لا قال: ابعدي. قولي ماني فاضيتلك بنظف وامسح ، وبعدين روحي جيبي المكنسه واكنسي المكان اللي هو فيه وحاولي من لحظه للحظه تكنسي قدام التلفزيون وغطي عليه.. ولا يهمك احد..

    واذا قال: ابعدي لاادي لك كف على وجهك بالكاس قولي ابعد بيجو ضيوف . . العبي عليه حتى لو ما جايكم احد , والا سوي نفسك جالسه وتذكرتي ان الكيك بالفرن احترق قومي واقفزي لمن توصلي للفيش وامصعيه برجولك ولا تلتفتي وراكِ..


    *** عند النوم ***

    لا صار التمساح يشخر.. نكدي عليه نومه وكيف؟! ادخلي عليه اطفالكم على اطفال جيرانكم وسكري الباب عليهم وخليهم يلعبو بغرفته ويتقفزوا على راسه .. اذكري ان اطفالنا احباب الله خخخخخخخ

    والا تعالي وهو في سابع نومه وارجفيه ذيك الرجفه اللي يفز مايدري عن نفسه الا وهو جالس وبكل برود قوليله اشتيك توصلني عند صاحبتي ....


    *** اذا المزاج صفر ***

    اذا شفتيه ماله نفس وموش رايق ومقفله معه لا تخافي بالعكس هذي فرصتك تنتقمي منه يعني تحرشي فيه خلي دمك ثقيييييييييل بالمزح

    بس انتبهي في هاللحظه راقبي حركات يده لان ممكن يرمي أي شيء قدامه بوجهك ولازم تصيري مجهزه مفتاح الغرفه.. ماتدري الحكايه يا غالب يا مغلوب خخخخخخخخ

    المهم.. اضحكي على شكله والا على جلسته والا على لبسه .. هو بيقول ماني فاضي للهدار ولا رايق لك وخري عني , انتي لا تسكتي قوليله واذا ماوخرت وجهي ايش بيصير

    عاد هو بيقوم ويوريك ايش بيصير على كيفك انتي في هذا الوقت اقضبي اول درجتين توصلك لغرفتك وطلي عليه من فوق وقوليله ههههههههههههاااااي اهم شيء رفعت ضغطك وقومتك من جلستك



    عادي .. عادي وان وقعتي جاهله ايش فيها اهم شيء تحقيق الغايه اللي هي (( تفجير الامبير )) واهم شي بعد الاخلاق لاهنتي خخخخخخخ

    *** وقت المضرررررررررررررررررابه ***

    لا جاء يوم وبراسك حرش وتشتي تضاربي انتي والتمساح لازم تجهزي نفسك من كل ناحيه:

    1/ اللبس: لازم تلبسي بنطلون خخخخخخخخخ علشان يسهل الركض


    2/ الشوشه لازم تلمينها وتسوي حفله براسك ذاك اليوم تحطي انواع الشباصات والمغاطات وانتبهي ولا خصله تنزل منك,

    وياليت يكون ذاك اليوم حاطه براسك حناء علشان مايتجرأ ويلمس شعرك <==== ابن أمه يجيب مثل هذا التفكير

    3/ مفتاح الغرفه ولميه الاحتياط واجب

    اذا بدت المعركه حطي راسك براسه ولا تبيني له انك خايفه وبققي عيونك فيه وقوليله ايش براسك عاد هو هنا بيقولك هذا اللي براسي طراااااااااااخ الا ومخمس مصفي طبلونه ,

    لا تستسلمي عطيه بوكككككككس على عيونه الثنتين علشان مايشوفالذي قدامه وهربه لكن خفي رجلك
    .
    وعلى طووووووووول لغرفتك اللي مجهزة مفتاحها من قبل واقفلي عليك .. ويادار مادخلك شر بس نصيحه اجلسي يومين لايشوفك ولا تشوفيه لانه يشتي ينتقم لكرامته وبيوريك النجوم في عز الضهر




    على فكرة انا مالي دخل اذا وقع بكم شي
    خخخخخخخخخخخخخخخخخخخخخخخ[/grade]
     
  2.   مشاركة رقم : 2    ‏2005-10-02
  3. هارون

    هارون قلم فضي

    التسجيل :
    ‏2005-02-02
    المشاركات:
    3,279
    الإعجاب :
    0
    تحريض ههههههههههههههههههههههههههههه
    احذروا يا شباب وخلوكم اكبر منهن يعني كيف اقو ل لكم وماله

    اذا انت بتشاهد ومنسجم وهي جت وانت حاسس ان جيتها مش طبيعيه كالعاده على طول كف على وجهها وقل لها وتضحك عليها وقل خليها تمسح دموع رواي انت


    المشهد الثاني تضحك على ثيابك برضوه كف لا تتعامل الا هكذا تقدم شكاوي الى الوالد قل له انا معي حق الفيتوا ههههههههههههه منم اجل ردع نصائح رواي انت

    الثالث هربت وتمكنت من الوصول الى غرفتها اسرع منك وانت عراف الاسباب ليش سبقتك يا احمره التدخين هههههههههههه على العموم هذا اكيد سوف تسبقك حتى لو كنت مثل الحصان انت مثل عليها انك خرجت من البيت لما تامن وبعيدن تسلل بس انتبه تشعر انك سارق وتسرق بيتكم هههههه تسلل وكفان الاول حق السباق والثاني غرامه


    الرابع اذا ما خلتك تنام وعيال الحاره عندك واخوتك الصغار نكدوا عليك لا تضربهم لانهم صغار يرحموا انت اعمل الاتي هنا مهمة خطيره بعد ما اولع خبه شجارة اقل لك لحظة































































    اختطفهم واعلن انك لن تخرجهم الا لما هي تجي تستلمهم عندها ثلاث كفوف يمين شمال شمال


    وادعي لي على فكرة اذا ابوك ضربك لانك زيدة بها تعال ابكي عندي
     
  4.   مشاركة رقم : 3    ‏2005-10-02
  5. رواي انت

    رواي انت عضو فعّال

    التسجيل :
    ‏2005-06-11
    المشاركات:
    799
    الإعجاب :
    0
    [grade="DEB887 D2691E A0522D"]هارون صلي علييييييييييييييييه
    كله كف وكفوووووووووووووووف مالك هذي قديه ملاكمه ماعدوش محنابه
    احنا قلنا ننتقم ونتحرش ، وانت قلبتها مصارعه حره
    لكن حالي خيالك واسع يا مذيييييييييييع
    ماخليت شي ياهارون نشره وتعليقات وكلهن مابقيت لنا شي
    الى الأمااااااااااااام [/grade]
     
  6.   مشاركة رقم : 4    ‏2005-10-02
  7. The Brother

    The Brother قلم ذهبي

    التسجيل :
    ‏2004-04-18
    المشاركات:
    7,381
    الإعجاب :
    0
    ايش معنى الاسم ( والمعذره )

    راوي نت


    راوي انت؟؟
     
  8.   مشاركة رقم : 5    ‏2005-10-02
  9. نورس اليمن

    نورس اليمن عضو فعّال

    التسجيل :
    ‏2005-06-09
    المشاركات:
    765
    الإعجاب :
    0
    اختي رواي انت، اولاً
    [​IMG]
    ماشاء الله عليكِ عودة جامدة ايش عادكِ خليتِ ياراوي انت؟؟؟؟
    رمضان كريم
    :)
     
  10.   مشاركة رقم : 6    ‏2005-10-02
  11. رواي انت

    رواي انت عضو فعّال

    التسجيل :
    ‏2005-06-11
    المشاركات:
    799
    الإعجاب :
    0
    اخي الفاضل ليت انه ديلما هنا كان شرح لك
    ولكن رواي = الأرتواء
     
  12.   مشاركة رقم : 7    ‏2005-10-02
  13. رواي انت

    رواي انت عضو فعّال

    التسجيل :
    ‏2005-06-11
    المشاركات:
    799
    الإعجاب :
    0
    نورس ماشاء الله بتلاحقني بكل المشاركات
    شكرا اخي على الترحيب مره اخرى وحياك :)
     
  14.   مشاركة رقم : 8    ‏2005-10-02
  15. دايم السيف

    دايم السيف عضو

    التسجيل :
    ‏2005-03-24
    المشاركات:
    78
    الإعجاب :
    0
    الله هم احفظ اولاد المسلمين من كيد النساء :)
     
  16.   مشاركة رقم : 9    ‏2005-10-03
  17. نورس اليمن

    نورس اليمن عضو فعّال

    التسجيل :
    ‏2005-06-09
    المشاركات:
    765
    الإعجاب :
    0

    العفو اختي اذا تعتبرين هذه ملاحقة وساوقف مداخلاتي حالاً في مشاركاتك
    اشكر تكرمك بالرد والعفو عند المقدرة ورمضان كريم
    :)
     
  18.   مشاركة رقم : 10    ‏2005-10-03
  19. رماد العيون

    رماد العيون قلم ماسي

    التسجيل :
    ‏2004-11-19
    المشاركات:
    44,552
    الإعجاب :
    3
    مبين على اللوبي حق البنات بدأ يسيطر على الوضع

    الله يستر .. الحكايه فيها تخطيط ودراسة

    هههههههههههههههههههههه







    [​IMG]

    تحية وسلام ..
     

مشاركة هذه الصفحة