على ذاك الطريق اللي يسمونه غرام احباب

الكاتب : الزعيم ابو العز   المشاهدات : 457   الردود : 3    ‏2005-09-07
      مشاركة رقم : 1    ‏2005-09-07
  1. الزعيم ابو العز

    الزعيم ابو العز عضو

    التسجيل :
    ‏2005-08-08
    المشاركات:
    86
    الإعجاب :
    0
    على ذاك الطريق اللي يسمونه غرام احباب
    وطت رجلي على دربه و لا ادري وش نوى فيني

    تبعته لآخر دروبه الين ان القمر قد غاب
    تعب قلبي و لا تعبت مسافات توديني

    لقيت الليله الجردا هدب ظل و سما و أعشاب
    بعد ذاك الظلام اللي يتوهني عناويني

    صدفتك معجبه فيني و يا ليت الغرام أعجاب
    و تراك انتي الهنوف اللي هقيتك تستحقيني

    عطيتك عشق من قلبي و سلمت لغلاك أرقاب
    و غيرك يحترق قلبه و لا يقدر يحاكيني

    أنا قبلك صدفت عيون لكن وش جاب لجاب ؟
    ترى كل العيون اللي لقتني ما تكفيني

    رماني حظي العاثر عليك و جيت لك طلاب
    ولا انتي اللي عشقتيني ولا انتي اللي عتقتيني

    تعالي و أرحمي ذاك الخفوق المولع المرتاب
    مهب لأجلي عشان الله يجازيك و يجازيني

    تعدى في سما عشقي و لو عشقي خراب أصحاب
    و صوني بالهوى نفسك قبل لا انتي تصونيني

    ووشيليني على متنك خفوق باري منصاب
    و من فوق الغرام العذب شيليني وحطيني

    و الى منكوهقيتيني شجاع و ما يطيق يهاب
    أنا لك بالهوى و الله مثل منتي هقيتيني

    أنا ما أمشي ورا غيرك ولو انه يطق الباب
    و ترى عيب علي أطعن و لو كثرت سكاكيني

    زهود ما يطيق الدم لا داين و لا طلاب
    شجاع و عارف نفسي وأظن انك تعرفيني

    غيور ما عرفت أضحك مع الغدر فبرود أعصاب
    أبيع عيوني الثنتين قبل أنك تخونيني

    و أن اشتد الغرام أترك خفوقي بين ناب و ناب
    لفرقا تكسر ضلوعي و لا عشق يوطيني

    أنا رجل و لي غيره و اذا اشتد الهوى كذاب
    تثور بقلبي الفزعه و لا تهدا شياطيني

    سؤالك لو يزعزع بي كياني ما قبلت اعتاب
    أجي لك و أسألك نفس السؤال اللي سألتيني

    عن العشق القديم أبواب تقفيها كثير أبواب
    بعد ذاك الحبيب اللي خدعني و انخدع فيني

    أبي عشق تحسب له كل نظرات العيون حساب
    و أبي قلب على قلبي و أبي دين على ديني

    و أبي نظرة عطا توفي و لا تخلف بدون أسباب
    و أبي منك قبل لا انتي تصديني توديني

    و أبي درب على العذال صعبٍ متعبٍ غلاب
    و أبي نفس الطريق الصعب يبعدهم و يدنيني

    ترى لو للقلوب عيون و لدموع العيون أهداب
    حشا ما تنزل الدمعه لغيرك لو تركتيني

    أنا أول من عرف قدرك و أنا توي صغير وشاب
    و أبي منك ما دام انك عرفتيني تحبيني

    مادام اني لقيتك في طريق أسمه غرام أحباب
    دخيل الله وبعد الله دخيلك لا تخليني

    مادام ان كل من يحيى على وجه التراب تراب
    عسى تنساني الدنيا دام انتي ذكرتيني
     
  2.   مشاركة رقم : 2    ‏2005-09-07
  3. غلبي

    غلبي عضو

    التسجيل :
    ‏2005-08-31
    المشاركات:
    43
    الإعجاب :
    0
    صح لسانك يازعيم


















    بس كيف اثنين زعماء في وقت واحد انت وعفروت ..
    مابلا حددوا منوه الزعيم
     
  4.   مشاركة رقم : 3    ‏2005-09-08
  5. شريف

    شريف شاعر شعبي

    التسجيل :
    ‏2004-05-15
    المشاركات:
    3,193
    الإعجاب :
    0
    ممتااازه أخي الزعيم أبو العز وأختياار ذوق لهذه القصيده
    القويّه والرائعه بس ليه ماذكرت انها للشاعر الشاب والكبير
    حامد زيد ..!! عشان اللي ماهو عارف يعرف ..عموماا أنت رائع
    وأختيارك يدل على روعتك وتذوّقك الجميل للشعر ... وتسلم
    شريف
     
  6.   مشاركة رقم : 4    ‏2005-09-08
  7. الزعيم ابو العز

    الزعيم ابو العز عضو

    التسجيل :
    ‏2005-08-08
    المشاركات:
    86
    الإعجاب :
    0
    عفوا اخي شريف صح الكلمات لحامد زيد
     

مشاركة هذه الصفحة