عجوز تتحدى ابليس

الكاتب : knockout   المشاهدات : 417   الردود : 5    ‏2005-08-30
      مشاركة رقم : 1    ‏2005-08-30
  1. knockout

    knockout عضو فعّال

    التسجيل :
    ‏2005-07-26
    المشاركات:
    729
    الإعجاب :
    0
    السلام عليكم ورحمه الله وبركاته


    بصراحه قريت هذي القصه بمنتدى وحبيت أشاركم فيه لاننا مت ضحك على دهاء وخبث العجوز خاصه والسحالي عامه



    ننتقل الى القصه :-


    كان فيه أمراة عجوز قاعدة بروحها

    وفجأة طلع لها ابليس ………(لقافه ….يبي يتحرش ) العجوز خافت وسمت بالرحمن …قالها ابليس :أنتي يا مخرفة تظنين نفسك داهيه؟؟؟؟

    العجوز: إيه أنا داهيه ……….. والنساء كلهن كيدهم عظيم خاصة العجايز

    أبليس: أنا أتحداك……..وبنشوف مين كيده أعظم …..العجوز ولا أبليس

    العجوز :خلاص أنا بسوي (طعه) مشكله وأنت راح تحلها واذا ما قدرت أنا راح أحلها

    وراح أفوز بالرهان. (الرهان سن للعجوز و حذيان في قفا أبليس )

    أبليس : Ok Lates Go

    راحت العجوز حق واحد من( العربجيه) هالبطاليه اللي ما عندهم شغل ويا كثرهم

    وقالت أنا بشغلك عندي فترة معينه بس……. اذا تبي فلوس لا تتدخل ولا

    تتكلم .(وافق الشاب لأنه طفش من البطاله ويبي فلوس ).

    راحت العجوز ومعاها الشاب لمحل قماش وقالت له أنتظرني عند باب المحل …دخلت المحل وخذت قماش غالي وراحت تكاسر تاجر القماش

    العجوز: رخص يا بن الحلال … ولا صنجتك بعين لو ويت رجولك

    التاجر :اذا أنتي ما عندك فلوس أخذي شيء أرخص (قماش بعشرة و لا استشوار لشعرك الطاير )

    العجوز : ما أقدر ….لازم ولا يصير شيء ما صار

    التاجر :ليش ؟؟ …..لهالدرجه …..شسالفه؟؟

    العجوز:شفت الشاب اللي واقف عند باب المحل ..هذا ولدي ..يحب له وحده متزوجه وهي تحبه ولما تتطلق من زوجها …ولدي بيتزوجها

    وهو قالي أن عارضتي الزواج بأطردك من البيت وأمرني أني أشتري قماش

    غالي عشان يعطيها حبيبته ولا راح يطردني من البيت مع أن البيت بالأساس

    بيتي ولكني غلطت وكتبته بأسمه(العجوز تبكي) كذوووووووب..

    التاجر: خلاص هونيها وتهون والله كسرتي خاطري ….خلاص أنا بأعطيك القماش ببلاش….وعسى الله يواجرني

    العجوز طلعت مستانسه (فاكه فمها اللي مافيه سنون) وقالت حق الشاب روح البيت

    و بعدها راحت العجوز لبيت زوجة تاجر القماش وطقت الباب وطلعت الزوجة

    العجوز:آه يابنيتي أنا تعبت بالطريق و ما أقدر أكمل ممكن أقعد عندك أرتاح

    خمس دقايق .

    رحبت الزوجة ودخلتها وأكرمتها وجابتلها شاي

    العجوز:مشكوووووورة ما تقصرين ان شاءالله أردها لك (تعمدت تنسى القماش ) وطلعت.( أهب عليها)

    الزوجة:ياحراااااام نست قطعة القماش …أكيد بترجع بعد شوي وتاخذها

    بروح أحطها بالدولاب.. (ولو درت عن المصيبه اللي بتسويها كان خنقتها بالقماش )

    تاجر القماش رد لبيته وتغدى ذاك الغدا السنع ونام شوي .قام العصر وفتح الدولاب بغير ملابسه عشان يروح محله ……مفاجأة ( يا إلهي ماهذا فاااار)

    (عفوا) قطعة القماش ؟؟؟؟؟؟؟!!

    وعرف أن المرأة اللي يبيها ولد العجوز هي زوجته يعني تخونه

    قام عليها وطقها وطردها بالشارع بالهدوم اللي عليها.

    الزوج : أطليعي برا أطلعي... دانتي نهارك منيل

    الزوجة : مأدرش مأدرش ولادي حبايبي الارانب حاأتي

    العجوز كانت تنتظر هاللحظه في أخر الشارع فراحت لها تركض ( تخيلو المنظر )

    العجوز: وش فيك يا بنيتي ليش تبكين؟؟؟

    الزوجه : زوجي طردني …وما عطاني فرصه أتكلم .

    العجوز: خلاص أنا بأوديك بيتي وأنا بروح أحل المشكله

    راحت العجوز لبيتها ودخلت الزوجه في غرفة بينما الشاب كان في غرفه ثانيه( ينتظر الفلوس الرجال..ماشاء الله ) وأمرته أنه ما يطلع منها .

    راحت العجوز للشرطه تبكي وتقول :كنت قاعدة في بيتي وفجأة (طلع زوجي من القبر يبغى قهوه)

    أقصد.... دخل رجل ومعاه مرأه وقعدوا ببيتي حاولت أطلعهم ما قدرت (أحتلوا بيتي ) ( لاااا القدس لنا )

    ذهبت الشرطه وقبضت على الشاب والزوجه ….وقطوهم بالسجن.

    العجوز: ها ها وش رايك يا أبليس ؟؟ دورك اللحين حل المشكله أبن أمك حلها

    أبليس : يا بنت اللذين نكبتيهم يرحم أمك طلعيهم

    العجوز: أنا راح أحلها وكأن شيء لم يكن . وراح أربح الرهان ( السن الذهبي )

    راحت العجوز تزور الزوجه بالسجن وقالت لها :أنتي ساعدتي مرة

    وأنا اللحين بأساعدك …..يله ألبسي عباتي وغطي نفسك وأطلعي من السجن كأنك أنا وأنا بأقعد مكانك.

    الزوجة:مشكووورة ….لكن أنتي ؟؟؟

    العجوز: مالك شغل مثل ما طلعتك بطلع نفسي.

    تمت عملية الهروب بنجاح…. ( رامبو )

    الوالي أمر الحراس يحضرون المسجونين عشان يحكم عليهم

    حضرت العجوز والشاب وقال لهم الوالي :ليش قابضين عليكم وشو مسوين؟؟ ( هات بيبسي يا عسكري من البقاله )

    ردت العجوز:احنا ما سوينا شيء كنا قاعدين ببيتنا أنا وولدي ولا الشرطه

    طابه علينا وماخذينا السجن . ( جيبلي معاك واحد حليب تكفى ).. العجوز شحادة..

    عصب الوالي وهزأ الشرطه( يخرب بيوتكم ) وما عطاهم فرصه يتكلمون ويقول:غلطانين وتبون تتكلمون.شين و قوات عين

    طلعت العجوز من الوالي مستانسه وعطت الشاب فلوس وأنهت خدمته عندها.

    راحت العجوز لتاجر القماش وقالت له أنها تعبت بالطريق وأن زوجته أصيله وأكرمتها وهي من كثر التعب نست القماش عندها وأن زوجته بريئه

    وقالت خذ قماشتك لأن ولدي سافر هو و زوجته الجديدة.

    رجع التاجر زوجته وتأسف منها و راضاها بعد. ( انا اسف يام شليويح )

    العجوز : وش رايك يا أبليس أنا فككت السالفه سهله .. تضحك ( هذي المره فاكه فمها بس بالسن الذهبي )

    أبليس :أنتي ربحتي لا ما صدق ااااااااااااااه.... يبكي

    وعاد أبليس يجر أذيال الهزيمه

    وما زالت العجوز تضحك وتقهقه حتى سقط السن الذهبي في داخل كرشتها

    مسيكينه ما لحقت توريه خوياتها .......
     
  2.   مشاركة رقم : 2    ‏2005-08-30
  3. رماد العيون

    رماد العيون قلم ماسي

    التسجيل :
    ‏2004-11-19
    المشاركات:
    44,552
    الإعجاب :
    3
    مابقين شئ لأبليس

    أخذين كل شئ .. حتى العمر مايشفع لهن

    مجرد ضحكه لحد يزعل لوووووووووووووووووول






    تحية وسلام ..
     
  4.   مشاركة رقم : 3    ‏2005-08-30
  5. دون سيلفاتور

    دون سيلفاتور قلم ذهبي

    التسجيل :
    ‏2005-07-23
    المشاركات:
    6,471
    الإعجاب :
    0
    اهاهاهاهاهاهاهاه
     
  6.   مشاركة رقم : 4    ‏2005-08-31
  7. المتفائل2005

    المتفائل2005 عضو

    التسجيل :
    ‏2005-08-17
    المشاركات:
    219
    الإعجاب :
    0
    والله فضيعه من جد
    بس ايش نسوي هذا حال النساء مكارات وكيدهن عضيم
     
  8.   مشاركة رقم : 5    ‏2005-08-31
  9. من اجل اليمن

    من اجل اليمن عضو متميّز

    التسجيل :
    ‏2005-02-26
    المشاركات:
    2,266
    الإعجاب :
    0
    في زماننا كثير منهم ومنها
     
  10.   مشاركة رقم : 6    ‏2005-09-01
  11. تذكرني

    تذكرني قلم ذهبي

    التسجيل :
    ‏2005-08-16
    المشاركات:
    6,686
    الإعجاب :
    2
    اهاهاهاهاهاهاهاه







    حلووووووووووووووووووووووووووووووووووووووووة
     

مشاركة هذه الصفحة