ضحايا صالات الاسهم... مناقشة محترمة يا اخواني الاعضاء

الكاتب : أبومطهر   المشاهدات : 398   الردود : 0    ‏2005-07-30
      مشاركة رقم : 1    ‏2005-07-30
  1. أبومطهر

    أبومطهر قلم فضي

    التسجيل :
    ‏2005-05-17
    المشاركات:
    3,631
    الإعجاب :
    0
    [​IMG]

    [grade="00008B FF6347 008000 4B0082"]في السابق كانت التجارة في الجزيرة العربية صعبة وشاقة حيث كان الناس يجتمعون في مكان وكلا يعرض بضاعته وعادتا ماتكون البضاعة عبارة عن حبوب وتمور وحمام ودجاج وتجد الدلالين هم المسيطيرين علي السوق وبعد حلول الطفرة وابتداء النهضه اصبحوا اهالي الجزيرة العربية في البحث عن الربح السريع ولم يجدو امامهم الا صالات الاسهم.

    فاصبحت صالات الاسهم تجمع ماهب ودب فتجد صاحب الملايين وصاحب الحمام والدجاج ((الطفران)) يجمعهما غرفة واحده.

    ومن السوالف المضحكه فيه واحد اعرفه اسمه ع.ع.ع ((مهوب اسم هذا لوحة سيارة)) المهم الله يستر علينا وعليه تسلف خمسه الاف مع اني داري انه بايع مكيفات بيتهم وقرر يدخل سوق الاسهم مع ان حده سوق المقاصيص من حقه يجرب حظه زي الفاشلين الي مثله.فقرر انه يشغل سيارته الميتين ال موديل 85((وفيه قطوه نايمه بلمقعد الخلفي ولا دري عنها )) ويلبس البشت وعطر نفسه بالعطر اللي عند المغسله ((كولونيا)) وفي اليوم الاسود يستخدمها استخدام ثاني طبعا مثله مثل غيره من الشباب نافش شوشته اومايسمي بالقصه الايطاليه (( ها ها ها ها ها )) تخيلو بشت بدون شماغ وعقال وهو من عشاق الرز البخاري (( يعني دب)) فراح للبنك ودخل الصاله فتفاجأ لم حصل أثنين من أصدقاءه الاول جندي في الحرس واسمه عوض الملقب بعوكل والثاني شريطي في سوق الحمام ((زميل دراسه سابق )) اسمه غندف والملقب بمصيول وبعد لم الشمل وشرب الزقاير مع العلم ان التدخين ممنوع في الصالات.

    وجاءت الساعة الرابعة والنص وافتتح السوق وبدأ المؤشر في الطلوع والنزول فقترح مصيول ان يشترو في اقل سهم بشراء اكبر كمية من الاسهم بناء علي خبرته في الدلاله لانه سياسته الكثرة تغلب الشجاعة وطبعا بحكم انهم غشمان ((ماحولك احد )) اعجبتهم الفكرة وقرروا انهم يسمون مصيول (( الداهية والعبقري)) وراحوا كلهم للموظف المنفذ وقررو انهم يشترون كلهم في نفس الشركة ويوم طلعوا من البنك سووا حركة بيبتو ((كنهم جايبين هدف )) بعد كذا اقترح ع. ع.ع انهم يروحون لقهوه علشان يناقشون مستقبلهم وبعد نقاش طويل (( لين سكرت القهوه وطردوهم )) قرروا انهم يجتمعون في البنك يوميا لحد مايبيعون الاسهم بربح طبعا ويسافرون للمغرب وللأسف الحلم صار كابوس والمستقبل المنور صار مظلم .وبدت الشركة في نزول وتتكبدا اقسى الخساير ودايم مايلجئون لداهية والعبقري ((مصيول )) ويسألونه رحنا وطي وهقتنا وهو يقول ماعليكم والصبر مفتاح الفرج وكل تأخيره فيها خيره وارضى بنصيب ترتاح للحبيب ومقادير ياقلب العنا مقادير ومن هالامثال وكل يوم يقول لهم نصبه وتصريفه لين وفي يوم جاهم مصيول الداهية وقالهم الاسبوع الجاي تجهزو للسفر انا عندي مصدر موثوق فيه هامور دخل في شركتنا (( وش دعوه صارت شركتهم ؟)) والسهم بيرتفع وناوي يطورها ويسوي مشاريع طبعا ع.ع.ع وعوكل صدقوا وقالو له ياويلك لو تلعب علينا .

    المهم جاء الاسبوع والشركه كل مالها في نزول وخساير وبدا النقاش والهواش يعلا ويطول ((وهم جالسين في الصف الاول بعد)) وبدو يتطاقون باليدين والجلد والضحيه مصيول الداهية و ع.ع.ع جاه مغص ((اه يابطني )) وراح لدورة المياه بس الي اعرفه انا الي يجيه خبر شين قلبه يوجعه او يدوخ وعلشانه دب ويحب البخاري سلوكه صار مهب سلوك انسان وعوكل كان فيه شلت مبزره يدرسون في الثانويه يجمعون فلوس الفسحه يحاولون يتعلمون سوق الاسهم (( ناشئين الصاله )) ضحكو عليه وفصخ عوكل القايش لانه جاي من الدوام في الحرس وبالبس العسكري وتضارب معاهم .

    أفترقوا وكلا رجع لشغله القديم وحرموا يدخلون مجال الاسهم وكل واحد قال للثاني طالق بثلاث لنتى صحبي ولا انا اعرفك وححرمك من الميراث واقطعها ولا اشوفك في حارتنا .

    الله يكفينا شر الخساير

    اتمنا انكم ترفعون يديكم فوق وتدعون لي لاني شاري في كذا شركه وخايف تصير نهايتي زي نهايتهم

    اخوكم المخلص

    أ بــــــــو مــــــــطـــــــــهــــــــــــر

    مـــــــــــــــــــنـــــــــــــــــــقــــــــــــــــــــــــو ل


    سلالالالالالالالالالالالالالالالالالالالالالالالالالالالالالالام

    العبد الفقير لله[/grade]

    أ بــــــو مـــــــــطــــــــهـــــــــــــر
     

مشاركة هذه الصفحة