الى كل سحلية ؟؟؟؟ يمنع دخول التماسيح بتاتا خصوصا العزاب وعن اللقافة

الكاتب : نجمه الحب   المشاهدات : 694   الردود : 11    ‏2005-07-04
      مشاركة رقم : 1    ‏2005-07-04
  1. نجمه الحب

    نجمه الحب عضو

    التسجيل :
    ‏2005-05-12
    المشاركات:
    149
    الإعجاب :
    0
    هل انتي سحلية ؟؟؟

    اذا اليك :::::::::::::::::::::::::::::::::::::


    الى كل سحليه ناشبة(ن) في حلق أهلها وماتصرفت مع انهم حاطين معها أختها مجانا (لترويج البضاعة المتحرجمة في البيت )
    اليك عصارة راسي وبنات أفكاري أضعها بين يديك
    كيف تصطادين تمساح دون اللجوء للأساليب المعهودة والسقيمة (المغازل ،الترقيم،التميلح اللي ماله سنع،الترزز بالاسواق .الخ )
    للاجابة على هذا السؤال اليك مايلي :
    أهم نقطة :نشني على العجوز اللي حاطة(ن) عينك على ولدها ثمن نفذي مايلي :
    1-خليك مع أمك لاتروحين مع البنات وتهيبلين ماورى ماتهيبلتي اصبري عنهن كم شهر لين تتم العملية

    2-امشي وانتي حاطة(ن) راسك بين كتوفك لاترفعينه أبدا حتى لو يصير كله صعارير (خلي الفكس دائما في متناول اليد ) علشان يقولون مؤدبة ومب متكبرة

    3-كلمة خالة خليها على لسانك وخاصة(ن) لأم التمساح علشان تحس بنوع من التميز عن بقية العجز .لامانع تنادين وحدة ثانية بخالة علشان إذا مانجحت الخطة مع العجوز نمبر ون تنجح مع الثانية اتبعيها كخطة احتياطية (يعني ستبنة )
    4-إذا بدت أمك تتكلم انغزيها بكوعك علشان تدخلك بالموضوع حتى لو مالك داعي تطبيقا للمثل (كثر الطق يكسر الحديد) أدري إن المثل ماله داعي بس مالقيت غيره

    5-اخوانك الصغار لاحقيهم وطامري وراهم وين مايروحون حتى لو مب عادتك بس تصرفي معهم كأنك أمهم لأن هذا يوحي بما لايدعو مجال للشك عند العجوز بأنك حريصة على ذريتك (جعلهم عقبك)

    6-مهما أكلت أمك من أكلة زينة خليها تقول :نفس الاكله اللي تسويها بنتي (حتى لو الاكل من المطعم الصيني أو المكسيكي )

    7-اذا جيتي بتمدين ايدك جعلها الكسر< (خربتها) اعبطي خشتك وتويجعي (مب قوة علشان مايقولون جوارة) وخلي أمك تقول :قايلة (ن) لك وأنا أمك لاتنظفين جدران الفلةالخارجية بس أنتي الله يهديك ذابحتك النظافة (جعلي ماأبكيك أجل بتنظفين جدران الفلة نظفي غرفتك أول اللي تقولين ثايرة فيها قنبلة ذرية )

    8-دايم ارتزي كأنك بالعة(ن) قصبة علشان ماينقص من طولك ولا سنتيمتر (للقصيرات)

    9-اذا تكلموا الحريم عن أي عرس اكتمي نفسك لين تحمر خدودك علشان يقولون البنت تستحي ومالنا حق تكلمنا عندها (بس لاتكتمين نفسك مرة أخاف تروحين فيها وأصير قتلت نفس بغير حق

    10-مهما كان موضوع الحوار حماسي لاتبدين رأيك وخليك مثل الطرما لأن اللقافة تجيب أجل الخطة

    11-شعرك افرديه لين يتحسحس لاتخلينه طاير وشوشة مهما كانت الموضة لأن العجز مايدورون الا اللي شعورهن ناعمة والا ياعمري اللي شوشهن طايره ماحد يلتفت يمهن

    12-إذا أدلت العجوز (أم المتوهق) بأي رأي سواء كان سياسي أو وطني أو اقتصادي وافقي عليه حتى لو هو ماسخ وماله داعي مثلا تقول العجوز:أمس بوش متقهوي عندنا قولي لها :وليه ماعلمتينا ياخاله نجي نعاونكم

    13-في العروس لاترقصين اربضي واقضبي ارضك واعتبري الرقص عيب وشق جيب 14
    -اذا جا طاري السوق وطبعا هو لازم يجي الطاري لأنه ملح الجلسة عند الحريم خلي أمك (الله يعظم أجر أميمتك)بناتي مايطلعون للسوق أغراضهم أبوهن يجيبها (وانتي شكلك مقطعه السوق تقطيع )
    احتمال وارد الحدوث
    ممكن تكون العجوز منشنة على بنت غيرك لكن بعد النقاط السابق ذكرها بتصرف نظر عنك وعنها < (أمزح لاتصدقين )
    الحين بتكون العجوز وقعت باالفخ



    نرووووووووح للتمساح الحين :
    اهجدي في بيت أهلك ولاعاد تطلعين واذا جاء المعرس بيشوفك خلي أبوك يقول له :والله ودي تشوف البنت بدون ماتدري علشان تأخذ راحتك وانا عمك وبعدين تشوفها على الطبيعة علشان ماتقول بعدين غشيتوني (ايه هين ياالشايب لو يحصل حطيت بدالها باسكال مشعلاني والا أليسا والا مايا هالي مطيراتن عقول عيالنا وقبل يجي اليوم اللي بيشوفك فيه بحوالي اسبوع أو أكثر (على حسب شين وجهك ) ادهري من مشغل لمشغل (صبغه ،فرد،تنظيف بشره،الخ) لاتخلين على روحك قاصر
    ولما يجي المعرس خلي أخوك ياقف بجنبه عند الشباك علشان مايطول بالتبحلق ويبان المستخبي وذلك تطبيق(ن) لنظرية اللمحة ذبحة
    بعدها عاد كيف بيشوفك هذي عليك مب كل شيء بعلمك اياه دبري عمرك
    بس خلي أبوك في نهاية المشاهدة يقول:العذر والسموحه وأنا عمك (الأخ ضمن الولد يوم انه يقول وأنا عمك ) ترا (البنت حوسة (مع انك طاقة (ن) كل زينك بس يعني اني في هاللحظة الولد بينط على راس أبوك وبيمطخه لين يشفط مخه وبيقول متى العرس ياعم (اللهم ارحمه فقد كان ولدا بار (ن) بوالديه )
    عاد الله يوفقك ولاتنسينا من حلاو العرس والكليجا واياني واياك تعلمين الولد من اللي معلمك هالعلوم ولا حتى باسم القروب لأني أعتقد انه بيسوى مصيبه وأخاف يحط حرته فيني
    تحذير
    ابعدي عن أمهات العيال اللي متعلمات راعيات الشنطة مثل لون الجزمة لأن هذولي يبيلهم خطط بعيدة المدى
    نصيحه
    رفيقاتك بيلاحظون التغيرات المفاجئة اللي صارت لك فانتي قولي لهم :انك خلاص انسانه عرفتي درب السنع والعداله (فاصل دعايه للطقاقه فطومه )
    تدرين ليه؟؟خوفا من سرقة الفكرة الادبية
    والله يفوفقكن يابنات

    [line]
    منقوووول للفائده
     
  2.   مشاركة رقم : 2    ‏2005-07-04
  3. رمال الصحراء

    رمال الصحراء مشرف سابق

    التسجيل :
    ‏2002-09-30
    المشاركات:
    11,312
    الإعجاب :
    1
    موضوعان في نفس اليوم
    و
    كلاهما عن البنات

    والسلام عليكم ورحمة الله وبركاته..
    رمال الصحراء،،
     
  4.   مشاركة رقم : 3    ‏2005-07-04
  5. نجمه الحب

    نجمه الحب عضو

    التسجيل :
    ‏2005-05-12
    المشاركات:
    149
    الإعجاب :
    0
    هل هذا عيب صديقتي اذا راح يكون عيب فنحنا نقول باي لانو ماهيك منتديات
    عموما انا منتظر كلام المشرف انو اذا صار ياكد كلامك ولاشو
     
  6.   مشاركة رقم : 4    ‏2005-07-04
  7. رمال الصحراء

    رمال الصحراء مشرف سابق

    التسجيل :
    ‏2002-09-30
    المشاركات:
    11,312
    الإعجاب :
    1
    حفظك الله نجمة الحب..
    هل تودي أن يرد الآخرين على مواضيعك ، وإلا ترجع مواضيعك الصفحة الثانية والردود قليلة أو صفر :) ؟
    جــــــــــاوبيني :)

    والسلام عليكم ورحمة الله وبركاته..
    رمال الصحراء،،
     
  8.   مشاركة رقم : 5    ‏2005-07-04
  9. ابومالك رسام

    ابومالك رسام مشرف سابق

    التسجيل :
    ‏2005-04-07
    المشاركات:
    12,726
    الإعجاب :
    6
    اسجل اعجابي با الخطة وبقالبها الكوميدي

    وان لم اكن طرف في النزاع
    علماً ان شروط الدخول لاتحظر دخولي قطعياً

    تحياتي
     
  10.   مشاركة رقم : 6    ‏2005-07-04
  11. من اجل اليمن

    من اجل اليمن عضو متميّز

    التسجيل :
    ‏2005-02-26
    المشاركات:
    2,266
    الإعجاب :
    0
    هههههههههههههه انا دخلت بس بعد اذنك
     
  12.   مشاركة رقم : 7    ‏2005-07-05
  13. المهاوز

    المهاوز عضو

    التسجيل :
    ‏2005-07-05
    المشاركات:
    22
    الإعجاب :
    0
    ههههههههههههههههههههه


    دخلت فقط حتى ابدي اعجابي الشديد انسه نجمة الحب
     
  14.   مشاركة رقم : 8    ‏2005-07-05
  15. المارد اليمني

    المارد اليمني عضو متميّز

    التسجيل :
    ‏2005-01-25
    المشاركات:
    2,271
    الإعجاب :
    0
    الشكر الكبير لك يا غاليه





    مع حبي
     
  16.   مشاركة رقم : 9    ‏2005-07-05
  17. shadi fuad

    shadi fuad عضو متميّز

    التسجيل :
    ‏2005-04-17
    المشاركات:
    1,914
    الإعجاب :
    0
    [grade="00BFFF 4169E1 0000FF"]؟؟؟؟؟؟؟؟؟؟؟؟؟؟؟؟؟

    !!!!!!!!!!!!!!!!!!!!!!!!

    عجب [/grade]
     
  18.   مشاركة رقم : 10    ‏2005-07-05
  19. طائر النورس

    طائر النورس عضو متميّز

    التسجيل :
    ‏2005-03-21
    المشاركات:
    1,576
    الإعجاب :
    0
    غلطان ما قرات العنوان :D[​IMG]
     

مشاركة هذه الصفحة