قصايد مختاره

الكاتب : حكومي   المشاهدات : 569   الردود : 0    ‏2005-07-02
      مشاركة رقم : 1    ‏2005-07-02
  1. حكومي

    حكومي عضو متميّز

    التسجيل :
    ‏2003-12-08
    المشاركات:
    2,032
    الإعجاب :
    0
    بسم الله الرحمن الرحيم


    أولاً : أحب ان أهدي هذي المجموعة من القصائد المختاره

    فهذي القصايد مختاره ولا اعلم قائلها



    وأتمنا أنها تنال على أعجابكم





    بدينا واسم ربي نبتدي به 000قبل ما نبدع الشعر ونظامه
    وندعي والدعاء الله يستجيبه000 ويغفر زلة المذنب وآثامه
    وأنا مفتون والفتنه مصيبه000نسال الله عفوه والسلامه
    وقلبي في الهوى زايد لهيبه000وأخاف الناس تلحقني ملامه
    يقولون الذي فارق حبيبه 000يبات الليل عينه ماتنامه
    أتوب من الهوى وأرجع غصيبه000وراعي الحب يرجع في كلامه
    ترجعني له الذكرى العجيبه!000ونظرة عين تسحر وأبتسامه
    ومثلي كيف يجهل في مشيبه؟000 وأنا ما بي هبال ولا غشامه
    بياض الشيب له حشمه وهيبه000ومن شيب وصل سنه تمامه
    إلى منه جهل كلٍ يعيبه 000ويكثر قول عذاله: علامه؟
    ومن يصفى لغيرك وأ ش تبي به؟000قمر عشرين ما يجلى الظلا مه!
    ترى اللي صحبته شكه وريبه 000غنامه فرقته والله غنامه
    أخذ كلٍ من الدنيا نصيبه 000 حلال الرزق يغني عن حرا مه
    ورفيق المصلحه لا تعتني به 000ولا تفرح بلقمه من طعا مه
    ترى اللي هرجته نمه وغيبه000لزوم يقل قدره وأحترامه
    كذوب ومفتري والكذب خيبه 000ولو يلبس على رأسه عمامه
    أبو وجهين كلٍ قد دري به000بعيد عليه ردب الأستقامه
    ولا يفرق حضوره عن مغيبه 000ولا يعرف سوى درب الرخامه
    غريبه كيف صاحبته غريبه000ومن يأخذ بدال الصقر هامه؟
    نصيحه فارق الخائب وسيبه000ترى ما في حبيش إلا سنامه!
    رفيقك تعرفه ربي يجيبه000 عن الخائب رفع ربي مقامه
    أبو تركي وهو سابق بطيبه000شعار المدح يستأهل وسامه
    خويٍ في المواقف تعتزي به000وهو رمز الشجاعه والكرامه
    سديد الرأي شوره نقتدي به000ولا يلحقك من شوره ندامه
    وراعي دين علمه نهتدي به000كريم وشهم من منبع شهامه
    ختمت وذكر ربي ننتهي به000في أول ما نقول وفي ختامه

    وهذي قصيده الفيه

    "ألف" أنا شاعرعلى العز ثوبه متفصل ٍعالقد مابه زيادات
    "والبا" بنيت القصر وأحكمت بوبه قصر ٍتعدّى شاهقات الرفيعات
    "والتا" تبوبه ثم أكرر : تبوبه!! تبّت حروف إللي يسوق السقيطات
    "والثا" ثمان سْنين نظم مْحسوبه أنظم بيوت الشعر بلحون عرضات
    "والجيم" جريّت المواويل نوبه ونوبات أجرّ الصوت سامر وقلطات
    "والحا" حرام الوصف كثرن عيوبه مثلي ترّفع عن وصوف الرذيلات
    "والخا" خذيت مْن البنا خير "طوبه" وأما شرير الطوب ما له قبيلات
    "والدا"درجت الرجل يوم الحروبه وشنيت عا لغدار شلال غارات
    "والذا" ذليل النفس زادن عطوبه عساه ما يبرا من الهمّ لحظات
    "والرا" رفيع الرأس يحمى جنوبه من كل طعنة غدر بأسنان حربات
    "والزا" زعيم المجد يقرع خطوبه فارس تعلا عالخيول الضميرات
    "والسا"سيوف الهند صارن عقوبه لمعاند الفرسان حين الملاقاة
    "والشا"شبوب الحرب ياهل الشبوبه شبوا غضاها لين تغدي وقيدات
    "والصا"صبوب الماي يتبع صبوبه من بعد رد الحق نطفي اللهيبات
    "والضا" ضميري يا "علي" فيه حوبه وأقارع الفرسان و أخشى النجيلات
    "والطا" طريح ٍ عقب رمية هدوبه وزادن طعوني من وصوفٍ حسينات
    "والظا" ظريف، الروح فيها عذوبه محروس من كل الزلل والخطيات
    "والعين" عينه عين مهر ٍلعوبه هاك العيون "أم الرموش"الجميلات
    "والغا" غنج لامن خطى في دروبه ماكنّه إلا الغصن إذا هبّ نسمات
    "والفا" فريد النوع فاحت طيوبه شيح و نفل و زْهور وأنسام عطرات
    "والقاف" قلبي ما رضى له سبوبه ما يستمع راعي اْلهوى فيه سبات
    "والكا"كثير الوجد تحرق لهوبه عز الله إلا النّار فيني سعيرات
    "واللام" لين العمر يدنى غروبه ما حال "ناصر" عن عهودٍ وثيقات
    "والميم " متعني و روحي تعوبه لكن نسوق أعمارنا له رخيصات
    "والنا" نعاني فالهوى وجْهلوا به صارت حكاوينا بكاوي و عبرات
    "والها" هذاك الود يامن مشوا به فيه الطُرق متلاوياتٍ و عسْرات
    "والوا" وربي قدرته في كتوبه عسى مرير الوقت يكتب مسرات
    "واليا" يدور الوقت وأخشى قلوبه لكن يدبرها حكيم السماوات


    وهذي قصيده عتب


    اشتكيت الزين للقلب الحزين
    صاحت الذكرى وحنا عاشقين

    ياحنين الامس يافرح السنين
    وين ذيك البسمه ماعادت تبين

    وياغصين البان ياحبي المكين
    وش تبين اليوم قولي وش تبين

    لو ذكرتي الامس والحب الدفين
    كان لايومنا هذا وحنا مهتنين

    تطرقي باب الهوى طول السنين
    ماتعرفين الظروف وتنسين الحنين

    ساهر(ن) ليلي مع القمرا حزين
    بس اهل الدمع وانتي تظحكين

    ولو تفارقنا اليوم بكره ترجعين
    عارف(ن) لك غير قلبي مايلين

    وحب صافي غير حبي مايبين
    لو تروحي من الحجاز للرافدين


    وهذي القصيده من أجمل القصائد


    يالله تغفر زلة العبد الذي قاده لها الشيطان
    يامليك الملك يامن علّم ابن اّدم وسوى قدره
    وجعلت الحق والباطل دواما في مشاكله
    تلعن ابليس الذي سوى لنا درب الخطا بالراحه
    لين عدينا منه واثر المهالك في نهايته
    وسقانا المر ونحن نحسبه ماياً زلالاً صافي
    وسبحنا في بحوره و ارتوينا من كظايمه
    الوعود الي منه عشنا عليها اوهام و اتخيالي
    وتجرعنا مرارتها عسى الله لايعودها
    مايصح الا الصحيح و عروة الله من توثق فيها
    بشّره بالجنه الخضرا يخلّد في مقامها

    وهذا 0000الرد

    يا ظليل العقل حاسب دام عندك حيل و نشيطان
    الحوادث و المواتر مهلكه يا كل سواق ادره
    الحديد اكل لحوم الناس حتى ان المش اّكله
    الدروب تفتحت قدامنا حتى ا صبحت با لراحه
    واصبح القانون ينهانا ولانسمع نهايته
    وانا عندي كلمتا و الحق فيها حكمتاً وانصافي
    قدر الارواح روحك لاتعّود منك ظايمه
    المواتر يافتى ماهي مثيل الخيل للخيالي
    والامثل المهره الي عسّفت من لين عودها
    المواتر نعمة الخالق ولاكن مابناثق فيها
    حسبنا الله عالذي با الطيش قعّدها و اقامها


    معا تمنياتي لكم باطيب الاوقات

    اخوكم
    حكومى
     

مشاركة هذه الصفحة