فليحيا حزب الحمير

الكاتب : الحسين العماد   المشاهدات : 416   الردود : 0    ‏2005-07-02
      مشاركة رقم : 1    ‏2005-07-02
  1. الحسين العماد

    الحسين العماد عضو نشيط

    التسجيل :
    ‏2005-06-11
    المشاركات:
    270
    الإعجاب :
    0
    يَلّلا نهتف وِبْضمير
    فليحيا حزب الحمير
    واللي ما بهتف يا إخوان
    بِعتبروه خاين وجبان
    ولازم على بيت خالتو يطير
    و.. فليحيا حزب الحمير

    وهالحزب فيه منو كثير
    في وطننا العربي الكبير
    حزب مآمن بالحرية
    عالطريقة الدحلانية
    حرية تكميم الافواه
    ممنوع حتى قولة … آه
    ويا ويلك لو قلت الآه
    بعتتبروك إرهابي خطير
    و فليحيا حزب الحمير

    هالحزب أو هذي الشِّلة
    ما إلو دين ولا مِلة
    حزب مؤلف من لصوص
    مقَعّد شعبو عالبعبوص
    وفي الوطنية بِعطي دروس
    وهو ما بعرف غير " راس … روس "


    ولشارون بِوطّي راسو
    ولابن بلادو بِ*** ساسو
    وبِنزل في عظامو تكسير
    وفليحيا حزب الحمير

    شعب مشرد من سنين
    عايش عالقُرضة وعالدين
    من خير بلادنا محرومين
    وجوّة وطننا منسيين
    ووين ما رحنا مطرودين
    في اوروبا او في الصين
    حتى جُوّة فلسطين
    بعتبرونا ارهابيين
    وملّينا هجرة وتسفير
    فليحيا حزب الحمير

    شعب ما لو مأوى وبيت
    عايش عالزعتر والزيت
    شعب نايم عالحصير
    من كبير ومن زغير
    ولسّاتو بشرب من الزير
    وبتحمم من مَيّة البير
    وحرامية بتلبس حرير
    ومرسيدسات بزوامير
    وبتشرب من الفريجيدير
    بيوتها مكْسِيّة باركيه
    يوم كافيار ويوم سوتيه
    والويك إند في الشانزليزيه
    وهذا هو العصر الماسي
    لرئيسنا ( العباسي )
    وهيك نضال الختايير
    فليحيا حزب الحمير

    وين وعودك يا عباس
    لما دجّلِت عالناس
    ولمّن حلفت اليمين
    إنك تقضي عالفاسدين
    وراح ترفع راية القانون
    من نابلس لبيت حانون
    بس الظاهر مهما كان
    راح يسود قانون دحلان
    وراح تهدينا يا أبو مازن
    زنزانة لكل مواطن
    ومش راح نصبر عليك كثير
    وفليحيا حزب الحمير

    هيك دايما حكم الطاغوت
    بضرب شعبو بالنبّوت
    وما عرفنا ضرب الشلاليط
    غير لما أجونا الشراميط
    وهالشلة ما منها خير
    من رئيس ومن وزير
    ورئيسنا زي الشوفير
    اللي بخاف من شرطي السير
    ومصيبتنا إنو (دوبلير)
    لشارون وبوش وبلير
    استلم السلطة بالتزوير
    ووعوده إبر تخدير
    وبلاده شبعت تدمير
    وهَيْنا بندفع الفواتير
    من دم شعبنا الفقير
    ولازم نسعى للتغيير
    ونضرب كل الطراطير
    بالصرامي والبساطير
    وخلي الشعب يهتف بضمير
    " فليسقط حزب الحمير "
     

مشاركة هذه الصفحة