بلاك هستوووووووووووووووووررري

الكاتب : أبومطهر   المشاهدات : 510   الردود : 2    ‏2005-07-01
      مشاركة رقم : 1    ‏2005-07-01
  1. أبومطهر

    أبومطهر قلم فضي

    التسجيل :
    ‏2005-05-17
    المشاركات:
    3,631
    الإعجاب :
    0
    [grade="00008B FF6347 008000 4B0082"]بلاك هستوري
    سلخير هذا يطويلين العمر ماي بلاك هستري(( تاريخي الحافل

    والبطولي الطفولي))


    وايام الشميسي ودجته كان في تلك الاحياء يترعرع برطم نملة

    ((الحين الكميراء جايه من
    فوق بعيد وكل شوي تقرب تقرب ويبن انا اترعرع تقول غنمه تاكل

    زرع)) والحين خلينا
    نبربس بعض المواقف والقصص الي صارت لي ايام الطفوله

    .

    كنت اول ساكن ببيت شعبي دور واحد((تكفا الحين الي تقول

    البيت لي وجاحد اهلي ))
    وكان كل الي حولينا قريب لنا اثر البدو مصتاصل فينا تقول

    مهاجرين بخيام ومايروحون الا
    مع بعض يسكنون بمكان واحد كلهم وكنت مولع بشي اسمه

    موصير مافيه ماصوره بببيتنا
    ماتعلقت فيها تقول قرد وتطورت شغف وهوية وحب المواصير الي

    مواصير الشارع
    تشوفني من بعيد تقول نسر معلق بنور الشارع ولا جدار وكنت كل

    يوم وخصوصا الفجر الصبح
    كذا اطلع من المصوره للسطح كني طالع درج عادي ((محترف

    تسلق جبال ))
    وبسرعه اطامر واتسلل لين بيت جيراننا وانزل عندهم كنه العيد ولا

    شي وادخل ببيتهم
    كل يوم واقعد افطر معهم لين ماتعودو علي كل مره وهم يفطورن

    كذا يشوفن يد جديده
    تمتد للاكل معهم يقولن بسم الله من وين طلع هذا ((عادي عادي

    مقطعتني الميانه مره


    )) وابوي طق فيني مافيه فايده لين ماغطاء سور السطح خل البيت كنه عشة حمام


    بشبك من جميع النواحي كله علشان برطم نملة لايطلع للسطح .

    فكرت شلون امارس
    هوايتي الي اصبحة كلهروين بدم مدمن واشوف لي فتحه بمكان

    ثاني ضيقه مره يالله
    القطو يطلع منها (( تنفع تجي في اشياء لاتصدق وشلون يدخل

    ويطلع منها )) واقول
    هين اطلع من هل الفتحه وعليها طلوعي ودخولي منها لين ماجت

    مره بعد ماكبرت


    شوي وسمنت نشبت فيها ماقدرت اطلع ولا ادخل وبعدها تبت

    وتنتهي حكايتي مع
    المواصير .

    ولاسالفة الكلاب اخر الليل يتصيدون لي موب كلاب صرحه تقول

    اسود متوزين بين
    الشجر من تشوف احد يركض علي طول تلحقه شوي انا اركض الا

    هل الكلاب واري (


    (وانا اركض اركض والتفت لها واحس تقول لي فيك خير وقف وازيد اركض ))يمه وعلي


    طول اطلع علي جدرا واتنفس بقوه من شدة التعب خايف وهي

    تحتي تناظر تقول انزل
    ان كان فيك خير وانا اناظرها بنظرات خوف عيوني صارت صغار

    كنها فصوص فستان من
    الخوف.

    اما سالفت قفلت باب البيت علشان ماطلع سالفه ثانيه وكانت لي

    الطرق في فتح الباب
    عجيبه كنت لما ابي اطلع بنعولي((لحظو برطم نملة تره يلعب كن

    فو يفتح باب مسكر
    بلمفتاح بنعااااال والمسكين ماكان يدري ان اغلب الظرب كانت تجي بيدي هع)) ادق
    الباب الحديد بقوه علشان يفتح معي (( طبعا يكون مقفل عادي قفله اوله وثانيها ومثل
    أي باب ))دقه اوله يفتح والدقه الثانيه يفتح وعلي طول الا انا جربي للشارع تقول
    منحاش من سجن وصارو يتصيدوني اخواني الصغار كل مابغيت اطلع قعدت اتلفت كني
    حرامي لين ماتتسنا لي فرصت الهروب الكبير من البيت وتحين ساعة الصفر ودق
    بنعلتي الاوله يفتح ودق بقوه الثانيه يفتح وهوبااااا قوووووول فتح وانحاش الااخاواني
    يصيحون طلع طلع برطم يمه يمه شوفي برطم بينحاش البيت كله يقوم وامي مايمديها
    تصول لي الا انا مخلي سبيلي برا البيت بلشارع ولا ارجع الا عقب العشاء كوره علي
    دجه بلشارع .

    ولا يوم العب بلنار وخصوصا بليفت الغسيل اولعها واقعد الف بقوه يدي وانا ماسكها وانوع
    الحركات ((تقول بستاد الملك فهد استعرض العاب ناريه بدورة الخليج هع)) ومره جبت
    سلك الموعين هذا بلمطبخ وتجمهرون المبزره وهاتك اشغلها بلمطبخ وز وز احرك يدي
    بقوه من الاخلاص علشان يطلع شكلها مدور كذا وكان قدامي اخوي الصغير يتفرج
    شوي افلت ليفت الغسيل كلها لهب نار وتنشب بخشت اخوي ويحترق المسكين تنشب
    بخده اليسار من تحت الاذن يصيح يوخر النار بيده وتنشب بعد وبعدها جري علي
    المستشفي يعلاجونه من الحروق ولليوم فيه اثر بسيط بيده وخده من الحرق وانا اتوزا
    كنت وقتها تتوقعون وين تحت مخده تقول فار مدري وشلون شالتني واختفيت تحت
    مخده .

    عاد تجي ايام المراهقه والمواقف المحرجه مره من المرييت ايام مانقلنا شمال الرياض
    كنات مازالات حركات الشميسي متشبعه فيني 24 ساعه واقف عند الباب ماش ياهو
    ابي عيال اطلع معهم ابي ادشر ابي احد العب معه كور ماش مافيه كل عيالهم ياي ولا
    فيهم احد بلشارع وجتني انوع الحاله النفسيه والضيقه والطفش واشتري لي سيكل
    واقعد استعرض عند المبزره لين ماجبو بعد هم سياكل وصار حينا كله المبزره بيسياكل
    كننا بلهند بس برضه ماش مزال الحنين الي الشميسي ورجته وخصوصا يوم كنت مسوي فيها
    قوي مع شباب الجراديه كنا فريقين من الشميسي حنا وهم 11 من الجراديه
    مبزره شوي بدا يتحروشن حقين الجرديه ويبون طقاق وانا مسوي قوي يقالي الحين
    شديد شوي يوم شدت الهوشه اشوف اخويي كلهم منحاشين مابقاء الا انا لوحدي قدم
    العدو ياولد مايصير هذولي كلهم علي لازم علي قولت المثل الكثرة تغلب الشجاعه
    واطلق سيقاني للعنان وهاتك ياسرعه مدري من وين جاتني وهم وراي مثل الكلاب
    تحلقني ((صاير كني العداء المغربي في الالمبيات)) وامر من عند اخويي يناظروني
    ويضحكون من بيوتهم امداهم يدخلون بيوتهم اخخخخ واجي اقول مالي الا البكستانيه
    حقين المصنع ادخل لهم يفزعون لي وفعلا خافو مالحقوني نجوت باعجوبه منهم وثاني
    يوم يدري ابوي ويطلع يعرف ابو زعيم العصابه حقين الجراديه ويجي يدورني يتاسف للي
    صار ونصير اصدقاء وكونا مافيا وتحلافات شلليه (( تحلافات ؟ هع صار كنه سرفايفر)).

    مره معزومين بنفس الحي تبعنا بلشمال عند قرايب لنا كانت حفلة ملكه واجي وادور
    بحوش البيت وكله مليان مبزره اظهار مبزرة القبيله كلها جايه ومنحشرين بلحوش واقعد
    اركض بلحوش الف حول البيت وكلهم واري مثل الخبلان تقول (( تقول بطواف الوادع
    استغفر الله ))كلنا نلف انوع الازعاج وشوي اشوف المسبح واقف اناظر كان وقتها شتاء
    وفاضي المسبح وشفت شكلها جاي علي شكل مرجيحها لتحت قلت فكره ينفع نتزحلق
    فيه وانزل وانادي ساعدي اليمين عمر ينزل معي نلعب وينترس المسبح تزحلق شوي
    يتمطر كلهم طلعو الا انا مسوي قوي عادي ولابس جسم مسوي كاشخ اطلع اطلع
    يابرطم لاموب طالع الحين يزين التزلحق شوي حسيت اني بورطه قلت اطلع بس واجيك
    ابي اطلع الا دربج علي راسي اجيك مجواب كل ماطلعت اتزحلق وماتجي الظربه الا
    علي راسي جهت اليمين ثانيه وثالثه ودربج شوي واصيح والمزره دار مادار علي المسبح
    يناظرون المسرحيه وعلي طول طيحه ا ه ه ه ههههه تتعاااالا الصيحات والضحكات علي
    (( شوي ويصفقون الجمهور كنهم يشوفون عرض دلافين)) وينزل ساعدي الايمن عمر يمد
    يده ويطلعني وبراسي صعرور هذا كبره صاير اسوووود كنه نبت لي خشم براسي .
    اما صدقياتي البنوتات ايام الطفوله كان عندي صديقت كثيرات اوي اوي ومافيه بنت
    ماصيحتها وهبلتبها مره كانو مسوين بارتي البنات ودريت عنها وكانو هل البنات
    مايطيقوني قلت امم وشلون اقتحم البيت فكر يابرطم فكر يابرطم اخر شي جتني الفكره
    الجهنميه واقعد اتوزا عند شقتهم وري الدرج لين ماتجي بنت واهجم عليها واهددها
    واتوزا ورها لين مايفتحون وادخل شوي وانا اطلطل احد جي الا وتجي فريال ام شوشه
    منفوشه(( الي كن شاب فيها شرخ)) الي شعرها تقول ليفت مواعين وعلي طول
    امسك يدها والويها وتقول فكني حرام عليك قلت لها اسكتي دقي وانتي ساكتها ولف
    يدها ومتوزي ورها وقلت لها اذا سلو عني اني معك قولي لا مومعي قالت طيب شوي
    تدق عليهم ويقولون لها مين تقول انا فريال قالت حولك برطم نمله سكتت شوي قالت
    لا مومعي وانا وراها ولف يدها شوي فتحت البنت وانا علي طول اطمر هجوم علي البيت
    وادخل شوي ويتناحشون لجو البيت وتتعالا الصيحات تقول شيفين لهم حرامي ولي
    تصيح وش دعوه ماطقيتها دموع وحاله وتكلم تلفون تحوال تدق تخربت من كثر الدموع
    والخوف تدق علي امي يقالها تخوفيني يعني اطلع واناا ناظر فيها من بد البنات هلي
    تدق علي امي وتصيح مع اني ماجيتها بس المسكينه ارتاعت من صيحات البنات قلت
    يمكن بياكلنا شي وش هل الدلع ياناس اتعب كذا عاد تصدقون مع الايام دارت وطلعت
    هذي البنت الي تصيح وتدق علي امي ….. دنيا عجيبه من يتوقع .
    وهاكذا انتهت جزء من فيض من مغامراتي الجشاعه ((الجشاعة وش دعوه اريتيري الاخ
    قصدي الشجاعة )) والبطولات التاريخيه الطفولية لبرطم نمله ((مع تعرضها لقص من
    الرقيب )) عاد كنت بحط صورتي يوم كنت صغير صورت المجرم برطم نمله وتشوفن
    شعري الناعم احلا من شعر البنت اذكر يوم الف راسي علشان استعرض شعري يسار
    يمن يتحرك اقول اسكت خلاص يكف بربسه علي غير سنع .
    وخشتي الي كلها ممشخه تقول نطلين عليها قطو وومشخني ولا كنه شعر بنت اذكر
    يوم الف راسي علشان استعرض شعري يسار يمن يتحرك اقول اسكت خلاص بل اعوذ
    بالله منك .[/grade]
     
  2.   مشاركة رقم : 2    ‏2005-07-01
  3. البحار

    البحار قلم ماسي

    التسجيل :
    ‏2002-12-22
    المشاركات:
    19,341
    الإعجاب :
    17
    هههههههههههههههههههه

    اما صحيح بلاك هستوري


    لا تنسى يا اخي تقول منقول
     
  4.   مشاركة رقم : 3    ‏2005-07-01
  5. أبومطهر

    أبومطهر قلم فضي

    التسجيل :
    ‏2005-05-17
    المشاركات:
    3,631
    الإعجاب :
    0


    أنا واعوذ بالله من كلمة انا معرررررررررررررررررررروف في المجلس اليمني يا اخي الكريم

    لذلك مافي داعي اقول منقول او لا للانهم يعرفوا مواضيعي المنقولة والمكتوبة

    وشاكر لك مشاركتك اللطيفة والجميلة جدا

    سلالالالالالالالالالالالالالالالالالالالالالالالالالالالالالالام

    العبد الفقير لله

    أبــــــــو مــــــطــــــهــــــــــر
     

مشاركة هذه الصفحة