ليل..

الكاتب : ابونايف   المشاهدات : 745   الردود : 0    ‏2001-01-27
      مشاركة رقم : 1    ‏2001-01-27
  1. ابونايف

    ابونايف عضو فعّال

    التسجيل :
    ‏2000-12-18
    المشاركات:
    774
    الإعجاب :
    0
    للشاعر مخاوي الليل:
    سارت وانا عيني تراقب خطاها
    ................. خطوه تسوق الخطوه بهون وركود

    يوم احضرت غاب القمر من سماها
    ................. واللي بقى من نجومها تقل معدود

    زين الوصايف والحسن اكتساها
    ................. شقرا وفيها من الحلا مالها حدود

    لاعتني بنظره وبعد ماكفاها
    ................. حطت بجوفي من الجمــر شوق موقود

    شامه تعلا ثغرها من حلاهــا
    ................. تضفي على نور الحسن نور مـردود

    صابتني بداها ونفسي دواها
    ................. من العيون السود دواي منشــــود

    أهاوده قلبي إنشغف في هواها
    ................. متحملـه صار الصبر مني مفقــــود

    عـزاه نفسي صابها ماطواها
    ................. طي الورق رطبً مقطــــــوف من عود

    حق الله اعلم في الحشا وش غلاها
    ................. تضحك لها عيني ولو كنت مــزهــود

    الناس ماتدري بروحي وخفاهـا
    ................. يكفي أجنب نفسي عن كل منقـــــود
     

مشاركة هذه الصفحة